1 TIMOTHI 2:4 - Lacid Common Language Bible

⁴ Nyang: gi byu dangain" mo, khyoid yu zi shau" lho: hau: deingmain" da" khyoo: ri se' loo wa shid re" vho: ngei nyid khyoo: nghoid.

1 TIMOTHI 2:4 교차 참조

ESAIA 45:22

«Mougmyid tho' mo byu yi we"- akhid" nga" jhang" lheing: lo wigi khyoid yu khyoo: ri kham: yu ge'. Ngoo dayug za: Mangsoo nghoid.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 55:1

Aseing tid zigi «Gyid shid bang: yugkhang" moo" we' ri" ge' gyid hid: moo: jo,. Ngei ayoo" bang: we"- ri" ge'. Shivoo: qei wigi zoo: ge'. Ri" ge'. zabyid yhid: yo' nunoug" re" qei shug ge'. Hau: zigi nanu" shid re" ce: aphoug" aca" nghoid da:.

EZEKIEL 18:23

«Akhyeing" su: shid: ziri" ngoo yu" gau nyid ein: nanu" jhoo: go" rhe"» ga: Yoem: moo" bo Aseing myid:. «Anghoid- nyangnu" nheigloem: thid wigi dei nyid ziri je da myang nau.

EZEKIEL 18:32

Yoem: moo" bo Aseing tid zigi «Ngoo gi hang" dayug ri we' ashid: nhang: nau. Nanu" yooboo mo lheung: tau" lo wigi kangso' dei nyid ge» ga: tid.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

HABAKU 2:14

Nghoid loug we' panglai moo gyid yo' byeung" jo, ziyo' dakhyoo" ti" myid jang gi Aseing da" myonhoo: phung" yoeb ri se' da" lasi laleug yo' byeung" shoin: loo" wa nghoid.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

MARKU 16:15

Houg: lang" Yesu gi nyangnu" ri- nanu" moug: myid goin" goem: sho' yhe: lo" wigi myu" cang: joeb sho' mo, ri hau: ngei bu: lu dang: kho" khyoo" ge'.

LUKA 1:77

Aseing: Mangso da" byu phung: ri yooboo khyoid pyam byid: lho: khyoid yu da" khyoo: ri kho" kyoo" wa zi nghoid.

LUKA 14:23

Yhoem: seing: gi soo" yo voogung khyi, khang" moo" khyoo: yhe: lho: nga" yhoem: byeung" sho' Byu ri agyoo: akhyoid khe: shu" loo ge" ga: tid kaid.

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 17:17

Houg: bang: ri deingmain" mungdang: khyo" wigi re" da" shid' re" goo" zu: xen, nyheing too" we' re" da" mungdang: gi deung main" da" khyoo, nghoid nyid.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

Roma 11:14

Ngoo gi ngoonu" byumyu" yi ri no" zo: da" byu nheigloem: ri kaid' byid khyo" hau bang: khoug: mo dayham" gi khyoid' yu khyoo: yo" shau" yu boem wa.

1 TIMOTHI 4:10

Xangsu" byu yi dangain" mo, yo,- je" wigi loem" jeing" mo, ca" khyoid yu Aseing: nghoid nyid da- dadei nyid da" Mangsoo gi ngoonu" da" myid yu" joyoo nghoid yoomo ngoonu" moo" zei: jid: ne: lo" da" jang" moo gye" yoem: kaid' nyid boem.

2 TIMOTHI 2:25

Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

2 TIMOTHI 3:7

Jhau" mho' khyoo: ri kham: yu wa shid re" kha: nham, we' vhongei yoem: kaid' nyid boem nghoid loug we' nyangnu" gi hau" deingmain" da" khyoo: ri se' jhang: jang" khyoo: kha: nham, we' ayo" ju" loo, lo: boem.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

TITU 2:11

Khasu" wim ga: ri Mangsoo gi byumyu" bain sho' bang: ri nya: da" khyoid' yu jeju" ri thoin" pang ci: shug bye.

HEBRE 10:26

Khasu" wim gari nyangnu" gi hau deingmain" khyoo: ri bain' se' gyo: kham: yu thang: ri yooboo ri zhoogyi: gyi: dadoem koid nyid boem nghoid rigi ngoonu" da" yoobo shid re" to' byid: wa da" xoin" gootu: jo, loo: wa zi anghoid.

YAKU 3:14

Nghoid loug we' gyeing" nyang: ga: rigi nanu" da" nheigloem: khoug: moo no" zo nheigloem:- nheig yo: da" nheigloem: yo' nya: akyu" za: shoo: nau ziyo' nghoid boin: phau: khuang khyoo: yo' za: byeung" jo, nghoid rigi hau: deungmain" da" khyoo: ri shoid vhang: khyo" koid nyid zi nghoid.

2PETRU 3:9

Byu dayham: bang: myed ziyo' dakhyoo" ti"- Mangsoo gi nyang: dang: soo" khoin" byid: too": bye: ziri cang" zei: pyeung wa shid re" ayo' ri lang" lho: nhe" nyid zi anghoid. Nghoid sho' loug we' byu xangsu: dangain" mo, youg: noo yooboo mo lheung: lo wigi hang" we' byo, yoin" lo" zi ashaoug" baja" ga: nyang: vho: nyid yoomo nyang: nanu" tho' moo gyi: sheung: da" nheug loem: toin: shed; nyid.

2 Yohan 1:1

Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.

Pang Shug 14:6

Hau: thang: rimoug: myid mungdain loem: khang" moo" moo nyid da" myeing" acang: joeb, bang:- byumyu" acang: joeb da" bang: ri tid fu" kyoo" wa shid re" apyaid' atoo: mo ngei bu: lu dang: gi ri ci: lho: moug: laid' moo dang: lheung: nyid da" moug: lagyoo: gootu: ri ngoo myang.