1 TIMOTHI 4:1 - Lacid Common Language Bible

¹ Thang: phyang" pyaid ri byu dayham" bang: gi loem" jeung" khyoo: ri she: pyam boem wa zi nghoid. Nyang: nu" gi mhau' fain" da" venyi joem da" dang: ri tam" gyo: boem wigi yu join: jhoug" byid: da" khyoo: moo cang lo" byug boem wa da" khyoo: ri hau: gyeungshang: da" venyi gi bang bang nyang: tid nyid.

1 TIMOTHI 4:1 교차 참조

APOEM AYANG: 3:13

Aseing Mangsoo gi myiyi: myhi' ri «Nang ce: gang mo hid: su" koid lha"» ga: myid: lang" myiyi: myhi' gi «Lhangmyu gi hau: shi" ri zoo: wa shid re" ngoo ri jhu" phyo'» ga: doem phug tid.

1 KHOKHAM 13:18

Hau: thang: Bethela mo lapi: mangzoo: gi nyang: ri «Ngoo we' nang yhang: ti" lapi: dayug nghoid. Aseing amyeing" dang: moo nang: ri ngoo yo' dage" yhoem: khyoo: shu" lo" wigi nang ri doo" zhoo" wa khyoo: moug: lagyoo: khyo" ngoo ri tid» ga: tid. Nghoid loug we' lapi: mangzoo: gi mhau' nyid da:.

ESAIA 2:2

Ju" loo wa da" ayo, moo: Noku yhoem: moo" jo, da" boem gi dangain" jang" mo myhang: thang nghoid wigi bouggung dangain" da" adang moo myhang: thang bue" nyid wa. Mungdain: myoo: sho' gi houg khyoo: jhen: re" wigi

YEREMIA 23:26

Hau: Lapi: yigi nyangnu" myid soin: thu yu da" mhau' dang: khoin" wigi nga" byumyu" yiri khamyhang ju" sho' shu" vhang: nyid shi" goo" wa la".

YEREMIA 48:47

Nghoid loug we' doem ju" loo wa da" ayo, moo Aseing gi Moba ri doem nyid de: nhang: wa. Aseing tid to" gu: dangain" gi Moba dang moo bue" loo wa.

YEREMIA 49:39

Nghoid loug we' thang: rigi Elam byu yiri doem nyid gi yab gi nhang: wa. Ngoo Aseing tid too" bye:».

EZEKIEL 1:3

Babelon mung" Kheba gyid yam moo ngoo ri Aseing dang: ji thui: shau" gyo: wigi nya: yoem: so' ri we' ngoo shoug" kham zoo: bye:.

EZEKIEL 38:16

Nang gi mougmyid moo hau' lid: lo" da" uglid yhang: ti" nga" byumyu" Israela ri khaid zain: loo wa. Hau: ayo, ju" loo lang" ngoo gi byumyu" yiri ngoo hang" nghoid ziri ci: shug byid: wa yo' nang khyo" wigi ngoo koid lo" da" moo" moo nga" gyeung" shang: ziri ci: shug byid: wa shid re" nang ri nga" da" mougmyid khyoo: jhen" vang yhi: nhang: kaid wa.

DANIELA 10:14

Ju" loo wa da" ayo, moo re" byumyu" yi ce: noem thung" shau" wa ziri nang ri se' gyo: nhang: wa shid re" ngoo ju" re" zi nghoid. He: zigi ju" lo wa da" ayo, yo' sen da" yoeb myang nghoid» ga: tid da:.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

MIKHA 4:1

Lo" thang da" bidnyid ayo, moo gi Noku Yhoem: Moo" jo, da" boem gi bouggung dangain" atho' moo myhang: thang boem nghoid wa byumyu" yi myoo" sho' bang: gi houg: khyoo: lo" boem wa zi nghoid.

GYUNG: SOO" 24:14

Balam gi Balag ri «Akhid" ngoo gi nga" byumyu" yi jhang khyoo: doem phang: loo" wa. Nghoid loug we' ngoo aloo" shi" ri hid: thang: ri re" byumyu" yiri Israela bang: wigi khasu" coem' koid pyam wa ga: ziri tid poin" shi" wa» ga: tid.

MATHE 18:7

Mougmyid moo loem" jeung" khyoo: ri lhu: phyo da" thei' leung jang: joyoo mo mougmyid gi joem: lo" nyid bye. Nheugloem: thei leung jang: gi gyeing" nyang: jo,- nghoid sho loug thei leung jang: koid thu' su: gi gyeing" nyang: joem: loo" wa zi nghoid.

LUKA 17:1

Yesu nya: cangzoo: yi ri tid zigi Byu ri yooboo bui" nhang: wa khyoo: gi deing deing jo. Nghoidloug we' byu ri yooboo koid: nhang: su: gi deing deing joem: loo" wa.

YOHAN 16:13

Nghoidloug we' Mangso da" khyoo:- deing byeung" da" tarha" ri phang shug da" gyeungshang: Venyi: ju" gyoo" loo lang" gi nanu" ri deung main" da" tarha" bain sho' re" phang shug wam bye. Hau: da" gyeungshang: Venyi: gi nyang: vho: da" khyoo: tid kyoo" wa zi anghoid. Nyang: shaug" gyoo: ci: gu: ri tid kyo" lho: thang: phyang" bue" loo wa khyoo: ri tid wa nghoid.

