1 TIMOTHI 4:14 - Lacid Common Language Bible

¹⁴ Lapi: yi kho" kyo" lho: phung ri shu" vhu" shi: bang: da" atho' moo lo, ke" lho: phung" void, kaid' byid: da" uri nang ri byid: to" da" nang moo bo jo, gyeung shang: venyi yo' sen: d a" jeju" jhung: shug ri aphoug" akhyoid koid lho: aci: phyoug pyam.

1 TIMOTHI 4:14 교차 참조

ACTS 11:30

Hau: thang: ri nyangnu" gi pang" thoug da" ngei ri Barnaba yo' sholu da" lo, khyo" wigi phung: ludaid' yi da" lo, khoug: khyoo: foin: kaid boem ago".

ACTS 13:3

Houglang" nyangnu" gi zoo: noem jang" lho: akyu" mho' nyid wigi nya: eig youg tho' moo nyangnu" lo, ki" byid: wigi moozoo" ri voin, vu, wa shid mo nya: eig yug ri nhang: kaid ago".

ACTS 19:6

Polu da" lo, nyangnu" tho' moo ki" byid: lang" gyeungshang: da" Venyi gi nyangnu" da" atho' moo gyoo" lo wigi nyangnu" gi gooja: myeing" kaid' lo boem lho: Mangso mungdang: ri we' lapi: pe: lho: tid lo boem ago".

ACTS 22:5

Ngoo tid nyid da" dang: khoin" joem gi deung: khyoo: ri Khainjung agyi phoo yo' tarha" yab, do, goin" mo mo, gi sagsi: yo" kham, boem wa zi nghoid. Ngoo gi nyangnu" da" lo, mo Damasku voogung moo zheung: nyid da- Yuda mang: nhung" yi ri lhid" foin: kaid' da- mougsoug" ri lhoem: yu ci: lho: houg: moo nyid mo, ri yoobo dam byid: wa shid re" myheug yu lho: Yerusalem voomoo" khyoo: tei" she: yhi: wa shid mo ngoo gi Damasku voogung khyoo: do, loo" bye.

ACTS 6:6

Phung byu yi gi hau: khyen: yu too" bang: ri lagyoo: yi da" shid' khoin" moo nyid nhang: to" ago- lagyoo: yi gi houg: bang: tho' moo lo, ke" lho: wigi Akyu" mho' byid: ago".

ACTS 8:17

Houg: yoomo Petru yo' Yohan eig yug gi nyangnu" da" a tho" moo nya: eig youg da" lo, ki" byid: lho: nyangnu" gi gyeungshang: da" Venyi ri yo" kham: yu boem ago".

1THESALONI 5:19

Gyeungshang: da" Venyi ri akyo' xeung ci: goo".

1 TIMOTHI 1:18

Nga" zoo: Timothi we"- lid loo bye: da" ayo, moo nang ri zhoo: gyi: kho" kyo" da" lapi: dang: joem yo' dakhyoo" ti"- voin, vu, kho" kyoo" wa da" amyeing" ri ab, byid: bye- goo" lhoo: yo" zain: oung: loo" wa shid' re" Hau" lapi: yi tid to" da" mungdang: joem ri gyizi, gyikhoo: ti" daci: yhoung nyid we'.

1 TIMOTHI 4:15

Nang se' yeug gyi: sheung: lo zigi byu yi dangain" bang: shau" myang baja"- atho' moo tid lid loo bye: da" khyoo: joem ri nheigloem: boo boo cang pyeung lo" ziyo' houg: moo geung: zug jo, we'.

1 TIMOTHI 5:17

Shu" vhu" shu" she: da" moozoo" ri goolhoo: shu" vhu" she: da" phung shu" vhu" bang: gi laga' aphoug" eig zhang kham: yu moin: ein:- soin: yu ge nyid. Je" wigi mungdang: jhoug" byid: da" khyoo: moo yoem: kaid' voinvu, bang: gi houg: su" kham: yu moin: mo, nghoid nyid.

1 TIMOTHI 5:19

Sagsi: kham, mo, atham: thang- eig soem" yug abo ri phung shu" vhu" shi: su: ri yooboo foin: dang: ri age loem".

1 TIMOTHI 5:22

Aseing: da" moozoo" voin, vu, wa shid re" hang" ri nghoid loug we' lo, ke" lho: aya: tang: byid: wa ziri akhang:- subi" dakoid da" yooboo moo aye: bo vang lhu"- nang nyang: we' yooboo adab sho' gyeungshang: nyid we'.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

2 TIMOTHI 1:6

Houg: yoomo ngoo nang ri lo, ki" byid: lho: aya: tang: byid: uri Mangso jang" mo nang yo" kham: yu bye: da" jeju" jhung: shug ri Mangso jang" mo nang yo" kham: yu bye: da" jeju" jhung: shug ri xo' lho: wigi dei nyid nhang: shi" wa shid re" nang ri ngoo doem, tid poin" kaid' zi nghoid.