1 TIMOTHI 5:17 - Lacid Common Language Bible

¹⁷ Shu" vhu" shu" she: da" moozoo" ri goolhoo: shu" vhu" she: da" phung shu" vhu" bang: gi laga' aphoug" eig zhang kham: yu moin: ein:- soin: yu ge nyid. Je" wigi mungdang: jhoug" byid: da" khyoo: moo yoem: kaid' voinvu, bang: gi houg: su" kham: yu moin: mo, nghoid nyid.

1 TIMOTHI 5:17 교차 참조

2 KHOKHAM 2:9

Houg moo Elia gi Elisha ri «Ngoo shu" yu ashau" shi" ri ngoo nang ri cikoid byid: wa nang vho: ziri tid we'» ga: myid: bye:. Elisha gi «Re" Venyi yoem: so' eig zhang ngoo ri yoo" nhang: la,- hau: zigi ngoo ri re" khoo: moo xo' koid wa yoem byid: re" wa» ga: phug tid da:.

ESAIA 40:2

Yerusalem byu yiri yoem: byid: we'. Nyangnu" kyi" khyeug kham zo: zigi gi" bye:. nyangnu" yooboo joem ri khyoid pyam byid: we'. Ngoo gi nyangnu" da" yooboo dangain" shid re" yooboo dam byeung" sho' nyangnu" ri byid: bye:» ga: tid da:.

YEREMIA 16:18

Ngoo gi nyangnu" ri nyangnu" da" yooboo joem yo' nheigloem: goid" da" moo" shid re" eig zhang xab nhang: wa. Ciwim gari nyangnu" gi byu shid: mang yhang: ti" kangso' abo da" soolhoo: joem khyo" wigi nga" da" mougmyid ri aco' ajhoid koid pyam wigi nyangnu" da" yu phara" joem yo' byeung" jo, nhang: bye:» ga: tid.

YEREMIA 17:18

Ngoo ri shen" yhen da" bang: ri ngi: yoem" nhang: la- nghoid loug we' ngoo ri teing too" byid: we'. Nyangnu" ri gyoug dain myid byeung" sho' kaid byid: we'. Nghoid loug we' ngoo ri agyug dain nhang:. Nyangnu" ri yau: khe" kyi" khyeug zi bui" nhang: lho: nyangnu" ri ajab amhoin" khyoeb mhoin' pyam we'.

ZEKHARIA 9:12

Nheig byu joyoo yoo" mo, ri oung: lo" gyidab moo doem tau" loo ge' nanu" da" goem loem joyoo khyoo: doem tau" loo ge' akhid" nyid" nanu" ri ngoo tid kyoo" wa Ngoo gi nanu" da" sho" jhen: yau: khi" tho' moo eig zhang agyid asoo: doem xab byid: wa nghoid.

GYUNG: SOO" 18:31

Deing da" gu: ri khamoo: nghoid nghoid nang yo' re" yhoem: byu yi yo" zoo: wa nghoid. Ciwim gari: Zoem" moo nanu" voin vu, byid: da" moo" shid re" vhoo" kung: phoug" nghoid da:.

MATHE 24:25

Tam" gyoo: ge' he: da" khyoo: abue" loo shi" ri nanu" ri ngoo tid kyoo" bye.

LUKA 10:7

Nanu" gi hau: yhoem: moo nyid lho: yhoem: seing: mi" doo" zho" gu: ri zo: shug ge'. Khasu" wim ga: ri dei zoo: gi nya: vhu" kung: phoug" kham: zo: moin: yoomo nghoid. Yhoem: dayhoem: mo gootu: dayhoem: khyoo: athoid yhi: goo.

LUKA 12:42

Yesu gi dang: zung" lho: phajhi" se' da" dei zoo: gi hang" nghoid la". Yhoem: seing: gi dei zoo: yi ri vhoeb khang" wa shid' re" yo"- ayo, ju" lang" vhu" kung: phoug" thug byid: wa shid' re" vhu" jhung: dayug nyeing to" ein: shang.

YOHAN 4:38

Nanu" ashoo" azhoung" to" da" yoo: thung" mo gug ri yham" yu wa shid' re" ngoo nanu" ri nhang: kaid bye. Gootu: da" byu yi zei: to" jang" mo- nanu" gi akyu" ri shau" kham: yu nyid boem"» ga: tid.

