1 TIMOTHI 1:9 - Lacid Common Language Bible

⁹ Gyeing" nyang: ein: rigi ngoonu" se' gyo: too" ca" da" khyoo: gi hau: toung: to" da" tarha" gi byugi yi shid re" anghoid. Tarha" ri shoid nyid mo, yo' yooboo yoo" bang:- Mangsoo ayoo" mo, yo' yooboo dab, bang:- loem, khau: da" noku thung ri acang bang:- loem" jeung" khyoo:- hougsu" anghoid lang" gi Venyi khyoo: moo nheigloem: aboo mo, nyang: nya: myhi' phoo yi ri said' pyam' bang: yo' byu ri said' mo,

1 TIMOTHI 1:9 교차 참조

2 SAMUELA 16:11

David gi Abishai yo' nya: gyizoug: yi dangain" ri «Nga" zoo: nyang: ngoo ri said wa ga: yoem: kaid yen" zi nghoid yoomo he: Benyamin byu yiri ciwim wigi moug" cang boo wa lha"- Aseing nyang: ri nheing" nhang: zi nghoid yoomo nyang: ri kyeing" to" to" wigi nau khyo" nheing" nyid baja".

2 KHOKHAM 19:37

Danyid" ri noku yhoem: khoug: mo nya: yu phara" Nisrog ri nyang: no' nyid uri. Nya: yuggi zoo: eig tang: nghoid boem da" Adrameleg yo' Sharezera tang: gi nya: tang: da" shamcoin" yo' nyang: ri said pyam ago". Hau: thang: Ararad mung" khyoo: phang: loid lo" ago". Nya: yuggi zoo: gootu: dayug nghoid da" Esahadon gi nya: khoo: moo: khokham xo' koid da:.

2 KHOKHAM MHOOMYID: 32:21

Aseing gi moug: lagyoo: dayug ri nhang: kaid lho: Asuri gyidab mo gyizoo: yi yo' gyizoug: yiri said pyam da:. Houg: yoomo khosen phoo gi Asuri mung" khyoo: sho' phu" wigi tau" lo" da:. Danyid" ri nyang: gi nya: yu phara" no' yhoem: moo nyid nyid uri nya: yuggi zoo: yi dayham" gi nyangnu" da" shamcoin" wigi nyang: ri said pyam boem.

THU' LO" MOUGSOUG" 20:13

Byu asaid goo".

THU' LO" MOUGSOUG" 21:14

Nghoid loug we' byu dayug gi nheig yo: wigi byencang" ri pa: yhi: said pyam nghoid rigi kangso' loid wa shid re" nga" phoin: khyoo: tang" loo nghoid loug we' nyang: gi said pyam zi shoug" ca" da:.

DANG: ZHOEM 20:20

Re" da" myhi' pho, tang: ri nang nheung" nyid nghoid rigi re" kangso' ri moug: coid khoug: moo: shid: byoug da" myibung: yhang: ti thang loo wa zi za: nghoid nyid.

DANG: ZHOEM 28:17

Byu said da" yooboo yoo" su: gi nyang: nya: da" loeb duang: ri yo" myab, yhi mo, du: nyid su: nghoid. Nyang: ri ayhe: toem, pyam, go

DANG: ZHOEM 28:24

Nya: myhi' nya: pho jang" mo khau" yu zigi ashoid ga: myid su: gi khoug" foeb joem yo' dakhyoo" ti" nghoid nyid.

DANG: ZHOEM 30:11

Nya: pho, bi" ri nheung" lho: nya: myhi' bi" ri phoug" ase' tab da- byu dayham" nyid nyid ago".

DANG: ZHOEM 30:17

Nya: phoo ri yinoug tu' pyam, lho: nya: myi, mang: lo" ri anoug ashoo" koid su: hang" nghoid loug we' join yu joem wigi phyo' zo: pyam wa zi moin: yi" nyid. Anghoid lang" gi nya: myojid" ri kano, joem wigi thei" phoug pyam, byid: wa zi moin: yi nyid.