ACTS 13:2

Nyang: nu" gi Aseing: ri noku loem khau: wigi zoo: noem, ri jang" pyam' lho: nyid boem uri gyeungshang: da" Venyi gi nyangnu" ri tid zigi Barnaba yo' Sholu eig yug ri nga" moozoo" voin, vu, wa shid re" gootu: khyen: nyheung too" ge' -ga: tid.

ACTS 17:18

Epikuri yo: Ati- yi nheigloem: phajhi" sara: yi dayham" we' polu yo' gye" tid ngeig go" nyid boem. Nyang: nu" mo dayham" gi He: ci: ase' da" koopyoid' khyoid' gi ce" noem, ri tid nau nyid lha"» ga: tid boem lho: gootu: dayham" bang: gi goo tu: byumyu" yi da" phara" khyoo: tid nyid sam" ga: tid go" nyid boem. Nyang: nu" hidsu" tid nyid boem zigi Yesu Khyoo: yo' nyang: doem dei to'' lo da" khyoo: ri Polu kho" kyo" nyid yoomo nghoid.

ACTS 20:23

Thung: loung" ziyo' yau: khe: jam jau khyoo: gi ngoori lang" nyid ga: voogung khang" moo" moo gyeungshang: da" Venyi gi ngoori tid poin" lo khyoo: riza: ngoo se' nyid.

ACTS 21:11

Nyang: gi ngoonu" jang" moo ju" ri" lang" Polu da" phyid" cu" ri yu lho: hau: ze wigi nya: khyid: yo' lo, joem moo tei" da. Hau: lho: nyang: gi he: phyid" cu" seing: ri Yuda byumyu" yi wigi Yerusalem voomoo" moo hidsu" tei" joeb, lho: nyangnu" gi nyang: ri tungbau byumyu" yi da lo, moo ab, byid: pyam' goo" wa gyeungshang: Venyi tid» ga: tid da.

ACTS 28:25

Houg: yoomo nyang: cang" nyang: aveing" goo" loo: za: thu' lo" nyid boem da" uri Polu doem tid zigi Lapi: Esaia nhoid khyo" gyeungshang: da" Venyi wigi nyangnu" da" phoug" phyid" yi ri tid da" dang: gi gye" nyang: jo, da" dang: nghoid.

1Korinthians 10:20

Anghoid o"- tungbau byu yi da" phoin: tho' moo: to' byid: da" xoin" gi Mangsoo ri to' byid: da" xoin" anghoid- yu joem ri to' byid: da" xoin" danghoid ein: ngoo tid zi nghoid. Ngoo gi nanu" ri yu joem yo' zoem" khau: nyid mo, abui" nhang: noug.

1Korinthians 11:19

Houg: mo gam, thu' loo" mo, kha: phung: bang: gi jo shoid khyoo: yab, bang: nghoid ein: da"- deingmain" khyoo: gi bang bang nyang: myang loo wa shid re"- nanu" moo: kho' gam, gang: go" lo" zigi: nyid gu, nghoid.

1Korinthians 12:11

Nghoid loug we' hau: jeju" yoem: vhoo" joem gi hau: venyi dayoug wigi: za: bui" nhang: nyid yoomo- nyang: myid vho: ziyo' dakhyoo" ti"- dayug yo' dayug ri- gooki" lid' da" jhung: shug gootu: tu: ngab sho'- gam, byid: to" boem bye.

1Korinthians 2:10

Nghoid loug we' Mangsoo koem gi nya: da" Venyi: khyo" wigi- nya: da" nghoeb, yhoem" to" khyoo: ngoonu" ri phang shug bye. Hau: da" Venyi gi ziyoo jo, moo: jo, ri za: we' anghoid- Mangso da" no, thang khyo" myid soin: to" khyoo: joem ri- cang phoid: sho: yu" nyid.

2~KORINTHU 11:3

Eva gi lhang: myu: da" phajhi" juyhi: yo' mhau' mhid" phyo' shau: yhang: ti"- nanu" we' nanu" myid to" khyoo: ri lhu: phyo' pyam zi shau" lho: nanu" da" joeb byeung" gyeung: shang: emyid yo' Khristu moo nheigloem: zug- loem" jeung" zei: so' khyoo:- she: pyam goo" wa ziri gung youg yau nyid.

TARHA" TID POIN" 32:29

Nyangnu" gi ciwim gyi soem" ziri ase' myang goo" nghoid da:. Nyangnu" cibue" lo ziri we' asi' goo" nghoid da:.

TARHA" TID POIN" 4:30

Nanu" yau: khe" kyi" khyeug shoug" lho: hau: gu: dangain" nanu" moo bui" lang" nanu" gi lo" thang moo Aseing jhang phug lo wigi nyang: ri tam" gyo: nyid boem wa nghoid.

