1 TIMOTHI 2:8 - Lacid Common Language Bible

⁸ Phung: mo mo, da" akyu" mho' ayo, khang" moo" moo yug gi yi ri akyu" mho' nhang: nau- Mangso jhang khyoo: mho' ab, xoin" to' byid: da" yug gi yi gi nheig yoo: go" zi ngeung byo, go" zi aboo loo: za: gyeungshang: da" lo, ri tu: lho: akyu" mho' nyid goo" baja".

1 TIMOTHI 2:8 교차 참조

1 KHOKHAM 3:11

Aseing gi nyang: ri «Re" gung nanyang: kangso' sheing: wa shid re" yoo" zoo: yoo" shug wa shid re" re" gyivoo yiri yo" said pyam wa shid re" nang amho' loo: za: deing byeung" ziyo' yo" vhoebkhang" wa shid re" phajhi" ri kyeing" nang mho' nyid yoomo

YOBA 16:17

Nghoid loug we' ngoo gi athoug" akhyoug: yooboo moo" ci: akoid. Houg: lho: Mangsoo ri ngoo akyu" mho' da" dang: gi gyeung" shang: da:.

COUNG" NGHEI 134:2

Nanu" da" lo, ri tu: lho: Noku Yhoem: Moo" khoug: moo akyu" mho' nyid ge'. Aseing ri coung" nghei nyid ge'.

COUNG" NGHEI 141:2

Nga" da" akyu" mho' thui: ri nam, pyo: da" xoin" yo' dakhyoo" ti" ngoo tu: ci: da" lo, ri myen" ri ngei" byid: da" xoin" yo' dakhyoo" ti" lhoem: kham: yu byid: we'.

COUNG" NGHEI 24:4

Asam" aved ge lho: nheigloem: phyu: wigi soolhoo: joem ri ano" ziyo' ajo da" dangsoo" abyid: su: yo" loo" wa zi nghoid.

COUNG" NGHEI 26:6

Aseing we" ngoo gi ce" yooboo adab, khyoo: ri toin" shed wa shid re" Ngoo gi ngoo: nya: lo, ri ced" pyam lho: re" da" xoin" ngei" phoin: loem: lheing khab, moo: lo coung" nghei.

COUNG" NGHEI 28:2

Aseing da" gyeung" shang: Noku Yhoem: Moo" khyoo: nga" lo, voo: tu: ci: lho: pang" thoug byid: wa shid re" ngoo mho' yoid uri tam" gyoo: byid: shi" we'.

COUNG" NGHEI 35:13

Nghoid loug we' ngoo gi nyangnu" no nyid uri ngoo gi kougshu: byimi ri void, ci: lho: zoo: noem zeung: nyid.

COUNG" NGHEI 63:4

Ngoo dadei nyid da" bidnyid bain sho' moo nang riza: jeju" boin: so" nyid wa nghoid. Nang ri akyu" mho' da" uri ngoo gi nga" lo, ri tu: too" wa zi nghoid.

COUNG" NGHEI 66:18

Nga" yooboo joem ri ngoo cishu: anhang: pyam nghoid rigi Aseing ngoo ri tam" gyoo: byid: wa zi anghoid.

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

DANG: ZHOEM 21:27

Akhyeing" ashoeb, mo, xoin" ngei" byid: ziri Aseing ngheung" nyid. Nyangnu" da" nheigloem: moo: age ziri myid lho: ngei" byid: xoin" ri je" ngheung" nyid.

ESAIA 1:15

«Nanu" lo, tu: wigi akyu" mho' boem uri nanu" ri ngoo ayu" wa. Nanu" khayhi' akyu" mho' mho' atam" gyoo: byid: wa. Ciwim gari nanu" lo, gi suid" za: nghoid ago".

MATHE 21:21

Yesu gi «gyeing" gyeing" nanu" ri ngoo tid ba. Nanu" we' loem" shoid zi aboo loo: loem" jeung" nheigloem: bo nghoid rigi he: lafoem gam ri ngoo koid: ti" yo" koid: boem wa. Houg: za: anghoid ‹he: boem ri Panglai gyid mung" khyoo: thoid loo" we'› ga: tid ri lang" houg: su" yo" bue" loo" goo" wa zi nghoid.

MATHE 5:44

Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

MATHE 6:12

Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

LUKA 23:34

Yesu tid zigi O" nga" phoo we"- hid: bang: da" yooboo ri khyoid pyam byid: we'. Nyangnu" zei: da" moo" ri nyangnu" ase' boem ga: mho' tung" pain: byid. Byu yi gi nya: da" atho' byi: zeing ri me" lab lho: gam, go" boem.

LUKA 24:50

Nyang: gi nyangnu" ri Yerusalem mo, - Bethani voo yam khyoo: khe: shu" yhe: lo. Nya: lo, tu: lho: mainkaid byid.

YOHAN 4:21

Yesu gi myiyi: zoo: nang we"- nga" dang: ri loem" jeing" we' he: boem tho' moo we' Yerusalem voo moo we' phoo Mangsoo ri anoku lo: da" ayo, gi ju" loo wam bye.

ACTS 10:2

Nyang: gi Mangso khyoo: ri kang: lung bu, su: nghoid wigi nyang: yo' nya: ikoin deungkhu: byu yi dangain" mo, gi Mangsoo ri Noku nyid ago". Nyang: gi sho" jhen: da" Yuda byu yi ri myoo" sho' pang" thoug byid: wigi Mangsoo ri beung abyid' akyu" mho' nyid su: nghoid.