YEREMIA 23:11

Aseing tid zigi «Lapi: yi yo' khainjung yigi Mangsoo aboo nghoid ago". Nyangnu" Noku Yhoem: Moo" moo nyang: akhyeing" zi koid nyid ziri ngoo myang bye:.

EZEKIEL 21:25

«Israela da" akhyeing" ziyo' agyeungshang: da" vhoebkhang" su: nang we' re" bidnyid nang ri yooboo dam byid: wa lo" thang bidnyid ju" lo nyid bye:.

XOIN" NGEI" 20:9

Aseing gi vhoo: moo: tid to" da" thung" ri: joem ri byid: too" bye:. Nya: myhi' yo' nya: phoo ri nheing" su: hang" ri nghoid loug we' said pyam zi shau" wa. Nyang: shid: zigi nyang: moo yoovoin bo da:.

MATHE 10:21

«Hau: uri gi nya: mang: nya: nhung" nyang: cang" nyang:- said' pyam' wa shid re" ab pyam' go" loo wa zi nghoid. Nya: myid: nya: zoo: yi we' myhi, phoo yi ri gyikoid lho: - said' pyam' lo boem wa.

Roma 1:30

Dang: soso' subi" myo nhoo: shoem: nhang: Mangsoo: ri we' ngheung" avhoo: mo nghoid. Nyang: cang" nyang: juang" go" - nghoid boin: yung" thui: gyo: - phau: fain" vo: ngeig se: subi" ri aphoug"- age khyoo: aja: ja: ri - nyheing soin: zei so' se' boem. Nya: myhi' nya: pho dang: ri we' atam" gyo: boem.

Roma 4:13

Mangsoo: gi Abraham: yo' nya: zoo: yi ri mougmyid ri shau" seing: wa ga: dang: soo" byid: to" - hau: dangsoo" gi Abraham: Moshe tarha" ri cang nyid yoomo anghoid. Ciwim gari Mangsoo: ri loem" jeung" yoomo nyang: ri deingbyeing" su: nghoid ga: Mangsoo: soin: yu yoomo nghoid.

Roma 5:20

Shoid' vhang: moozoo" je myo: loo wa shid' re" Moshe tarha" gi ju" vang loo bye. Nghoidloug we' yooboo myo: lo joyoo mo Mangso: jeju" gi je myo: loo bye.

Roma 6:14

Yooboo gi nanu" da Aseing anghoid loo- khasu" wigi nanu" gi Moshe tarha" vhoo moo anyid loo: Mangso: jeju" khoug: moo nyid mo danghoid lo.

GALATI 3:19

Hougsu" nghoid rigi toung: to" da" tarha" myid yeung to" khyoo: gi-ce: noem nghoid nyid lha". tung: to" tarha" ri Mangsoo loung: kaid' too" byid: da" khyoo: gi shoid vhang: lo" da" khyoo: ri toin" shid' wa shid re" nghoid wigi hau: zigi dang: soo" to" da" Abraham da" nya: myid: nya: zoo: aju" ri" shi" da" ayo, gyoo: moo ju" sho' geung: teung jo, wa shid re" nghoid nyid Hau: toung: to" da" tarha" gi moug: lagyoo: yi da" lo, mo wigi lhed: kaid' byid: da" agyo: byu dayug khyo" wigi byid: bye.

GALATI 5:18

Hau: venyi gi nanu" ri shu" vhu" she: lo" nghoid rigi nanu" gi hau: toung: to" da" tarha" khoug: moo nyid mo, anghoid loo.

GALATI 5:21

Aloem" athoo: koid khyoo:- yhid: shug yhed khyoo: zoo: pyoo: shug bu zoo" re" youg: sho: avoid avhu: koid khyoo: yo' houg: yo" du go" da" khyoo: nghoid nyid Hidsu" koid nyid bang: gi Mangso mungdain da" agyid asoo: ri yo" kham: yu wa zi anghoid- ein: shid' phyang" tid kyoo" bye: ziyo' dakhyoo" ti"- akhid" we' nanu" ri ngoo tid nyid.