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

2 TIMOTHI 3:13

Akhyeing" ashoeb, da" byu yi yo' mhoug zoo: mhoug shug yen" da" byu yi koem gi-subi" yo" mhoug zoo: lang" nyang: nyang: ri we' mhoug zo: zi doem, thoung" shau" wigi akhyeing" ashoeb, ziyo' age da" khyoo: moo age da" khyoo: khyoo:- je" je, jhen" vang lo boem wa zi nghoid nyid.

2 TIMOTHI 4:4

Nyang: nu" gi hau" deingmain" da" khyoo: ri tam" gyo: nyid jang" mo phoug lo" boem wigi byu yi da" byuxeig mhoo: myid: ri tid nyid bang: jhang khyoo:- tam" gyo: lho: nheigloem: vang zo: lo" byug boem wa nghoid.

YAKU 3:15

Houg: yhang: te" da" phajhi" gi tho' khyo" gyoo" lo da" phajhi" anghoid- moug: myid tho' mo Venyi yo' sen: da" yu join zhadain: da" phajhi" danghoid.

1PETERU 1:20

He: da" mougmyid ajo, shi" mo Mangsoo gi nyang: ri khyen: yu to" lho: he: mougmyid' lo" thang da" bidnyid moo nanu" da" akyu" shid re" nyang: ri myang nhang: bye.

2PETRU 2:1

Lai: lo" bye: da" ayo' moo byu yi jang" moo mhau' da" lapi: yi thu' lo boem ziyo' dakhyoo" ti"- nanu" jang" moo we' mhau' da" sara yi thu' loo boem nghoid. Nyangnu" gi lhu: phyo' lhu: shoin, khyoo: adeung amain" jhau" mho' da" khyoo: joem ri shu" vang lo wigi nyang: tu: nyang: ri khyien: yu bye: da" Aseing: ri ngeug pyam boem wa zi nghoid. Hougsu" koid yoomo nyangnu" gi nyangnu" da" atho' moo byo, yoin" lo" khyoo: gi myab myab, ju" loo nhang: boem wa zi nghoid.

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

1YOHAN 2:18

Nga" zoo: yi we"- lo" thang bidnyid jhang loo, bye. Nanu" ritid kyoo" bye: ziyo' dakhyoo" ti"- Khristu da" gyivoo phoo ein: su: gi ju" nyid bye: nghoid yoomo akhid" lang" gi Khristu da" gyivoo myoo" sho' thu' loo: bye: zi nghoid wigi lo" thang bidnyid jhang bye: ziri ngoonu" se' nyid boem bye.

YUDA 1:18

Khasu" wim ga: ri lo" thang da" bidnyid moo nanu" ri juang" yi lho: wigi nyang: nya: vhoo: boo: myo, no, da" nheigloem: axoug" ri cang mo gyeungshang: da" Venyi ri ayo" yu mo

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.

Pang Shug 13:14

Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.

Pang Shug 16:14

Nyangnu" gi main: yu joem da" soo" byoo, joem nghoid wigi alhoo: again joem ri yo" koid shug. Hau" venyi soem" du: gi yoem: moo" bo Mangso meing: zain: da" bidnyid' zeing mo, gyipui" khyoo:- mougmyid gyab, goin" moo nyid da" - Khokham" yi ri dage" khe: zheing" wa shid re" thu' lo" boem.

Pang Shug 18:2

Nyang: gi thui: zeing yo' tid zigi nyang: gi byo, yoin" loo" bye:- Babelon voomoo" gi byo, yoin" loo" bye- byo, yoin" loo" bye- nyang: rigiakhuid" main: yu joem yo' mi: byoo joem wigi byo" too" zi shau" su:- aco' jhoid khyoo: aja: ja: yo' ngho' ngheing" joem da" nyid jang: nghoid.

Pang Shug 18:23

Nang moo khanham we' myibung bang ziri shau" myang loo: wa zi anghoid.myhi, seig yo' phoo seig yi thui: ri we' khanham we' ashaug" gyoo: loo: wa Re" da" phaga byu yi gi mougmyid gyab, goin" jang" moo Pa: va: bo thang mo, bue" lo lho: nanu" da" mhau' fain" goem phain" maintain: yo' nanu" gi moug: myid byu yi dangain" ri khyoo: shu" vhang: pyam boem bye.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

Pang Shug 2:29

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

Pang Shug 20:8

Hau" satan gi moug: myid gyab, goin" jang" mo Goga, yo' Magoga, ga: da" byumyu" yi ri meing: shu" zain: wa shid re" mhau' khe: zheing" wa ga: thu' yhe: loo" wa zi nghoid- houg: bang: gi nam mug dara mo mid' coo: su" myo: zi nghoid boem.

Pang Shug 3:13

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 3:22

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 3:6

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja".

Pang Shug 9:20

He: da" shid gyoin, mo deung nyid mo, gi nyangnu" koid da" lo, moozoo" mo nheigloem: athed, lo boem shi" nghoid ago". Nyangnu" gi yu joem ri we' myo, we' amyang nu: we' agyoo: ayo" so" yen" da" sheing: gyid: lugboem seig thung" yo' koid to" da" phara" soolhoo joem ri anoo: loo: dano" nyid boem ashi" go.