1 TIMOTHI 4:16 - Lacid Common Language Bible

¹⁶ Nanya: gung ri we' re" da" jhoug" myeing" jhoug" thui: ri we' lhed zed" zoore" goin, coung: nyid we' nang gi he: d a" khyoo: joem ri d acang zei: nyid we' Khasu" wim gari hougsu" koid nyid nghoid rigi nanya: da" gung du: ri we' nang kho" da" mungdang: ri shaug" gyoo: mo, ri we' yo" khyoid yu wa zi nghoid.

1 TIMOTHI 4:16 교차 참조

1 KHOKHAM MHOOMYID: 28:10

Aseing gi nang ri nya: gyeung" shang: da" Noku Yhoem: Moo" ri koid wa khyen: to" khyoo: ri nang myid boin: ca" da:. Akhid" hau: ziri koid we' myid phyed wigi koid we"» ga: tid da:.

2 KHOKHAM MHOOMYID: 19:6

Houg: lho: nyangnu" ri «Dang: phyed da" khyoo: ri tid fu" jang" moo zid" lhid lho: koid we'. Nanu" gi byu da" amyeing" akhang" khyo" koid nyid boem zi anghoid. Aseing da" amyeing" akhang" khyo" koid nyid zi nghoid ago". Nanu" dang: phyed boem uri nyang: gi nanu" yo' dage" nghoid da:.

THU' LO" MOUGSOUG" 23:13

Ngoo Aseing nanu" ri tid gu: ja: khang" moo" ri tam" gyo: nyid ge'. Yu phara" yiri akyu" amho' goo". Nyangnu" myeing joem rilang" alang: goo".

ESAIA 55:11

Ngoo tid da" mungdang: we' houg yo' dayhang: ti" bui" wa. Hau: zigi ngoo soin' to" da" khyoo: ri koid wa shid re" ahe: pyam wa. Hau: zigi ngoo zei: nhang: to" da" ja: khang" moo" ri koid loo wa.

YEREMIA 23:22

Ngoo zau" to" da" myid soin: khyoo: ri nyangnu" se' gyo: nghoid ri nyangnu" gi nga" mungdang: ri nga" byumyu" yiri yo" tid fu" lho: nyangnu" akhyeing" da" kangso' dei khyoo: ri yo' nyangnu" koid da" akhyeing" moo" zoo" joem ri nyangnu" yo" to" pyam nhang: goo" wa nghoid da:.

MARKU 13:9

Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

ACTS 26:22

Nghoid loug we' akhid" nyid" ju" sho' Mangsoo gi ngoori pang" thung byid: nyid yoomo hid: moo yab, jo, lho: - gyi: su: ngisu: a ein: loo: yug khang" moo" ri sagsi: yo" kham, byid: nyid zi nghoid.

ACTS 6:4

Ngoonu" koem gi akyu" mho' ziyo' kho' kyo" da" moozoo" voin vu, da" jang" moo ayo, byeung" sho' byid: pyam' ca" nyid ga: tid ago".

Roma 11:14

Ngoo gi ngoonu" byumyu" yi ri no" zo: da" byu nheigloem: ri kaid' byid khyo" hau bang: khoug: mo dayham" gi khyoid' yu khyoo: yo" shau" yu boem wa.

Roma 16:17

Mang: nhung" yi we" nanu" shau" jhau" yu da: tid poin" tid khyeing" mungdang: ri nung phug pyam' lho: subi" ri aveing" goo" nhang: da" zi - khyoo vhang: shu" vhang: loo" mo ri zid" nyid ge'. Houg: bang: ri jhang" pyam' ge'.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

1Korinthians 1:21

Khasu" wim ga: ri byu xangsu: yi gi nyang: nya: da" phajhi" juyi: yo' za: Mangsoo ri se' loo baja" ga:- Mangsoo gi nyang: phajhi" khyau" too" bye. Hau: da" gung khyoo: moo- Mangsoo gi ngoonu" kho" kyo" da" akoo" apyoid' da" mungdang: yo' loem" jeing" loo mo, ri khyoid yu wa shid re" myid phyed' to" abye.

1Korinthians 9:22

Ngoo gi Mangsoo ri loem khau: khyoo: moo- yoem: nu: mo, da" akhoug: moo- vang lo" byoug da" ayo, moo- nyangnu" ri yo" khyoid yu sho'- nyangnu" mo dayug yhang: ti" ngoo bue" nyid. Hougsu" dayham" ri ge' bue" khyo" yo" khyoid yu sho'- ngoo gi byu aja" ja: bang: da" akhoug: moo: nyangnu" yo' dakhyoo" ti" danyid nyid.

