1 TIMOTHI 5:3 - Lacid Common Language Bible

³ Lo, ti" phyeug nyid da" coug: moo" myhi, yi ri phau" myang: nyid we'.

1 TIMOTHI 5:3 교차 참조

YOBA 29:13

Lo" thang sho' kyi" khyeug shoug" bang: ngoo ri coung" boem. Houg: lho: cougmoo" yi goem loem sho' ngoo pang" thoug byid: bye:.

YOBA 31:16

Ngoo gi myung bang: ri pang" wa khanham we' angeug he: pyam. Cougmoo" yiri we' nheig kyoo" nheig gyam anyid nhang:.

COUNG" NGHEI 146:9

Nyang: gi: mungdain: mo being" voo joem ri goem loem byid: lho: coug" zoo: cougmoo" yiri pang" thoug byid: nyid nghoid loug we' akhyeung" mo, da" khyoo: rigi nyang: byo, yoin' lo" nhang: wa zi nghoid.

COUNG" NGHEI 68:5

Mangsoo gi nya: da" gyeung" shang: Noku Yhoem: Moo" khoug: moo: nyid lho: cougzoo: cougmoo" yiri goin coung: lhoug zung" nyid.

COUNG" NGHEI 94:6

Nyangnu" gi cougmoo" myhi' yi yo' coug" zoo: nu" yiri said pyam nyid boem ziyo' Nyangnu" mungdain: moo: bo nyid da- tungbau byu yiri we' said pyam nyid boem ago".

THU' LO" MOUGSOUG" 20:12

Ngoo nanu" ri byid: wa da" mungdain: moo kangso' sheing: nyid goo" baja" nanu" da" nya: phoo yo' nya: myhi' ri phau" myang: nyid ge'.

YEREMIA 49:11

Nanu" da" cougzoo: nu" yiri ngoo yo' dage" nyhid: too" khoo' ge'. Nyangnu" ri ngoo goin coung: byid: wa. Nanu" da" cougmoo" myhi' yi ngoo ri yo" khau: nghe: wa.

MATHE 15:6

‹Hid yhangti" nanu" nya: da" tarha" ri yo" cang wa shid re" Mangso da" tarha" rigi aphoug" akhyoid koid: pyam bye.›

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

LUKA 7:12

Voo khoem" moo" duang: nam, moo Yesu ju" lo" ri byu yi gi cougmoo" myhi, dayug kyeing" da" yuggi zoo: da" mang ri myhoeb wa shid' re" dang phoug go" thu, ri" lang. Hau: cougmoo" myhi, yo" dage" voo byu yi gi bo de" kaid re" boem.

YOHAN 1:47

Nathanela re" nyid zi Yesu myang lang" nya: khyoo: Yesu tid zigi fain" da" nheigloem: abo da" Israela Byu gyeing" dayug hid: moo ju" bye: ga: wigi tid.

ACTS 6:1

Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago".

ACTS 9:39

Houg: yoomo Petru gi hau: eig yug yo' dage" yhe: loo" bye- Petru gi ju" yhi: lang" nyangnu" gi Petru ri atho' pyam: khyoo: shu" do' lo" ago". Cougmoo" yi dangain" mo, gi ngau, zoore" Petru da" gung yam, moo zeung: foem: lo lho: Dorka nyang: dei nyid shi" ayo, moo coeb, too" khare" da" byimi dangain" ri Petru ri ci: shug ago".

ACTS 9:41

Petru gi nya: lo, yhoin" kaid' lho: nyang: ri she: to' kaid'. Hau: thang: ri Petru gi cougmoo" myhi, yi yo' dage" loem" jeing" mo, dangain" - nyang: ri khe: yu wigi Dorka dei lo bye: zi nyangnu" ri ab, byid: bye.

TARHA" TID POIN" 10:18

Coug" zoo: yi yo' cougmoo" yiri tarha" nyeung veung" khyo" koid ziri nyang: si' nhang: da:. Nyang: gi ngoonu" byumyu" yi yo' dage" nyid da" tungbau byu yiri jheddab da:. Houg: lho: nyangnu" ri zoo: noem yo' byimi joem byid: da:.

TARHA" TID POIN" 14:29

He: zoo: noem joem gi nyangnu" seing: wa mougmyid jonu" ayoo" nghoid da" Levi byumyu" yi yo' nanu" voo moo nyid boem da" tungbau byumyu" yi coug" zoo: yi cougmoo" yi shid re" nghoid da:. Nyangnu" gi nyangnu" vho: gu: dangain" zheing: re" yu boem wa nghoid ago". Hougsu" koid ge'. Houg: lang" Aseing Mangsoo gi nanu" koid da" moo" ja: khang" moo" moo nanu" ri mainkaid byid: loo wa.

TARHA" TID POIN" 16:11

Aseing da" shidkhoin" moo nanu" zooshang: yi dei zoo: yi yo' nanu" voo joem moo nyid da" Levi byu yi tungbau byu yi coug" zoo: cougmoo" yi yo' dage" ngei ngei pyoo: pyoo: nyid boem ge'. He: ziri noku joyoo daloem: moo kyeing" koid ge'.

TARHA" TID POIN" 16:14

Nanu" zooshang: yi dei zoo: yi yo' nanu" voo joem moo nyid da" Levi byu yi tungbau byu yi coug" zoo: cougmoo" yi yo' dage" ngei pyoo: tung" pui" koid nyid boem ge'.

TARHA" TID POIN" 27:19

«Tungbau byu yi coug" zoo yi yo' cougmoo" yi da" akho: akhang" ri abyid: su: hang" nghoid loug we' Mangso nheing" khoin" zang" baja". Houg: lang" byumyu" yi dangain" gi ‹Amen› ga: tu" wa zi nghoid.

1THESALONI 2:6

Ngoonu" gi sube" wigicoung" nghei byid: da" khyoo:- nanu" jang" mo, we' goo" tu: byu yi jang" mo we' yo" yu sho' yoem: kaid' nyid zi anghoid.

1 TIMOTHI 5:2

Myhi, zeing yi rigi nya: myhi' ri yhang: ti"- gyeungshang: nheigloem: yo' tid poin" tid kyeung" nyid we'.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.

1PETERU 2:17

Byu danghoid moo nghoid rigi phau" myang: nyid ge'- loem" jeung" da" mang nhung" gootu: yi ri jheddab nyid ge'- Mangsoo ri gyoug phau" nyid ge'- Khokham" yi riphau" myang: nyid ge'.

1PETERU 3:7

Houg: yo' dakhyoo" ti"- yhoem: seing: pho we"- nanu" da" yhoem: seing: myhi' yi gi nanu" tho' moo yoem: neing: mo, nghoid ziri se' lho: nyangnu" yo' zoem" khau: nyid ge'- nyangnu" gi apyaid' ato: kangso yo' sen: da" jeju" ri nanu" yo' da khyoo" ti" yo" yu wa mo, nghoid yoomo nanu" gi nyangnu" ri phoug" phoug" myang myang zoem" khau: nyid ge'- hougsu" nghoid lang" she' nanu" da" akyu" mho' thui: gi khanham we' dakhyoo" ti"- yo' mho' nyid boem wa zi nghoid.