1 TIMOTHI 3:2 - Lacid Common Language Bible

² Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

1 TIMOTHI 3:2 교차 참조

ESAIA 56:10

Nyang: gi «Nga" byumyu" yiri tid poin" byid: wa ein: jho: da" vhujhung: yigi myo, jid yi nghoid ago". Nyangnu" ci: we' asi' nghoid ago". Nyangnu" gi agyab lho: zung" yu" nyid da" lakhuid" yo' du. Houg bang: gi yhoeb jo, wigi yhoebmo, za: mo, nyid. Nyangnu" yhoeb so' za: kho' ago".

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

LUKA 2:36

Hau: tho' moo gootu: Ashe byumyu"- Phanuela myiyi: zoo:- Anna: ga: da" myiyi: lapi: myhi,- dayug nyid. Nyang: gi apyaid gye sheing: bye: su: nghoid. Nge yo, mo deung khu: vang lho: yhoem: seing: phoo yo" nyhed zain date: zoem" nyid. Hau: thang: ri apyaid' shed' xe: myid: zain ju" sho' cougmoo" mo" nyid. Nyang: gi Mangsoo ri Noku akyu" mho' nyid su: nghoid. nyid" myen" anoo: ayab- Mangso moo" ri zei: pyo: zoore"- No' ku" yhoem: moo" mo athu' loo" loo.

Roma 12:13

Phung: byu mang: nhung" yi sho" jhen: lo da" uri coem' pang" thoug go" nyid ge'. Gyung: so" yen" da" Khristan mang: nhung" yi ri pang" thoug being" de" nyid ge'.

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

1 TIMOTHI 3:12

Nyang: nu" da" yhoem: seing: myhi' we' asam" avoid, gi bang: nghoid wigi sube" da" lu, wim gei sang: shang pyang: bang: anghoid loo: za: myonhoo: phung" yoeb, bo lho: khyoo: khaid khang" moo" moo nheigloem: dain: bang: nghoid nyid boem ca.

1 TIMOTHI 3:8

Phung: tau, we' nheugloem: deing byeung" lho: asam" avoid, gi mo, nghoid ca. Yhid: ashug bang:- ngei ri myo, no, vhoo: abo ziyo'

1 TIMOTHI 4:3

Houg: yhang: te" da" byu yi gi loxo' myi: pheing" fang da" khyoo: joem ri jhed' xeung toem to" lho: zoo: noem, dayham" ri jang" pyam' wa shid re" jhoug" byid: lo ago". Nghoid loug we' loem jeing" bang: yo' hau: deingmain" da" khyoo: ri se' yeug mo, gi jeju" coung" nghei da" akyu" mho' lho: yo" zoo: wa shid re" Mangsoo gi hau: zoo: noem, ri phain" too" bye.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

1 TIMOTHI 5:22

Aseing: da" moozoo" voin, vu, wa shid re" hang" ri nghoid loug we' lo, ke" lho: aya: tang: byid: wa ziri akhang:- subi" dakoid da" yooboo moo aye: bo vang lhu"- nang nyang: we' yooboo adab sho' gyeungshang: nyid we'.

1 TIMOTHI 5:9

Apyaid' khyug xi: zain za: ajain" rigi coug moo" myhi, kha: yug ri we' cougmoo" zhayen" moo akaid' goo" baja" nyang: gi dalheing: za: loxo' e" koin qei" su: nghoid ca".

2 TIMOTHI 2:24

Hau" Aseing: da" dei zoo: yug koem gi myeing" myoo: yhoo: she: khyoo: age koid loo: za: nyang: gi byu dangain" ri nheig se' khyeug ziyo' nheigloem: sheung; wigi se' jhoug" se' mhoo, byid: da" sara: nghoid ca".

TITU 2:2

Apyaid gyi: bye: da" phoug" mang: yi ri yhid: ri nheig atei" loo: zed" lhid' nyid wa shid re" yug yoo sam" dab ri young" nyid wa shid re" nyang: nya: da" gung ri yo" vhoeb khang" nyid wa shid re" we' jo da" laloem, lakhoug: bo nyid a shid re" jheddab myid yo' kham zeung: da" nheigloem: bo jo, wa shid re" jhoug" byid: we'.

HEBRE 13:2

Nanu" da" yhoem: mo being" voo ri lhoem: kham: yu lho: byid: zhoo" byid: jhug wa ziri ato" myid' goo". Houg: su" byid: zhoo" byid: jhug mo, gi aboin: aso" zi moug: lagyoo: yi ri shau" doo" zho" kaid boem bye.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

1PETERU 4:9

Nanu" gi nheig yoo: nheig jhug akoid loo: za: nyang: cang" nyang:- being" did' go" nyid ge'.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.