1 TIMOTHI 2:1 - Lacid Common Language Bible

¹ Hougsu" nghoid yoomo dangain" mo, da" shid' moo-byu bain' sho' bang: da" shid' re" Mangso jang" moo akyu" mho' xo' byid: da" khyoo:- mho' tung" bain: byid: da" khyoo: joem yo' jeju" ri coung" byid: da" khyoo: dakoid nyid boem wa shid re" doin: nyheun" yoem: byid: kaid.

1 TIMOTHI 2:1 교차 참조

EZRA 6:10

Nyangnu" xoin" yo" ngei" wigi hau: ziri mougkhung: mungdain: mo Mangsoo yo" khab' yu wigi ngoo yo' nga" zoo: yiri mainkaid byid: wa shid re" akyu" mho' byid: baja" hau: ziri koid nyid we'.

COUNG" NGHEI 72:19

Nya: myonhoo: phung" yoeb yo' byeung da" voolang myeing ri apyaid atoo: moo: ju" sho' dacoung" nghei nyid we'. Nya: da" myonhoo: phung" yoeb gi moug: gyab goin" jang" moo: byeung" shoin: loo" baja" o". Amen. Amen.

YEREMIA 29:7

Ngoo wigi thung: byu khyo" nanu" ri yhe: nhang: da" joyoo mo voogung joem shid re" ge da" moo" koid we'. Nyangnu" gungthid ngoo ri akyu" mho' ge'. Ciwim gari nyangnu" yoo" zoo: yoo" shug lo ri nanu" we' yoo" zoo: yoo" shug wa.

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

Roma 1:8

Yesu Khristu ri nanu" Loem jeung" da" khyoo: gi Moug myid gyab goin" fu" nheing loo" yoomo - ngoo gi nanu" dangain" shid' re" - Yesu Khristu khyoo: ngoo gi nga" Mangsoo: ri xang: shid" coung" nghei" nyid.

Roma 6:17

Nanu" gi dalheing: ri - Yoobo join koid' yu" nghoid loug we' akhid" gi jhau" mho' khyoo: ri tam" gyo: loem" jeung" da" deing byeung" khyoo: ri nheigloem: ung: khoug: dangain" yo" nanu" kham: yu bye: yoomo ngoo gi Mangso: da jeju" ri coung" nghei" nyid.

1Korinthians 15:3

Khasu" wim gari- ngoo kham: yu bye: da" akhyag thang da" khyoo: joem ri- ngoo nanu" ri tid kyo" kaid bye- Hau: khyoo: gi jhoem: mungdang: moo: lhid" to" ziyo' dakhyoo" ti" Khirstu gi ngoonu" da" youg: noo yooboo shid mo shid: kham: byid: bye.

2~KORINTHU 8:6

Hougsu" nghoid yoomo xang: shed" mo yoovoin, yu zei: so' nyid bye- Titu ri he: alu yo' sen: lho: nanu" da" goozu: zen' to' nung" byid: da: moo" bain sho' nanu" ri pang" thoug nyid baja" ngoonu" gi nyang: ri joug jhoin" nyid.

Ephesu 3:13

Hougsu" nghoid yoomo ngoo nanu" ri mho' sang: nau- ngoo gi nanu" shid re" sho" jhen: jam jau kham nyid yoomo nheigloem: moo agyug yoem: ashoin:- hau: khyoo: joem dangain" zigi nanu" da" akyu" shid re" danghoid nyid.

Ephesu 5:20

Nanu" da" Aseing Yesu Khristu da" myeing ri lang: lho: khyoo: khaid gu: khang" moo" moo phoo Mangsoo gi khanham we' jeju" boin: coung" nghei nyid ge'.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

PHILIPI 1:3

Nanu" da" khyoo: ri ngoo myid boin" soin: yu" nyid ayo, dangain" jang" moo_ Mangso jeju" ri ngoo coung" nghei nyid.

PHILIPI 4:6

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

1THESALONI 3:12

Nyang: cang" nyang: da" atho' moo we' byu gooji yi dangain" bang: da" atho' moo we' nanu" to" to" da" jheddab nheigloem: gi je je gyi: lo wigi Hau: da" jheddab nheigloem: gi nanu" da" atho' moo ngoonu" to" to" da" jheddab nheigloem: yo' dakhyoo" ti"- gyi: loo wa shid' re" - Aseing: gi nanu" ri pang" thoug byid: baja" o.

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

1 TIMOTHI 2:4

Nyang: gi byu dangain" mo, khyoid yu zi shau" lho: hau: deingmain" da" khyoo: ri se' loo wa shid re" vho: ngei nyid khyoo: nghoid.

1 TIMOTHI 5:5

Lo, ti" phyeug lhoo: nyang: ri yu" goin, coung: wa byu hang" aboo lo: da" cougmoo" myhi, gi Mangsoo ri myid' loin" nyid ziyo' nyid" ri myen" ri akyu mho' nyid wigi Mangso pang" thoug wa ziri vho: ngei nyid.

2 TIMOTHI 2:24

Hau" Aseing: da" dei zoo: yug koem gi myeing" myoo: yhoo: she: khyoo: age koid loo: za: nyang: gi byu dangain" ri nheig se' khyeug ziyo' nheigloem: sheung; wigi se' jhoug" se' mhoo, byid: da" sara: nghoid ca".

TITU 2:11

Khasu" wim ga: ri Mangsoo gi byumyu" bain sho' bang: ri nya: da" khyoid' yu jeju" ri thoin" pang ci: shug bye.

TITU 3:2

Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

HEBRE 6:11

Ngoonu" myid vho: nyid da" khyoo: zeing gi nanu" nheig byu nyid boem da" khyoo: byeung" joeb, lo da" jang" moo ju" sho' yug khang" moo" gi nyang: nyang: vho: ngei nyid da" khyoo: ri za: lo" thang moo ju" sho' geung: teung jo, nhang: wa shid re" nghoid.

YAKU 5:16

Hougsu" nghoid yoomo nanu" gi nyang: cang" nyang:- nyang: nya: da" yooboo ri tid thu toung" pain go" lho: dayug shid re" dayug- akyu" mho' byid: go" nyid ge'. Houg: su" koid lang" nanu" da" noo phyoo" jamjau mo ge yang" zain: loo wa zi nghoid. Deungmain" su: da" akyu" mho' yoid thui: gi yo" bue" loo" nhang: da" yoem: myoo" sho' bo nyid.