ACTS 11:30

Hau: thang: ri nyangnu" gi pang" thoug da" ngei ri Barnaba yo' sholu da" lo, khyo" wigi phung: ludaid' yi da" lo, khoug: khyoo: foin: kaid boem ago".

ACTS 20:35

Ngoonu" gi moo" zei: yoem: kaid' lho: wigi yoem: neing: bang: ri pang" thung ca" ein: da" khyoo: ri nanu" we' gyeing" nyang: hougsu" koid lo yu" boem bye. Houg: lang" Aseing Yesu nyang: tid zigi kham: yu tho' moo gam byid: zigi je" ngilho- ga: tid khare" dang: ri myed boin: ge" ga: tid.

ACTS 28:10

Nyang: nu" gi ngoonu" ri jhung: shug joem myoo" sho' ja: byid: ago- ngoonu" doem, gu: loo" wa ein: soin' lo" ri ngoonu" gyung: khyoo: moo zoo: ca" da" - zookhoo: joem ri sangphoo' tho' moo re" cang kaid' byid: kaid' boem shi.

Roma 12:8

Ngoonu" yo" yu da" jeju" gi - subi" ri yoem: foin: byid wa jeju" nghoid rigi - yoem: foin: byid: ca" nyang: nya: da" soid' gain jo nu" subi" ri gam byid: jeju" yoo" su: gi ngei" ngei pyoo: pyoo: gam, byid: ca". U" jhung: bui" wa jeju" yoo" su: gi yoem: kaid' lho: vho" jhung: koid' nyid ca. Jam joug shau" mo ri pang" thoug wa jeju" yoo" su: gi ngei pyo: gau yi ziyo' pang" thoug nyid baja".

Roma 15:27

Nyanu" hougsu" pang" thoug go" da" khyoo: gi - gootu: yoomo anghoid. Nyang: nheig myen: khyo" yoomo za: danghoid. Gyeing" nyang: ein: rigi hau: sho" jhen: mo ri pang" thoug wa zi gi Nyanu" moo yoovoin bo zi nghoid. Yuda byumyu" yi gi tungbau byumyu" yi yo" dage" Venyi: mainkaid jeju" joem' ri nyanu" ri gam byid: rigi tungbau byumyu" yi we' Yuda byumyu" yi ri zoo: wa void wa moozoo" moo pang" thoug eung: nyid.

Roma 16:12

Aseing: Mangso: da" moo" bo voin vu su: Truphena yo" Truphosa eig yug ri we' bo u" kaid' ge'. Hau Aseing: moo" moo gye yoem: bo kaid' da" nga" jheddab byen cang" Persi ri bo u" byid ge'.

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

1Korinthians 16:16

Hid: yhang: te" da' byu yi yo' nyangnu" yo' dage" pang" thoug doo" zhoo" doo" jhoug nyid bang: da" khyoo: shu" lo" jang" moo- bo cang yhi: ge" ein: ngoo nanu" ri mho' sang: kaid.

1Korinthians 3:9

Khasu" wim gari- ngoonu" gi Mangso shid re" moo" zoem" zei: bang: nghoid nyid boem". Nanu" gi Mangso da" tung yoo yoothung" yo' Mangso da" zhoo" cuang vo phang yhoem: we' nghoid nyid ago".

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

GALATI 6:6

Khirstu da" mungdang: ri jhau" kham: yu su: gi jhoug" byid: da" sara: ri nyang: tu: nyang: yo" da" gye" ge da" soidgain' dangain" ziyo' bo pang" thoug byid: nyid baja".

TARHA" TID POIN" 18:8

Nyang: gi gootu: khainjung yi yo' dakhyo" zoo: shug dayi" yi" yoo" ca" da:. Houg: lho: nyang: gi nya: yhoem: byu yi foin: byid: da" zi ci: nghoid loug ge zoem: ci: da:.

PHILIPI 2:16

Nanu" hougsu" koid nyid boem nghoid rigi ngoo yoem: kaid' lho: voin, vu, khyoo: gi akoem: amyed anghoid loo: yoomo Khristu da" bidnyid moo nanu" yoomo ngoo gi gau yi phau: khuang joyoo nghoid.

