1 TIMOTHI 4:12 - Lacid Common Language Bible

¹² Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 4:12 교차 참조

ZEKHARIA 2:4

Moug: lagyoo: thang: moo ju" re" yug ri xang: shi" yug lhoem: tid zigi «Nang gei yhe: lho: hau: laki' yang: ci: su: ri hid su" ein: tid we'. Yerusalem voomoo" vang khyam: gi atho' koem" yu" loo: sho' gyi: lam: lo wigi byu yo' gougnyhoug myo: je: loo wa.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

1Korinthians 11:1

Hougsu" nghoid yoomo- ngoo gi Khristu da" khoo" shid: ri cang lo yhang: ti" nanu" we' nga" da" khoo" shid: ri cang nyid ge'.

PHILIPI 4:8

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

1THESALONI 1:6

Nanu" gi ngoonu" da" khoo" shid: yo' Aseing: da" khoo" shid: ri yu" yu cang lo" nyid boem bye- nanu" gi kyi" khyeug shen" yhen da" jam jau, myoo" sho' shau" boem nghoid loug we' hau: ngei bu: lu dang: ri gyeungshang: venyi khyo" yo" yu da" gau, yi ngei bu: kang: lung bu, ziyo' lhoem: yu boem abye:.

1THESALONI 2:10

Loem" jeung" nyid mo, nanu" da" shid khoin" moo ngoonu" da" aved asam" joem gi gyeungshang: wigi deingmain" ziyo' ce" yooboo we' abo zigi nanu" shid' re" nanu" nyang: sagsi: nghoid boem bye- houg: yo' dakhyoo" ti" Mangsoo we' sagsi: nghoid nyid bye.

1 TIMOTHI 1:14

Yha" Aseing: gi nya: da" athang agoin da" jeju" ri nga" tho' moo foid, gyoin: byid: wigi Khristu yo' dadeing: daloem: za: bue" lo" lho: kangso' shau" dei nyid yoomo ngoonu" yo" yu eung: da" loem" jeung" khyoo: yo' jheddab nheigloem: ngoori byid: too" bye.

2 TIMOTHI 2:15

Nang koem gi nya: da" moozoo" moo ce" gyoug sho' cang abo da" moo" voin su: khyo" we' Mangso mungdang: ri deingmain" jo eung: khyo" kho" kyo" jhoug" byid: su: khyo" we' Mangso shoid' moomyo, nhoo: rua loo sho' yoem: so' bain' sho' yoem: kaid' nyid we'.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

2 TIMOTHI 2:7

Ngoo tid nyid khyoo: ri myid soin: yu" we' khasu" wim ga: ri Aseing; gi hau: khyoo: dangain" ri yo" se' da" emyid, nang ri byid: loo wa zi nghoid

TITU 2:15

Nang gi he: da" khyoo: joem ri kho" kyo" jhoug" byid: nyid we'. Nang yoem: byid: tid kyeing" tid poin" jhoug" byid: nyid da" uri - nang yo" da" amyeing" akhang" dangain" ri ci: we'. Hang" nghoid loug we' nang ri aphoug" akhyoid, ayu' nge pyam baja".

TITU 2:7

Khyoo: khaid gu: khang" moo" zei: so' lo" da" jang" moo nyang: gung nyang: yu" yu ge, da" khyoo shid: bue" nyid we' Dain: da" nheigloem: yo' abui" atho'- thain" thain: yhoug: gyen: khyo" jhau" poin" khoo" kyeung" nyid we'.

YAKU 3:13

Nanu" da" akhoug: moo se' yeug da" phajhi" boo su: dayug yug nyid nghoid rigi hau: yug gi nyang: se' da" phajhi" boo su: gi nyang: se' da" phajhi" khyoo: ri zei so' da" moozoo" khyo" we' khyo, nyhoem: khyoo: khyo" we' ge, da" moozoo" ri zei: so' khyo" we' sag si: kham, nyid baja".

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

1PETERU 5:3

Nanu" ri ab, byid: to" da" phung: ri seing: zoo: nau myid' khyo" akoid goo"- hau: yang phung: yi da" shid' khoin" moo yu" yu ge, da" khoo" shid: ri toin" shid' nyid ge'.