1 TIMOTHI 3:11 - Lacid Common Language Bible

¹¹ Nyang: nu" da" myi: yi we' akyang" gi mo, nghoid ca" juang" yi gei sang: mo, a gi nyangnu" gi yhid: ayed ziyo' khyoo: khaid khang" moo" moo ding main" loem gi mo, nghoid ca".

1 TIMOTHI 3:11 교차 참조

COUNG" NGHEI 101:5

Byu dayug yug da" age khyoo: ri dang: so, so, loo mo, yugkhang" moo" ri ngoo shang: thu' pyam wa zi nghoid. Phau: khuang ziyo' nghoid boin: nheigloem: myhang: nyid bang: ri ngoo gi kham zeung: nyid wa zi anghoid.

COUNG" NGHEI 15:3

Subi" gooji ri anghoid akhuang atid su:- nyang: gi nya: bidnoem yiri we' age khyo" akoid su- yhoem: kyoo" cang" ri we' gei sang: shang apyang: su: nghoid.

COUNG" NGHEI 50:20

Re" da" noug" shoin" mang: nhung" yiri yooboo foin: wa ziyo' Nyangnu" ri age khyo" myang wa shid re" we' nang jen" jen" nghoid.

DANG: ZHOEM 10:18

Nyang: nya: da" nheigloem: khoug: moo ngheung" da" myid ri yhoem" too" su: gi mhau da" byu nghoid nyid. Sube" da" gei sang: shang pyang: yen" su: hang" nghoid loug we' nheig agyeung: su: nghoid.

DANG: ZHOEM 25:13

Loem' ge" da" lagyoo: gi byang gain' yo, ri bid loung wigi gyid shed nyid uri shoug" shoug kaid da" gyid jham" yhang: ti" nyang: ri nhang: kaid su: ri yoem: yoo" nhang: nyid.

YEREMIA 9:4

Yugkhang" moo" gi nya: byencang" yiri goolhoo: zung" yu" ca" da:. Hang" we' nya: mang: nhung" yiri age' loem nghoid da:. Ciwim gari yugkhang" moo" gi Yaku yhang: ti" mhoug fain" da:. Houg: lho: yugkhang" moo" gi nya: byencang" yiri mhid" zo: da:.

EZEKIEL 44:22

Khainjung gi kang" pyam to" da" myiyi: yo' lo, age xo'. Nyang: gi Israela zoomyi: gyeing" anghoid lang" khainjung goo" yug da" cougmoo" ri za: dage yu da:.

XOIN" NGEI" 21:7

Khainjung dayug gi shava myhi bue" yu" bye: su: ri we' zoomyi: gyeing" anghoid lo: su: ri we' yuggi yo' gang: nyid shau" su: ri we' lo, age xo' yu nghoid da:. Nyang: gi gyeung" shang: yug nghoid.

MATHE 4:1

Houg: lang" yu satan: jhu' phyo' zi shau" baja" ga: gyeungshang: da" Venyi: gi Yesu ri dain pyoid' yoo: khyoo: shu" lam" loo" bye.

YOHAN 6:70

Yesu doem phougtu" zigi Ngoo gi cangzoo: daxe: eig yug ri khyen: yu lho: nyheing nhang: kaid to" anghoid la". nghoid loug we' nanu" moo yu satan vang ci: su: dayug bo nyid ga: tid.

Roma 1:29

Nyanu" gi aco' ajhoid' akhyeing" ashoeb' da" moo" aja: ja: anyoin: athoung" zi mougmyid zi yoo ri loug gyi: zi - nheigloem: akyang" byo, lo" khyoo: - byen cang" ri nozo: khyoo: - subi" kang: ri said' khyoo: - byo, go" khyoo: - mhoug fain" zo: khyoo: pyi: cang sho: khyoo: joem ri shoid' vhang: nyid boem. Nyanu" gi - luwim gei sang: se' ago".

1 TIMOTHI 1:12

Ngoo zei: voin, vu, nyid da" moo" zo" shid mo ngoori yoem: so' lung: byid: nyid da" yha" da" Aseing Yesu Khristu ri jeju" boin: coung" ngei nyid. Nyang: gi ngoori moin: yi" su: nghoid ga: soin: yu wigi nyang: ri noku coung" ngei wa khyen: nyheung to" zi shau" yoomo we' nya: jeju" ri boin: coung" nghei nyid.

1 TIMOTHI 3:2

Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

1 TIMOTHI 6:2

Khristain join, seing: yi da" lo, khoug: moo nyid da" join, yi gi nyang: nya: da" yhoem: seing: biri- dakhyoo" te" da" mang: nhung" yi nghoid ein: aphoug" akhyoid age koid. Khasu" wim gari nyang: zei: byid: jang" mo akyu" shau" kham: zoo: mo, gi nyang: tu: nyang: loem khau: jheddab nyid bang: nghoid yoomo nyangnu" ri lang" je" wigi pang" dei: byid: ge nyid. Nang gi he: khyoo: ri jhau" mho' kho" kyo" nyid ca"

2 TIMOTHI 3:3

Nyang: nu" gi nheig ase' khyeig bang:- jheddab da" nheigloem: abo boem ziyo' nheig ashid: mo, akhyeing" ashoeb moo" zei: nyid mo, sube" myonhoo: ri lhu: pyang: byid: wa shid re" gei sang; shang pyang: yen" mo, subi" yo' sham: ashoin" wa da" khyoo: acang loo: za: lhoid zoo: lhoid shug cang nyhen " zhoung: yen" mo, athoug" akhyoug: koid yen" mo, ju" lo boem wa. Hau: tho' moo gootu: nyangnu" gi ge, khyoo: ce" ja: ri nghoid loug we' avhoo: angei mo, nghoid boem wa.

2 TIMOTHI 4:5

Nang koem gi khayhang: te" da" akhyoo: again thoung" shau" loo nghoid loug we' re" da" gung du: ri zei: zeung" ci: lho: wigi kyi" khyeug khyoo: ri kham' zeung: nyid we'. Hau: ngei bu: lu dang: ge ri kho" kyo" da" sara: moozoo" ri voin, vu, nyid wigi Mangso dei zoo: dayug khyo" wige- re" da" yoovoin, jo, moo jo, ri joeb, byeung" sho' voin, vu, nyid we'.

TITU 2:3

Houg: yo' dakhyoo" ti" apyaid gyi: bye: da" phyid" mang: yi we' loem" jeung" wigi tarha" ri phau" cang mo, lu wim gei sang: da" dang: atid wa ziyo' yhid: join abui" loo: za: ge lho, da" khyoo: ri se' jhau" mhoo, mo, nghoid nyid goo" baja"- nang gi nyangnu" ri jhoug" byid: ca" nyid.

TITU 3:2

Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.