1 TIMOTHI 5:13 - Lacid Common Language Bible

¹³ Hau: tho' mo gootu: nyangnu" gi dayhoem: mo dayhoem: khyoo: cangv ang lam" yen" lho: ayo, ri thang loo" nhang: se' nyid boem. Hau: tho' mo, aje ge da" khyoo: gi nyangnu" atid' eung: da" dang: ri cang tid- gei sang: lu wum, yen" boem ziyo' nyang: yo' ci" we' asen: khyoo: moo cang‹ vang lhu: lheug yen" boem.

1 TIMOTHI 5:13 교차 참조

DANG: ZHOEM 11:13

Lu wim gei sang: yen" mo, hang" ri nghoid loug we' zau" too" ca" da" khyoo: moo: age loem- nghoid loug we' loem gi" su: rigi nang ge loem nyid.

DANG: ZHOEM 20:19

Gei sang: da" dang: gi khanham we' ayo" yhoem" shoung: too"- Dang: soung ji mo, jang" mo, vi" vi: moo: nyid we'.

DANG: ZHOEM 31:27

Nyang: gi khanham we' moo" khang nyid lho: wigi nya: yhoem: byu yi ca" da" ja: ri yu" coung: byid: nyid.

DANG: ZHOEM 7:11

Nyang: gi sho' ase' ziyo' myo, yang" da" myiyi: myhi' nghoid wigi fu" moo" khyoo: cang khanham we' daso" yen.

XOIN" NGEI" 19:16

Dayug yug da" khyoo: ri lu amhoug fu". Byu dayug yug gi nya: apyaid shid re" tarha" myid: joeb ca: yu" zi shau" nyid uri re" da" sagse: kham da" dang: gi nyang: ri yo" bo pang" thoug wa nghoid rigi tid thu pyam we'. Ngoo gi Aseing nghoid.

LUKA 10:7

Nanu" gi hau: yhoem: moo nyid lho: yhoem: seing: mi" doo" zho" gu: ri zo: shug ge'. Khasu" wim ga: ri dei zoo: gi nya: vhu" kung: phoug" kham: zo: moin: yoomo nghoid. Yhoem: dayhoem: mo gootu: dayhoem: khyoo: athoid yhi: goo.

ACTS 20:20

Meing: byu yi da" shid khoin" moo yo' nyangnu" da" yhoem: joem moo ngoo kho" kyo" jhoug" byid: nyid da" uri nanu" shid mo akyu" bo da" dang: dakhoin" ri we' - ateung to" ziri nanu" nyang: si' bye.

ACTS 20:30

Nanu" da" phung: mo nyang- byu dayham" gi mhau' fain" da" dang: tid lho: loem" jeing" bang: ri nyangnu" da" thang: khyoo: mhau' shu" vhang: lo" da" bidnyid ju" loo wa zi nghoid.

1 TIMOTHI 5:12

Houg: su" nghoid yoomo nyangnu" gi Aseing: ri xang: shid' mo wigi byid: too" bye: da" dang: thang" cab, ri she: pyam yoomo yooboo yoo" bang: bue" loboem ago".

TITU 1:11

Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.

YAKU 3:10

Nhoid dakhyab, za: mo coung nghei, thui: ge thu' loo nhung: lha". Nga" mang nhung" yi we" hid: su" gi age koid.

1PETERU 4:15

Nanu" mo hang" nghoid loug we' byu dayug yug shen" yhen shau" nyid zigi hau: yug gi byu said' khyoo:- khau" da" khyoo: tarha" ri shoid yoomo houg: su anghoid lang gi sube" da" moozoo" moo bo lhu: phyo' yoomo dam kaid' dang: phyed' zi kham' zoo: mo, abui" goo.

3 Yohan 1:10

Ngoonyang: ju" ri lang" she' nyang: zei: shoid lo" khyoo: ri tid thu' kyoo" byid: wa zi nghoid. Nyang: gi ngoonu" ri gye" akhyeung" da" dang: yo' mhau' da" dang: ri tid nyid hau: gu: za: we' nya: shid re" agi" boin: shi" yoomo Khristain mang nhung" yi zheung: ju" re" uri nyangnu" ri alheom: tau, yu tho' moo agoo"- nyangnu" ri loem: kham: yu noug bang: ri we' nyang: toem, pyam' lho: phung mo khaid thu' pyam nyid.