1 TIMOTHI 5:1 - Lacid Common Language Bible

¹ Apyaid' gyi: bye: da" ludaid' phoo ri agyikoid' re" phoo ri yhang: ti": khyo, nyhoem: ji sang" nyid we' apyaid' ngi shi" da" zoolu: yi ri gi re mang: re" nhoung" ri yhang: ti"- zoem" khau: nyid we'.

1 TIMOTHI 5:1 교차 참조

XOIN" NGEI" 19:32

«Mang: zoo: yiri phau" myang: byid: ge'. Nyangnu" ri ngi: shab byid: ge'. Phoug" myang: ziyo' nga" dang: ri tam" gyoo: ge'. Ngoo gi Aseing nghoid.

MATHE 23:8

Nghoidloug we' nanu" dangain" mo, gi nya: mang: nya: nhung" nyang: cang" nghoid lho: nanu" da" tho' moo sara: gi dayug kyeing" za: danyid yoomo nanu" nyang: cang" ‹sara: we"› ein: akhi: goo".

ACTS 14:23

Nya: eig yug gi phung khang" moo" moo phung: ludaid' yi ri zheung: cang nyheung to" lho: wigi zoo: noem, jang" pyam' lho: akyu" bain mho' lang" gi nyangnu" loem" jeung" nyid da" Aseing: lo, khoug: moo houg: bang: ri zheung: mho' ab, byid: bye.

ACTS 15:4

Nyang: nu" gi Yerusalem voomoo" moo ju" yhe: lo" boem uri houg: mo da" phung byu yo' dage" za: lagyoo: yi yo' phung ludaid yi gi nyangnu" ri lhoem: tau, yu boem bye. Houg: lang" Polu gi nyangnu" da" lo, khyo" wigi Mangsoo gi khayhang: te" da" moozoo" ri zei: nyid da" khyoo: nyangnu" ri tid kyo.

ACTS 15:6

Houg: yoomo Lagyoo: yi yo' phung ludaid yi gi he: khyoo: ri myed yu" wa shid re" zoeb, phung ri koid ago".

ACTS 20:17

Polu gi Melitu voogung mo wigi phung ludaid' yi nyang: ri re" shau" wa shid re" dang: pyeung: kaid.

Roma 13:7

Houg yoomo Asuya zoug: yi ri byid: eung: da' zi ri byid: nyid ge'. Kheing" kaid' eung: su: kheing" - khang" dug kaid' eung: su: khain" dug kaid' nyid ge' - amyeing" a: na: yoo" mo dangain" ri gyoug phau" myang: nyid ge'.

GALATI 6:1

Mang nhung" yi we"- byu dayug yug gi aboin: asoo" loo: za: yooboo zei: shoid nghoid rigi venyi wigi khyoo: shed" khyo" kangso dei nyid mo, nanu" gi houg: yhang: te" su: ri nu" nham, da" myid yo' khyoo: shed byid: ca" nyid nanu" nyang: we' gunglau" wigi jhu, phyo' zi ashug" baja" nyang: tu: nyang: houg: lhed' zed" nyid ge'.

TARHA" TID POIN" 33:9

Nyangnu" gi nang ri myhi' phoo yi mang: nhung" yi yo' zoo: yi tho' je wigi dang: zung" khyoo: ri ci: shug byid: ago". Nyangnu" gi re" amyeing" dang: joem ri tam" gyo: ago" Houg: lho: re" dang: theing ri jhug zug nyid ago".

1 TIMOTHI 5:17

Shu" vhu" shu" she: da" moozoo" ri goolhoo: shu" vhu" she: da" phung shu" vhu" bang: gi laga' aphoug" eig zhang kham: yu moin: ein:- soin: yu ge nyid. Je" wigi mungdang: jhoug" byid: da" khyoo: moo yoem: kaid' voinvu, bang: gi houg: su" kham: yu moin: mo, nghoid nyid.

1 TIMOTHI 5:2

Myhi, zeing yi rigi nya: myhi' ri yhang: ti"- gyeungshang: nheigloem: yo' tid poin" tid kyeung" nyid we'.

TITU 2:2

Apyaid gyi: bye: da" phoug" mang: yi ri yhid: ri nheig atei" loo: zed" lhid' nyid wa shid re" yug yoo sam" dab ri young" nyid wa shid re" nyang: nya: da" gung ri yo" vhoeb khang" nyid wa shid re" we' jo da" laloem, lakhoug: bo nyid a shid re" jheddab myid yo' kham zeung: da" nheigloem: bo jo, wa shid re" jhoug" byid: we'.

TITU 2:6

Houg: yo' dakhyoo" ti"-zoolu: yi we' nyang: nya: gung du: ri se' vhoeb khang" lho: nyid goo" baja" tid poin" tid kyeung" nyid we'.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

YAKU 5:14

Nanu" mo dayug yug gi noo phyoo" shau" nyid go" la". nyang: gi phung ludaid' yi ri khi: baja" Hau" phoug: ludaid' yi gi nyangnu" shid re" akyu" mho' nyid: goo" baja". Nyangnu" gi Aseung: da" myeing khyang" yo' nyangnu" ri namman" xu: joid byid: goo" baja".

1PETERU 5:1

Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

2 Yohan 1:1

Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.

3 Yohan 1:1

Phung ludaid' phoo ngoo mo wigi gye" jheddab nyid da" Ge-u jhang khyoo: mougsoug" lhid" kaid'.

Pang Shug 4:4

Hau: zhung: tang da" ayam, aqei: lheing khab, moo gi zhung: tang eig xe: myid: loem: bo jo- Hau: zhung: tang tho' moo phyu: gyeung" da" byimi ri void ci: lho: sheing: bidmug zhoung" ci: da" ludaid' eig xe: myid: yug khyam, lheung zhoung: jo, ziri myang.