1Korinthians 9:27

Ngoo gi byu gootu: ri gei shi, goo" wa pui" bain' khi: lang" gi nga" gungdu: sugab, amyhi: wigi- khyen: khyo' pyam zi ashoug" wa shid re" ca" jang" moo: yo" ci: yhung: wa shid re" ngoo nyang: ung ri ngoo- yoem: kaid thoung" nyid ziyo'- bain sho nyang: khang" zeung: ci: bye.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

KOLOSE 4:17

Hau: Aseung: moozoo" ri voin, vu, wa shid re" nang ri ab, byid: to" da" yoovoin, ri bain' sho' zei: we' ein: wigi Arkhripo ri bo tid kyoo" byid: ge'.

1THESALONI 2:16

Tung: bau byumyu" yi khyoid yu zi shau" wa shid re" houg: yo' sen: da" mungdang: ngoonu" dakho" kyo" ri lang" nyangnu" gi toung: nghoed, pyam wa shid re" yoem: kaid' lo boem ago- he: lid khyo" nyangnu" shoid vhang: lid lo yu" bye: da" yooboo joem ri joeb, sho' koid boem abye: go"- Houg: yoomo lo thang jang" moo gi Mangsoo nheig yo: da" khyoo: gi nyangnu" da" atho' moo ju" gyo" loo bye.

1 TIMOTHI 1:3

Ngoo Makedoni mung" khyoo: yhe: lo" uri nang ri ngoo pyeung: too" kho' ziyo' dakhyoo" ti"- Ephesu voogung moo nang ri xo' nyid nhang: noug shi"- hau: khyi, mo byu dayham" shoid da" loem" jeung" khyoo: ri jhoug" byid: nyid boem. Hau: khyoo: ri nang gi toem, pyam' lho: noo: nhang: ca.

1 TIMOTHI 4:15

Nang se' yeug gyi: sheung: lo zigi byu yi dangain" bang: shau" myang baja"- atho' moo tid lid loo bye: da" khyoo: joem ri nheigloem: boo boo cang pyeung lo" ziyo' houg: moo geung: zug jo, we'.

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

2 TIMOTHI 2:10

Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

2 TIMOTHI 3:14

Nghoid loug we' nang koem gi jhau" mho' da" khyoo: ri kham: yu wigi geing: geing: teing teing loem" jeung" nyid bye: da" hau: deingmain" da" khyoo: moo xo' lho: d acang yhe: loo" we'. Re" sara: gi hang" nghoid ziri nang se' nyid gu nhgoid bye.

2 TIMOTHI 4:2

Hau" mungdang: kho" kyoo" wa shid re" se' gyoo: nhang: wa shid re" yooboo toin" shid' lhoo: gyikoid wa shid re" yoem: foin, byid: wa shid re"- nheugloem: sheing:' sheing: jhoug" byid: mhoo, byid: wa shid re" ayo, aboin: eung: nghoid loug we' acoung: nghoid loug we' yoem: dakhaid nyid we ein: ngoo nang ri doin: nyhen" nyid.

TITU 1:9

Nyang: gi phung: mo jhoug" myeing" jhoug" thui: ri yo' myid coem, veung" da" loem, gi su:- hau: mungdang ri geing: geing: zei: ci: su: nghoid ca" nyid. Houg lang" nyang: gi hau: deingmain" da" jhau" mho' khyoo: yo' byu yi ri yoem: byid: yo" lang: zheung" yu- hau: mungdang yo' azhung" to" da" ngeug se: juang" yi mo, da" shoid vhang: lo" da" khyoo: ri yo" toin" shid' wa zi nghoid.

TITU 2:15

Nang gi he: da" khyoo: joem ri kho" kyo" jhoug" byid: nyid we'. Nang yoem: byid: tid kyeing" tid poin" jhoug" byid: nyid da" uri - nang yo" da" amyeing" akhang" dangain" ri ci: we'. Hang" nghoid loug we' nang ri aphoug" akhyoid, ayu' nge pyam baja".

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

PHILIMON 1:19

Ngoo Polu gi hau: jhen: ri xab, byid: wa"- ein; wigi ngoo nya: lo, yo' nyang: lhid" kaid' bye. Nghoid loug we' nanyang:-re" da" kangso shid shid re" ngoori jhen: ein: wigi atid thu noo" loo.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

YAKU 5:20

Hougsu" yooboo shoid su: dayug yug ri khyoo: vhang: lo" jang" mo doem yo" khe: shu" loo su: gi hau: yug da" kangso' ri shid: loo" bye: jang" moo deom yo" khyoid yu lho: nya: yooboo dangain" khyoid pyam byid: zi shau" wa shid re" voin, vu, zei: so' byid: su: nghoid ein: myid boin: nyid ge'.