1 TIMOTHI 4:15 - Lacid Common Language Bible

¹⁵ Nang se' yeug gyi: sheung: lo zigi byu yi dangain" bang: shau" myang baja"- atho' moo tid lid loo bye: da" khyoo: joem ri nheigloem: boo boo cang pyeung lo" ziyo' houg: moo geung: zug jo, we'.

1 TIMOTHI 4:15 교차 참조

COUNG" NGHEI 1:2

Hau: tho' moo: agoo" Aseing da" tarha" ri goug goug yi yi tam" gyo: wigi hau: tarha" ri nyid" ri myen" ri phoid: sho: yu" nyid mo, gi ngei pyo: khyoo: yo" yu boem.

COUNG" NGHEI 104:34

Nga" gau yi ngei bu: khyoo: gi nya: jang" mo yo" yu yoomo nga" da" coung" nghei jikhoin" gi Aseing vho: ngei zi bui" baja" o".

COUNG" NGHEI 105:5

Nya: dei zoo: Abraham da" amyed ashen yiri nyang: khyen: yu bye: da" Yaku amyed ashen yi we' Mangsoo zei shug bye: da" alhoo: again joem yo' nyang: byid: too" bye: da" tarha" dang: kho khyoo" ri boin: so" nyid we'.

COUNG" NGHEI 119:148

Damyen goin" ayhoeb, loo: leung jo, zoore re" da" khyoo: shed jhoug" thui: joem ri myid yu" nyid.

COUNG" NGHEI 119:15

Ngoo gi re" da" khyoo: shed dang: joem ri jhau" yu nyid lho: wigi Re" da" jhau" byid: khyoo: ri we' ngoo gi phoid: sho' yu" nyid.

COUNG" NGHEI 119:23

Mung" vhoeb da" zoug: yigi phoung: foem: nyid boem lho: ngoo ri goemlu koid wa zi sham: go" nyid boem. Nghoid loug we' ngoo gi nang jhau" byid: da" khyoo: ri dajhau" yu nyid wa nghoid.

COUNG" NGHEI 119:48

Re" da" Dang: theing khoin" ri ngoo gi phau" myang: lho: jheddab nyid. Re" da" khyoo: shed dang: joem ri ngoo myid yu" nyid wa nghoid.

COUNG" NGHEI 119:97

Re" da" tarha" ri ngoo khayhi' jheddab nyid lha". Hau: khyoo: ri danyid goin" ngoo myid soin: yu" nyid.

COUNG" NGHEI 119:99

Ngoo gi re" da" khyoo: shed dang: joem ri danyid" goin" yu nyid yoomo ngoo ri jhau" byid: da" sara: yi dangain" tho' re" ngoo gi je' wigi se' yeug lo nyid.

COUNG" NGHEI 143:5

Ngoo gi: lid: loo" bye: da" bidnyid joem ri daboin: so" nyid. nang koid shoug loo bye: da" moo" zoo' joem dangain" ri myid soin: yu" nyid ngoo gi re" da" lo, moo" joem dangain" ri damyid yu" nyid.

COUNG" NGHEI 19:14

Nga" da khoug: loo lug ug nghoid lho: ngoo ri khyoid yu da" Aseing we" nga" da" nhoid mo thu da" dang: khoin" yo' nheigloem: mo myid soin: thu lo da" khyoo: gi re" shidkhoin" moo: re" da" nheugdeug jang: bue" loo nhang: we'.

COUNG" NGHEI 49:3

Nga" da" myid soin' khyoo: gi gyeung" shang: zi nghoid wigi phajhi" dang: ri ngoo tid kyoo" loo: wa zi nghoid.

COUNG" NGHEI 63:6

Ngoo gi yhoeb yoo tho' moo: leung jo, uri nang ri myid boin: nyid. Damyen goin" nang ri myid so" nyid.

COUNG" NGHEI 77:12

Nang zei: shoug loo bye: khyoo: dangain" ziri ngoo myid yu" nyid wa zi nghoid. Re" da" gyi: thang moo" zoo" joem ri ngoo myid soin: yu" nyid wa nghoid.

GYUNG: SOO" 8:26

Hau: thang: ri nyang: gi nya: Levi byumyu" byencang" yi Zoem" moo nyangnu" moo" voin vu, jang" moo yo" bo pang" wa. Nghoid loug we' nyang: nya: khyo" ce: moo" moo we' age zei: loo. He: zigi Levi byumyu" yi da" yoovoin: ri main: main: khasu" koid wa ein: da" zi nghoid.

MATHE 5:16

Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

ACTS 6:4

Ngoonu" koem gi akyu" mho' ziyo' kho' kyo" da" moozoo" voin vu, da" jang" moo ayo, byeung" sho' byid: pyam' ca" nyid ga: tid ago".

1Korinthians 16:15

Nanu" gi Stephen yo' nya: yhoem: byu yi da" khyoo: ri se' nyid boem ago". Nyangnu" gi Akhaia meing: mo xang: shid" Khristain bue" loo mo, nghoid wigi- Mangso da" byu yi ri doo" zho" da" moozoo" moo- ab nung" da" ikoin deungkhu: byu yi, nghoid ago".

2~KORINTHU 4:14

Aseing Yesu ri - shid: jang" mo doem dei to'' loo nhang" da" Mangsoo gi ngoonu" ri we' Aseing: yesu yo' dage" doem dei to'' loo nhang: wa zi nghoid yoomo nanu" yo' dage" nya: shid khoin" moo shu" yu wa zi nghoid ziri ngoonu" se' nyid boem.

2~KORINTHU 8:5

Nyangnu" gi ngoonu" myid to" tho' moo jain" sho' byid nyid nyangnu" gi xang: shed" moo nyangnu gungdu nyang aveing: moo xoin" to' byid: ago- Hau: thang: ri Aseing: myid vho: ziyo' dakhyoo"- pang" thoug byid: da" khyoo: moo to' byid: ago".

1 TIMOTHI 4:14

Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.

1 TIMOTHI 4:16

Nanya: gung ri we' re" da" jhoug" myeing" jhoug" thui: ri we' lhed zed" zoore" goin, coung: nyid we' nang gi he: d a" khyoo: joem ri d acang zei: nyid we' Khasu" wim gari hougsu" koid nyid nghoid rigi nanya: da" gung du: ri we' nang kho" da" mungdang: ri shaug" gyoo: mo, ri we' yo" khyoid yu wa zi nghoid.

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

YOSHU 1:8

He: tarha" mougsoug" pug gi nanu" noku koid khang" moo" nghab ca" ziri boin: nyid ge'. Nyid" ri myen" ri hau: ziri zhang: yu ge'. Hougmoo: lhid" to" zi ja: khang" moo" ri nanu" cang wa khyo" koid ge'. Houg: lang" nanu" nyid gi yab ge lho: oung: doid lo boem goo" wa.