1 TIMOTHI 4:3 - Lacid Common Language Bible

³ Houg: yhang: te" da" byu yi gi loxo' myi: pheing" fang da" khyoo: joem ri jhed' xeung toem to" lho: zoo: noem, dayham" ri jang" pyam' wa shid re" jhoug" byid: lo ago". Nghoid loug we' loem jeing" bang: yo' hau: deingmain" da" khyoo: ri se' yeug mo, gi jeju" coung" nghei da" akyu" mho' lho: yo" zoo: wa shid re" Mangsoo gi hau: zoo: noem, ri phain" too" bye.

1 TIMOTHI 4:3 교차 참조

APOEM AYANG: 9:3

Akhid" nanu" gi nyoug moonyoug nghang" pho shivoo: ri yo" zoo: bye:. Ngoo gi gougnyhoug dangain" ri we' re" zoo: shug khyo" byid: bye:.

PHAJHI" DANG: 5:18

He: ziri ngoo shoug" myang yu byu dayug shid re" ge thang khyoo: yo" koid zigi Mangso wigi nyang: ri byid: to' da" apyaid aleing" kyeing" da" ayo, moo ayo" ziri zo: lho: shug lho: pyoo: pyoo: yo" nyid zigi nghoid abye:. He: zigi byu xangsu: da" vhu" pi: lo, kyo' nghoid da:.

DANIELA 11:37

Hau: khokham phoo gi nya: da" phoug" phyid" yi dei byid: lid lo da" yu phara" ri ngeug pyam lho: myiyi: yi jheddab da" yu phara" ri we' cishu: anhang: yu" to" loo wa. Gyeing" nyang:- nyang: gi ce: ja: yu phara" ri nghoid loug we ngeug he: loo wa ciwim gari nyang: gi hau: joem dangain" tho' je gyi: sheung: ga myid yu da:.

MATHE 14:19

Houg: lang" byu phung: moo" ri vu, fu" yoo moo zheung: zhoung: jo, nhang. Hau: thang: ri zooyho' wim: loem: yo"- ngoo: zoo: eig du: ri yu lho: wigi Moug: khyoo yu" lho: Mangso jeju" ri coung" byid. Hau: thang: ri zooyho' ri lang: phe, yu wigi nya: cangzoo: yi ri byid. Nya: cangzoo: yi gi byu phung: moo" yi ri gam, byid: ago".

MATHE 15:11

Nhoid' khoug: moo vang lo da" zigi Byu ri aco' ajhoid bui" nhang: zi anghoid. Nhoid' khoug: mo thu' lo da" zigi byu ri aco' a jhoid bui" nhang:» ga: tid kyo".

MATHE 15:36

Zooyho' nyhed yho' yo" ngoo: ri yu lho: Jeju" ri coung" nghei lho: zooyho' yo ngoo: ri phe yu wigi Nya: cangzoo: yi we' Byu phung: yi ri zheung: doem gam byid.

LUKA 24:30

Zoobui" moo nya: eig yug yo" dage" zhoung: jo, lho: zooyho' ri yu lho: mainkaid byid:. Hau thang: myang gi zooyho' ri phe, lhoi nya: eig yug ri gam byid: bye.

YOHAN 6:23

Nghoid sho, loug we-Tiberi voo mo lo da lhid joem giAseing Yesu da Jeju" ri coung" nghei lho:-Byu phung: yi ri zooyho, gam, zho" da jo, yoo nam moo-ju" lo" abye: go".

ACTS 27:35

He: da" dang: ri bain tid lang" Polu gi zooyho' dayham" ri phe, yu lho: nyangnu" dangain" bang: da" shid khoin" moo Mangso Jeju" ri coung" nghei lho: zo da.

Roma 14:17

Ngoonu" ri Mangso: mungdain: ein: da" zi gi zoo: zoo: shug shug koid' khyoo: anghoid loo za: gyeungshang: Venyi: khyo" byid: da: deingbyeing" khyoo: - myenjham" yug yo khyoo: yo" gau yi ngei pyo: khyoo: nghoid nyid.

Roma 14:3

Ce: ja: zoo: noem ri nghoid loug we' se' zoo: su: gi houg; su" ase' zoo: su: ri - aphoug" akhyoid' akoid'. Nghang" pho nyoug yu: za: te: se' zoo: su: we' ce: ja: zoo: noem we' se' zoo: su: ri yooboo foin: gei sang: zi akoid'. Khasu" wim ga: ri ce: ja" zoo: noem ri nghoid loug se' zoo: su: ri Mangsoo: kham: yu too" bye: su: nghoid.

