1 TIMOTHI 3:3 - Lacid Common Language Bible

³ Yhid: ashug main: su- angheing" ayang akoid su: nghoid lho: wigi sam" dab, nu" nham, su- myen, jham" khyoo: ri vhoo: su- nyang: gi ngei myo, ano, su: nghoid wigi

1 TIMOTHI 3:3 교차 참조

DANG: ZHOEM 1:19

Lhoid zoo: lhoid shoug da" moo" zoo" gi:-lhoid zoo: lhoid shug mo da" kangso' khyoo: ri tid fu" byid: nyid. Athoug" akhyoug: khyo" dei nyid mo, da" shidkhoin" moo: bue" nyid da" moo" nghoid.

DANG: ZHOEM 15:27

Atu" amyaid ri adeing amain" khyo" sho: yoem: kaid nyid khyoo: gi re" yhoem: byu yi moo: yau: khe" kyi" khyeug shau" loo wa nghoid. Khougvhoid jhungshug ayu zo: rigi nang kang: sheing" wa zi nghoid.

PHAJHI" DANG: 7:8

Daja: ja: da" athang: pain' zigi hau: da" zi ayang: shid" tho' je ge da:. Nheigloem: sheing: zigi nghoid boin: da" tho' je ge da:.

ESAIA 28:1

Israela mungdain: gi joem: abye:. Nya: da" yhid: yed: vhujhung: yi vhuloem moo zhung" ci: da" bidmug joem mo bain: boo" joem yo' dakhyo" nya: phung" yoeb gi yhau" lo" byug abye:. Nyangnu" nghoid boin: da" vhuloem joem gi shoem: nam pyo: ja: xu: joid to" ago". Nghoid loug we' nyangnu" ashid: asoo" yed leung jo, ago".

ESAIA 28:7

Lapi: yi yo' khainjung yi lang" yhid: sung yed yoomo leung baid yeing" ago". Nyangnu" zabyid yhid: yo' yhid: jang" sung yed yoomo adu: adam: thung" leung ago". Lapi: yigi Aseing wigi byid: da" yoeb myang joem ri ase' gyoo: loo: sho' yhid: yed ago". Houg: lho: khainjung yigi nyangnu" jhang ci: re" da" moo" ri ayo" tid phoid: kyoo" loo: sho' yhid: yed ago".

YEREMIA 6:13

Byu gyi: zoo: nge zoo: yugkhang" moo" gi ngei ri adeingmain" da" khyo" sho: yu wa soin' ago". Lapi: yi yo' khainjung yi lang" mung byu yiri mhoug zo: ago".

YEREMIA 8:10

Houglho: ngoo gi nyangnu" da" mougmyid joem ri subi" goo" bang: jhang byid: pyam wigi nyangnu" da" yhoem: seing: myhi' yiri we' yuggi gooji bang: jhang byid: pyam wa. Byu gyi: zoo: nge zoo: yi yugkhang" moo" gi adeingmain" khyo" ngei shoo: wa yoem kaid nyid boem. Lapi: yi yo' khainjung yi lang" byumyu" yiri mhoug zo: ago".

EZEKIEL 44:21

Khainjung yigi akhoug: shoid shava jang: khyoo: vang loo" wa nghoid lang" zabyid yhid: age shug.

XOIN" NGEI" 10:9

«Nang yo' re" yuggi zoo: yigi zabyid yhid: anghoid lang" yhid: shed shug thang: ri nga" zoem" khoug: khyoo: age vang wa. Nanu" vang yhe: nghoid rigi nanu" shid: shau" wa zi nghoid. He: zigi nanu" da" amyed ashen yi dangain" cang wa da" tarha" nghoid.

MIKHA 2:11

«He: da" byumyu" yigi mhau' fain" ziyo' nanu" shid re" zabyid yhid: yo' yhid: yau thu ri" wa ein: da" lapi: pi: byid: ga: tid lho: mhui" jhoem" yen" da" lapi: yiri vho: nyid boem ago".

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

MIKHA 3:5

Nga" byumyu" yigi ngei byid: mo, rigi myenjham" khyoo: yoo" wa ga: dangsoo" byid: da" lapi: yi wigi mhau' jhoem" zi shau" ago". Nghoid loug we' ngei abyid: mo, rigi gyi khyo" kyug nhain' ago". He: lapi: yiri Aseing tid zigi

MALAKHI 1:10

Yoem: moo" bo da" Aseing hid: su" ga: tid nyid «Nanu" gi nga" da" phoin: tho' moo akyu" abo da" myi: ri are" tab wa shid re" nanu" yugkhang" moo" gi nga" gyeung" shang: da" yhoem: khoem" ri myhid" byid: rigi gi wa zi nghoid. Ngoo gi nanu" ri yu" ngei wa khyoo" aboo- nanu" da" jhungshug ri we' ngoo avhoo:.

