1 TIMOTHI 5:22 - Lacid Common Language Bible

²² Aseing: da" moozoo" voin, vu, wa shid re" hang" ri nghoid loug we' lo, ke" lho: aya: tang: byid: wa ziri akhang:- subi" dakoid da" yooboo moo aye: bo vang lhu"- nang nyang: we' yooboo adab sho' gyeungshang: nyid we'.

1 TIMOTHI 5:22 교차 참조

COUNG" NGHEI 50:18

Nang gi shoug" go" da- khoug" foeb yugkhang" mo" da" byencang" bue" lho: myilhoid lang lhoid bang: yo' dage- nang zoem" nyid yen" da:.

ACTS 13:3

Houglang" nyangnu" gi zoo: noem jang" lho: akyu" mho' nyid wigi nya: eig youg tho' moo nyangnu" lo, ki" byid: wigi moozoo" ri voin, vu, wa shid mo nya: eig yug ri nhang: kaid ago".

ACTS 18:6

Nyang: nu" gi nyang: ri aphoug" akhyoid tid ngeug lo nyid lang" Polu gi nya: byimi, joem mo phei" lhoug: joem ri ko: khyo, pyam' lho: nanu" joem: lo" boem lang" gi nanu" nya: yooboo za: danghoid loo: wa Nga" vhudi tho' moo gi ce" yoovoin, we' ajo, loo:- akhid " nyid" mo thei: gu: ngoo gi tungbau byumyu" yi ri mungdang: kho" kyoo" wa shid re" yhe: loo" zi nghoid bye- ga: tid.

ACTS 20:26

Hougsu" wigi nanu" mo dayug yug da" kang: so' joem: lo" nghoid rigi nga" vhu" di, tho' moo gi ce" yoovoin, we' aboo lo: khyoo: ri akhid" nyid" ngoo nanu" ri jhug jhug tid kyoo" ba.

ACTS 6:6

Phung byu yi gi hau: khyen: yu too" bang: ri lagyoo: yi da" shid' khoin" moo nyid nhang: to" ago- lagyoo: yi gi houg: bang: tho' moo lo, ke" lho: wigi Akyu" mho' byid: ago".

Ephesu 5:11

Byu yi koid nyid da" moug: coid yo' sen: da" akyu" abo ce" ja: moozoo" moo we' dajhi' lang" abo zei: loo: za: houg: yhang: te" da" moozoo" ri bidbang moo pang shug nyid ge'.

1 TIMOTHI 3:10

Nyang: nu" gi xang: shed" ri ca: kyeung yu" zi shau" boem lho: yooboo ri yo" oung: loid loo" mo, nghoid boem rigi phungtau, moo" ri voin nyid goo" baja".

1 TIMOTHI 3:2

Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

1 TIMOTHI 3:6

Nyang: gi Khristain aseig bue" loo su: we' age nghoid- hougsu" wigi phau khuang khyoo: moo nheigloem: myhang: lo wigi yu satan ri yhang: ti"- shen" yhen dang: phyed' zi ashug" baja"- hau: loem" jeung" khyoo: moo myheung yang" lo wigi nheig boo ung: gyeing: su: nghoid ca" nyid.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 4:14

Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.

2 TIMOTHI 1:6

Houg: yoomo ngoo nang ri lo, ki" byid: lho: aya: tang: byid: uri Mangso jang" mo nang yo" kham: yu bye: da" jeju" jhung: shug ri Mangso jang" mo nang yo" kham: yu bye: da" jeju" jhung: shug ri xo' lho: wigi dei nyid nhang: shi" wa shid re" nang ri ngoo doem, tid poin" kaid' zi nghoid.

2 TIMOTHI 2:2

Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

HEBRE 6:2

Babtisma kham: khyoo:- lo, ke" aya: tang: byid: khyoo:- shid: jang" mo doem dei to'' lo da" khyoo: yo' apyaid' atoo: moo tarha" dang: phyed' khyoo: ri apoem: ayang: mo wigi doem poug jhau" nyid anoo" loo.

YOSHU 9:14

Israela byu yigi nyangnu" jang mo zoo: noem dayham" ri khab yu ago". Nghoid loug we' hau: khyoo: ri Aseing yo' asham: goo" nghoid ago".

2 Yohan 1:11

Khasu' wimgari houg; su" being" lhoem: si' su hang" nghoid loug nyang: koid da" age khyoo: moo bo vang loem' su: nghoid nyid.

Pang Shug 18:4

Hau: thang: ri moug: khung: tho' mo thui: gootu: ri ngoo shau" gyo:- Hau: da" thui: gi " Thu' re" boem ge' nga" da" byumyu" yi we"- nya: jang" mo phang: thu' loo" ge' nyang: yo' dage" yooboo akoid nyid loo: goo"- nyang: yo' dage" yoobo dam ri akham' zo: nyid loo: goo".