ACTS 10:31

Koneli we" re" da" akyu" mho' thui: ri Mangsoo shau" gyo: abye:- Re" da" khoug: loem, alu: gam, byid: da" khyoo: ri we' - myang abye:.

ACTS 10:4

Nyang: gi gyoug ziyo' Mouglagyoo: ri yu" zhug to" lho: «Aseing: we" ce: noem lha"» ga: myed: Mouglagyoo: nyang: ri «Mangsoo gi re" da" akyu" mho' thui: yo' re" alu jhung: shug ri, , ngei yoomo tu" byid: wa zi jen" jen" nghoid bye-

ACTS 21:5

Nghoid loug we' - nyangnu" yo' shau" theung: nyid da" ayo, bidnyid thang lang" ngoonu" gi houg: mo thu' lho: yhe: lo" boem bye. Ngoonu" dangain" mo, gi nyangnu" yhoem: seing: myhi' yi yo' zoo: shang: mi" dangain" we' voogoung tung: gung khyo" gyid yam, moo ju" sho' ngoonu" ri re" de" kaid' boem ago". Hau: khyi, moo ngoonu" dangain" mo, poid' thug thoug lho: akyu" coem mho' boem bye.

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

1Korinthians 1:2

Korinthu voo mo Mangso da" phung moo: boo mo, yo' joyoo khyi, khang" moo" mo, ngoonu" yo' nyangnu" da" Aseing: nghoid nyid da- Aseing Yesu Khirstu ri noku loem khau: da- Yesu Khristu khyo" wigi: Mangso da" gyeungshang: byumyu" bue" loo wa shid re" khe: yu zi shoug" bang: dangain" mo, jhang khyoo: dang: pyeung: kaid.

1Korinthians 7:7

Gyeing" nyang: ga: rigi- byu dangain" bang: ri ngoo yhang: ti" nyid nhang: nau zi nghoid. Nghoid loug we' byu yug khang" moo" gi Mangso jang" mo yo" yu da" mainkaid byid: jeju" gi adu, goo- byu dayug yug gi gootu: daja- gootu: dayug gi gootu: daja: ri yo" yu.

2~KORINTHU 2:14

Nghoid loug we' Mangso jeju" gi gye" gyi: jo, da- Khasu" wim gari nyang: gi ngoonu" ri Khristu yo' dadeung: daloem: za: bui nhang: wigi Khristu da" oung: doid lo pui" moo oung: yain: lo" da" thung: byu yi yhang: ti"- Mangsoo gi ngoonu" ri shu" vho" shi: bye. Khristu se' lo da" lasi, laleug gi nam, pyo: da" shoem: yhang: ti"- joyoo khyi khang" moo myoo- byo loo" nhang: wa shid re" Mangsoo gi ngoonu" ri ci: yhoung" nyid bye.

PHILIPI 1:12

Hau: lho: mang: nhung" yi we"- ngoo moo bue" lo da" khyoo: joem gi hau: ngeibu: ludang: gyi: sheung: loung: loo wa shid re" gyeng" nyang: bo pang: thug byid: wa shid re" bui" lo khyoo: nghoid ziri nanu" ri si' nhang nau.

1THESALONI 1:8

Khasu" wim ga: ri nanu" jang" mo wigi hau" Aseung: da" mungdang: gi Makedoni mung" yo' Akhaia mung" goin" jang" moo fu" nheung lo" ziza: we' anghoid loo- Mangsoo moo nanu" da" loem" jeung" loem, khau: khyoo: ri we' joyoo khyi khang" moo" moo byo ngam, loo" bye- Koug: su" nghoid yoomo nanu" ri citid' cang aboo loo.

1 TIMOTHI 5:14

Houg: yoomo gyivoo yi gi ngoonu" da" khyoo: ri age khyo" tid wa joyoo ajo, loo: sho' apyaid' ngi shi" da" cougmoo" myhi, yi gi lo, doem xo' lho: zookhu: du, yau ziyo' nyangnu" da" e" koin, ikoin deungkhu: ri-yu" nyheung goin, coung: nyid wa ziri ngoo je" vho: nyid.

TITU 3:8

He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

YAKU 4:8

Mangso jhang yu: tain" ri" ge'. houg: lang" Mangsoo we' nanu" jhang khyoo: yu: tain" loo wa yooboo yoo" bang: we" nanu" da" lo, ri cid" pyam' ge' nheigloem: eigkoo, boo mo, we"- nanu" da" nheigloem: ri cid" shang: pyam ge'.

1PETERU 3:7

Houg: yo' dakhyoo" ti"- yhoem: seing: pho we"- nanu" da" yhoem: seing: myhi' yi gi nanu" tho' moo yoem: neing: mo, nghoid ziri se' lho: nyangnu" yo' zoem" khau: nyid ge'- nyangnu" gi apyaid' ato: kangso yo' sen: da" jeju" ri nanu" yo' da khyoo" ti" yo" yu wa mo, nghoid yoomo nanu" gi nyangnu" ri phoug" phoug" myang myang zoem" khau: nyid ge'- hougsu" nghoid lang" she' nanu" da" akyu" mho' thui: gi khanham we' dakhyoo" ti"- yo' mho' nyid boem wa zi nghoid.