MATHE 21:13

Nyang: nyangnu" ri «Mangsoo tid jhoem: mougsoug" moo lhid" to" zigi ‹nga" da" yhoem: ri Mangso yhoem: ein: wa› ga: nghoid loug we' hau: yhoem: ri nanu" gi khyangtoug: lug ug dakoid: nyid ago"» ga: tid.

ACTS 20:33

Houg: su" nghoid yoomo ngoo gi hang" da" ngei sheing: mi, byi: ri we' - myo, no, vhoo: abo yu".

Roma 16:18

Houg: bang: gi ngoonu" da" Aseing Yesu Khristu da moo" voin mo anghoid. Nyanu' nya: da" zoo: noem kha: ja: shau" zoo wa ashug" zoo: wa da" khyoo: ri za: te: myid yu" mo nghoid. Nyanu" gi nu" nham' cau: main da" dang: ri tid coung" myeing" coung" thui: yo" wigi deingmain" nyid mo ri lang" yo" mhoug zoo: se' ago".

Ephesu 5:18

Yhid: ashug yed, nyid goo"- hau: zigi nanyang: ri lhu: phyo' shoin pyam wa zi nghoid nyid. Hau: gung khoo: venyi: yo' joeb byeung" nyid ge'.

1THESALONI 5:14

Hau: lho: mang nhung yi we"- nei" nyid bang: ri tid poin" tid kyeing" go" nyid ge'- nheigloem: nge loem: nge nyid bang: ri nheig teing ung: teing byid: nyid ge'. hoem: nu: bang: ribo pang" bo thug byid: nyid ge'- dangain" mo, da" atho' moo zeung: kham' nyid ge'.

1 TIMOTHI 3:8

Phung: tau, we' nheugloem: deing byeung" lho: asam" avoid, gi mo, nghoid ca. Yhid: ashug bang:- ngei ri myo, no, vhoo: abo ziyo'

2 TIMOTHI 3:2

Byu yi gi nyang: nya: da" akyu" ri za: shoo: mo, myo, no, vhoo: boo mo, nghoid thui: gyoo: mo, nheigloem: myhang: phau: khuang mo, za: bue" loo wa. Nyang: nu" gi juang" yi gei sang: yen" mo, myhi, phoo ri thougtheung mo, - jeju" ase' boin: mo, noku loem, khoug: khyoo: ci: aboo mo, bue" lo boem wa nghoid.

TITU 1:11

Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.

TITU 1:7

Khasu" wim ga: ri phung vhoeb phoo gi Mangso moozoo" ri yoovoin yu lho: wigi voinvu, nyid su: nghoid yoomo yooboo aboo su: dage koid. Nyang: gi nheigloem: myhang: su:- nheig yo: phoin: su:- yhid" shug noug su:- myeing" myoo: yhoo: shi: su:- dang: nug nu: su: age nghoid ngi ri myo, no, vhoo: boo su: we' age koid.

TITU 2:3

Houg: yo' dakhyoo" ti" apyaid gyi: bye: da" phyid" mang: yi we' loem" jeung" wigi tarha" ri phau" cang mo, lu wim gei sang: da" dang: atid wa ziyo' yhid: join abui" loo: za: ge lho, da" khyoo: ri se' jhau" mhoo, mo, nghoid nyid goo" baja"- nang gi nyangnu" ri jhoug" byid: ca" nyid.

TITU 3:2

Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

HEBRE 13:5

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

YAKU 4:1

Nanu" moo ciwim myeing" myo: nyid go nheig yo: byo, go" khyoo: gi khayo, thu' lo ein: jhoo: go" Nanu" da" gung shoo" myo, no, loug gyi: vhoo: bo-zain goo" said' go" nyid da" nheigloem: mo thug lo nyid zi anghoid goo" la".

1PETERU 5:2

Mangso da" yang phung: ri Mangsoo nanu" ri koid nhang: nau ziyo' dakhyoo" ti"- yu" coung goin, zung" lhug nyid ge, anoug akhyoid' khyo" akoid loo: za: nu" nham, vho: ngei da" myid' yo' koid nyi ge'- La, ga, nyho, khyo" anghoid loo: za: zhoo: gyi: zei: nau, khyo" gau yi ngei pyo: ziyo' zei: so' vhoin, wu, nyid ge'.

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

1 SAMUELA 8:3

Nghoid loug we' nya: tang: gi nya: pho da" leig ri acang loo: za: ngei myo, no, da" moo" zoo" moo za: nheig dab nyid boem ago". Khougvhoid jhungshug joem ri nya: eig yug khab yu nyid yoomo jo eung: khyo" moo" zoo" ri ayo" tid phyed byid: nghoid ago".