PHILIPI 2:29

Houg: yoomo nanu" nyang: ri Khristain mang nhung" phoo dayug khyo" wigi lhoem: tau, yu ge'. houg: yhang: te" bang: ri phau" myang: byid: ge'.

PHILIPI 4:3

Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo.

1 TIMOTHI 3:5

Byu dayug gi nya: yhoem: ikoin deungkhu: ri khasu" shu" vhoeb khang" nyid wa ziri ase' nghoid rigi Mangso da" noku phung: ri khasu" se' shu" vhoeb khang" nyid wa lha".

1 TIMOTHI 4:10

Xangsu" byu yi dangain" mo, yo,- je" wigi loem" jeing" mo, ca" khyoid yu Aseing: nghoid nyid da- dadei nyid da" Mangsoo gi ngoonu" da" myid yu" joyoo nghoid yoomo ngoonu" moo" zei: jid: ne: lo" da" jang" moo gye" yoem: kaid' nyid boem.

1 TIMOTHI 4:14

Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.

1 TIMOTHI 4:16

Nanya: gung ri we' re" da" jhoug" myeing" jhoug" thui: ri we' lhed zed" zoore" goin, coung: nyid we' nang gi he: d a" khyoo: joem ri d acang zei: nyid we' Khasu" wim gari hougsu" koid nyid nghoid rigi nanya: da" gung du: ri we' nang kho" da" mungdang: ri shaug" gyoo: mo, ri we' yo" khyoid yu wa zi nghoid.

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

1 TIMOTHI 5:19

Sagsi: kham, mo, atham: thang- eig soem" yug abo ri phung shu" vhu" shi: su: ri yooboo foin: dang: ri age loem".

1 TIMOTHI 5:3

Lo, ti" phyeug nyid da" coug: moo" myhi, yi ri phau" myang: nyid we'.

2 TIMOTHI 2:6

Yoothung" phoug khyam: koid su: we' shivoo: shiloem, xang: shed" shau" shab, yu wa gam, boem' shau" yu ca" nyid.

2 TIMOTHI 4:2

Hau" mungdang: kho" kyoo" wa shid re" se' gyoo: nhang: wa shid re" yooboo toin" shid' lhoo: gyikoid wa shid re" yoem: foin, byid: wa shid re"- nheugloem: sheing:' sheing: jhoug" byid: mhoo, byid: wa shid re" ayo, aboin: eung: nghoid loug we' acoung: nghoid loug we' yoem: dakhaid nyid we ein: ngoo nang ri doin: nyhen" nyid.

HEBRE 13:17

Nanu" ri khyoo: shed' vhu" shu" she: nyid mo, da" dang: ri tam" gyo: nyid lho: wigi nyangnu" tid to" da" dang: khoin" joem ri cang yhe: loo" ge'. Nyangnu" ginyang: nu" zei: byid: loo bye: da" moo" zo" zhayen" joem ri Mangsoo ri toin" shid boem wa zi nghoid wigi nyangnu" gi nanu" da" nheigloem: ri anoo: ayab, loo: zung" lhug nyid. Nyangnu" dang: ri nanu" tam" gyo: nyid boem nghoid rigi nyangnu" zei: da" moozoo" ri-gau, yi ziyo' zei: boem wa zi nghoid. Houg: su" anghoid rigi nyangnu" nheig koug ziyo' zei: boem wa nghoid wigi nanu" shid' re" ce" akyu" we' yo" ze" bui" goo" wa zi anghoid.

HEBRE 13:24

Nanu" da" khyooshed' vhu" shi: bang: dangain" yo' Mangsoo da" byumyu" dangain" bang: ri bo vhu" byid ge'. Itali mung" mo mang: nhung" yi gi nanu" ri vhu" kaid ago".

HEBRE 13:7

Nanu" ri Mangso mungdang: tid kyo" lid loo bye: da" shid' phyang" mo nanu" da" khyoo: shed' vhu" she: loo bye: mo, ri myed boin: nyid ge'. Nyangnu" khasu" kang: so' dei nyid boem lho: Khasu" shid: lid no lid lo" boem ziri myed boin: myed so" wigi nyangnu" loem" jeung" lo da" akhyoo" joem ri khoo" shid: yu" yu nyid ge'.