5 Byu dayug gi nya: yhoem: ikoin deungkhu: ri khasu" shu" vhoeb khang" nyid wa ziri ase' nghoid rigi Mangso da" noku phung: ri khasu" se' shu" vhoeb khang" nyid wa lha".
Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.
Yuda byumyu" yi shid re" we'- Greek byu yi shid re" nghoid loug we'- Mangso phung da" shid re" we'- thoung" thue: leung jang: abui" wa shid re" kangso dei nyid ge'.
Mangsoo gi jo, moo jo, nyid moo nyid ri Khristu da" khoovoo: khoug: moo kaid' to" wigi dangain" da" atho' moo gyi: thang da" Aseing: bue" nyid khyo" nyang: ri phung: khyoo: ab, byid: bye.
Hau: phung: gi Khristu da" vhoeb da" khyoo: ri kham: yu nyid yhang: ti"- yhoem: seing: myhi' we' yhoem: seing: phoo yi vhoeb khang" da" khyoo: ri bain sho' kham: yu ca" nyid boem.
He: khyoo: gi jhoem: mungdang: moo tid shed to" da" deingmain" khyoo: dakhaid nghoid wigi Khristu yo' phung: da" khyoo: ri yeung lho: tid zi nghoid ein: ngoo se' gyoo: bye.
Nghoid loug we' ngoo to' myang" byug nghoid rigi dadei nyid Mangso phung: ein: da" hau: deingmain" apoem: ayang: nghoid da" Mangso yhoem: ikoin deungkhu: moo ngoonu" gi kha: yhang: te" da" avoid asam"- cang yhi: ca" khyoo: ri yo" se' yu baja"- ein: he: mougsoug" ri lhid" kaid' zi nghoid.
Nya: zoo: tang: gi ngoo ri aphoug" akhyoid da" dang: tid bye:. Hougsu" tid ziri Eli si' nghoid loug we' hau: tang: ri atoem' yoomo nya: ikoin deungkhu: ri dapyaid goin" dam byid: wa ein: ngoo nyang: ri tid too" bye: zi nghoid.