Roma 14:6

Bidnyid je ge ga: soin: ci: su: gi Aseing: ri coung" nghi wa shid' re" soin: ci baja" - ce: ja" zoo: noem ri se' zoo: su: we' - Aseing: ri coung" nghei" wa shid' re" zo: nyid baja nyang: we' hau: zoo: noem shid' re" Mangso: da" mainkaid jeju" ri coung" byid. Zoo: noem dajaja: ri jang" pyam' su: nghoid loug we' Mangso: da" myonhoo: phung yoeb ri coung" byid: wa shid' re" jang" pyam" da" khyoo: nghoid. Nyang: we' hougsu" jang" pyam' yoomo Mangso: da" jeju" ri coung" byid.

1Korinthians 6:13

Zoo: noem gi voem: shid re"- voem: doug: gi zoo: noem shid re, ga: wigi: byu dayug yug tid wa nghoid- nghoid houg: gi deung nyid- nghoid loug we' Mangsoo gi hau: eig ja: goin" ziri: lhu: phyo' shoin pyam wa zi nghoid. Hau" gung deom: koem gi aved avhu: moozoo" shid re" anghoid loo: za: hau: Aseing ri coung" nghei wa shid re" nghoid- Mangsoo we' gung shoo" moo: ca" nyid khyoo: ri dabyid: nyid.

1Korinthians 7:28

Nghoid loug we'- loxo' lho: ikoin deungkhu: qei" bye: nghoid rigi- nang ce: yooboo ayoo"- ikoin deungkhu: aqei" shi" myiyi: dayug yug nghoid rigi- nyang: loxo' ikoin deungkhu: qei" rigi: ce" yooboo ayoo". Nghoid loug we' ikoin deungkhu: qei" bye: bang: nyid" khang" moo" thoung" shoug" wa da" yau: khe" khyoo- nanu" ri athoung" shoug" nhang: noug yoomo- ngoo hidsu" tid nyid zi nghoid.

1Korinthians 8:8

Zoo: noem gi Mangsoo yo' ngoonu" tei" xo' go" da" khyoo: moo- ce: noem myo: loung: loo nhang: khyoo: ci: ajo. azoo: nghoid loug we' ngoonu" moo: ce: noem yoem" soem" loo" wa khyoo: ajo, zo: nghoid loug we' ci: loung: loo wa khyoo: aboo.

KOLOSE 2:16

Hougsu" nghoid yoomo zoo: noem shug noem, yo' sen: khyo" we' ayo, bidnyid moo cang lho: lhoo, xain" nyid" yo' gyeungshang: Bidnyid mo pui" joem yo' sen: lho: hang" wigi we' nanu" ri yoobo dang: aphyed' nhang: go".

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

1 TIMOTHI 2:4

Nyang: gi byu dangain" mo, khyoid yu zi shau" lho: hau: deingmain" da" khyoo: ri se' loo wa shid re" vho: ngei nyid khyoo: nghoid.

1 TIMOTHI 4:4

Mangsoo phain" to" da" zi dangain" koem' gi ge zi nghoid wigi ce: ja" zoo: noem, ri we' lhid' jang" pyam' ca" zi anghoid. Nghoid loug we' zoo: noem, dangain" ri jeju" coung" nghei akyu" mho' ziyo' zoo: ge nyid.

1 TIMOTHI 5:14

Houg: yoomo gyivoo yi gi ngoonu" da" khyoo: ri age khyo" tid wa joyoo ajo, loo: sho' apyaid' ngi shi" da" cougmoo" myhi, yi gi lo, doem xo' lho: zookhu: du, yau ziyo' nyangnu" da" e" koin, ikoin deungkhu: ri-yu" nyheung goin, coung: nyid wa ziri ngoo je" vho: nyid.

HEBRE 13:4

Lo, xo' khyoo: rigi byu dangain" mo, phau" myang: coung" nghei byid: nyid boem yoomo yhoem: seing: phoo yhoem: seing: myhi' gi dayug yo' dayug- zed" lhed' nyid boem ca"- Mangsoo gi akyang" byo, yoin" lho: myi: lhoid' lang lhoid bang: ri Tarha" dang: phyed loo wa zi nghoid.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.