1 TIMOTHI 2:6 - Lacid Common Language Bible

⁶ Nyang: gi byumyu" bain' sho' mo, ri khyoid yu wa shid re" nya: gung du: ri nyang: ab, byid: pyam' bye. Hau: zigi ayo, ju" lang" ngoonu" byu xangsu yug khang" moo" ri khyoid yu nau da" sag si: toin" shid' to" zi nghoid.

1 TIMOTHI 2:6 교차 참조

YOBA 33:24

Moug: lagyoo: gi nheig yu" khyeug wigi nyangnu" ri «Nhang: kaid we'. Nyangnu" gi moovo moug: khyoo: gyoo" loo" ca" wa zi anghoid. Nyangnu" ri nhang: kaid wa shid re" aphoug" hid: moo: nghoid» ga: tid abe.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

MARKU 1:15

Ayo, byeung" bye- Mangso mungdain ju" ri" bye- nanu" da" youg: mo yooboo mo lheung: lho ngeib: ludang: ri loem" jeing" loo: ge'

MARKU 10:45

Khasu" wim ga: ri byu nya: zoo: lang" ri subi" ri join, zoo: wa shid' mo ju" re" zi anghoid- subi" ri bo pang zei: wa ziyo' byu myoo" sho' khyoid' yu wa shid re" nya: kang: so' ri byid: pyam wa ga: ju" re" zi nghoid- ga: tid.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

Roma 16:26

Nghoidloug we' Akhid" uri hau: tarha" gi Lapi yi da" jhoem: dang: khyo" wigi bang myang thu' loo nhang: abye:. Byumyu" bain sho' mo gi Mangso: da" mungdang: ri yo" tam" gyo: lo boem wa shid' re" apyaid' atoo: dei nyid da" Mangso: amyeing" yo" dakhyoo" ti" hau tarha" ri tid fu" kaid' bye.

Roma 5:6

ngoonu" gi nheig nhei: yoo ayoo" wim nyid da u" ri Khristu gi Mangsoo: khyen: to" ayo, akhyeing: moo akhyeing" ashoeb' mo da" shid' re" shid: kham bye.

1Korinthians 1:6

Ngoonu" kho" kyo" kaid da" Khristu da" khyoo: ngei bu: ludang: gi ri- nanu" moo: geing: geing: teing teing agyi: zoug jo, bye.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

GALATI 1:4

He: da" pyaid mo akhyeing" ashoeb khyoo: mo ngoonu" ri yo" khyoid yu baja"- ngoonu" da" Phoo Mangsoo myid vho: ziyo' dakhyoo" tam" gyo: zoore"- ngoonu" da" youg: noo yoobo shid mo Khristu gi nya: gung du: nyan: ab, byid: pyam' bye.

GALATI 4:4

Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-

Ephesu 1:17

Nanu" Mangsoo ri je" se' loo goo" baja"- nanu" ri phajhi" boo nhang: lho: Mangsoo khyo" yo" pang shug da" Venyi nanu" ri byid: wa shid re" phung" yoeb, bo da" phoo- nanu" da" Aseing Yesu Khristu da" Mangsoo moo ngoo mho' nyid.

Ephesu 1:7

Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.

Ephesu 3:5

Lai loo" bye: da" ayo, joem moo he: no, thang da" khyoo: byu xangsu: yi ri atid kyo" yu" shi"- Nghoid loug we' Mangsoo gi akhid" nya: da" gyeungshang: lagyoo: yi yo' Lapi: yi ri hau: venyi khyo" wigi pang shug byid: bye.

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

2 THESALONI 1:10

Aseing: gi nyang: doem ju" re" da" bidnyid moo nya: byumyu" yi dangain" bang: da" shid' moo myonhoo: phung" yoeb, ri we' shau" kham: yu boem wa nghoid- ngoonu" kho" kyo" da" mungdang: ri nanu" loem" jeung" nyid boem bye: yoomo Aseing: ri coung" nghei myonhoo: byid: da" jang" moo nanu" we' bo boem bye.

1 TIMOTHI 6:15

Dayug kyeing" nghoid lho: myonhoo: phung" yoeb, bo wigi vhoeb, khang" nyid da" kho: kham" yi tho' mo khokham" Aseing: yi tho' mo Aseing:- Mangsoo gi ayo, akhyeing: ju" lang" Aseing Yesu ri dalheing: doem thu' myang: loo wa zi nghoid nyid.

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

TITU 1:3

Ayo, bidnyid khyag byid: da" hau: apyaid ato: kangso' ri nya: mungdang moo pang shug to. Hau: mungdang: gi ngoori ab byid: bye: yoomo yha" da" khyoid yu Aseing: pyeung: to" Mangsoo mungdang: yo' dakhyoo" ti"- hau khyoo: ri ngoo kho" kyo" nyid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 9:12

Khristu gi gyeungshang: da" joyoo khoug: khyoo: - pyaid mo too: mo shid re" dalheing: dam- bain' sho' vang lo" da" uri xoin" ngei" byid: wa shid' re" shoobaid' suid"- nujung lo: suid" ri aci: vang loo" loo: za: Nya: da" suid" yo' vang lo" wigi ngoonu" shid re" apyaid' atoo: mo khyoid yu khyoo: ri yo" yu nhang: bye.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.