GALATI 5:23

Khyo, nyhoem: ziyo' nyang: nya: da" nheigloem: ri yo" khang" khyoo: nghoid - he: khyoo: ri yo" toem, too" wa zigi ce" tarha" moo we' aboo.

TARHA" TID POIN" 27:16

«Nya: phoo anghoid lang" nya: myhi' ri sho' phu" nhang: su: hang" nghoid loug we Mangso nheing" khoin" zang" baja". Houg: lang" byumyu" yi dangain" gi ‹Amen› ga: tu" wa zi nghoid.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

1 TIMOTHI 4:7

Nghoid loug we' Mangsoo yo' asen: khyo" tid wa zigi ce" akyu" we' aboo. mhoo: myid: byuxeig shab, khyoo: ri jang" pyam lho: nyhang" nya: da" kangso' dei yhe: lo" khyoo: moo tarha" phau" cang da" khyoo: ri gyi: sheung: yang" deung loo" nhang: we'.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

2 TIMOTHI 2:16

Mangsoo yo' gang: go" loo" nhang: da" avoid avhu: anyhoin: athoung" moozoo" koid ziyo' akoo" afang: ga: tid da" dang: ri jang" pyam' nyid we'.

2 TIMOTHI 3:2

Byu yi gi nyang: nya: da" akyu" ri za: shoo: mo, myo, no, vhoo: boo mo, nghoid thui: gyoo: mo, nheigloem: myhang: phau: khuang mo, za: bue" loo wa. Nyang: nu" gi juang" yi gei sang: yen" mo, myhi, phoo ri thougtheung mo, - jeju" ase' boin: mo, noku loem, khoug: khyoo: ci: aboo mo, bue" lo boem wa nghoid.

TITU 1:10

Khasu" wimgari- byu myoo" sho' gi gooji yi ri nyangnu" gi akhyoo' abo da" dang: join, joem yo' tu: phoug tu: lhoin" lho: mhau' fain" jhu, phyo' yen" ago". Je" je, gi Yuda noku thung" mo phug lheug vang loo mo, nghoid boem ago".

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

TITU 1:6

Hau: phung: ludaid phoo gi ce: yooboo aboo su- myi: dayug za: yoo" su- nghoid ca". Nya: zooyi we' loem" jeing" bang: nghoid ca". Kyang: da" aved asam" yo' dang: atam" gyo: da" khyoo: moo myeing thu da" zooyi age nghoid.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

HEBRE 11:31

Loem" jeung" ziyo' shava myhi, Rahab, gi Israela dab, mo jooyu" mo, ri si' go" khyo" lhoem: zoem" khau: kham yu yoomo Mangsoo ri atam" gyo: da"-yooboo yo" mo, ri said pyam' da" jang" moo abo shid:.

HEBRE 12:16

Aved age ziyo' Venyi laloem lakhoug: abo mo, voem: damyo: da" shid mo nya: mang: mo" aya: ri ung" zo: pyam da" Eso" yhang: ti"- nanu" hang" moo we' abui" baja" zed" nyid ge'.

1PETERU 2:7

Loem" jeung" mo, nanu" shid re" gi hau: lug moo" boem, gi gye" phau" zi nghoid. Nghoid loug we' aloem" ajeung" mo, shid re" gi lug yhoem: zhug mo, khyen: lhei" to" da lug loem" gi yhoug: gyen: thang da" yhoem: jhoin: mo geung: teung da" lug. Loem: bue" loo bye.

1PETERU 3:20

Hau: da" venyi joem gi No-a sangphoo' yhoem: zhug nyid uri Mangsoo gi nheigloem: sheing: sheing: lang" nyid da" ayo, moo nya: mungdang: ri atam" gyoo: mo, da" venyi joem nghoid. nghoid loug we' gyid mo yo" khyoid yu mo, gi sangphoo' khoug: moo dajhi' za: date: bo lho: nghab shang ein: rigi shed' yug za: date: nghoid.

1PETERU 4:18

Jhoem: mungdang: moo tid to" ziyo' dakhyoo" ti"- gyeing" nyang: byu gi, yi lang" khyoid yu zi shau" wa yau: nyid nghoid rigi Mangsoo abo da" yooboo dab, da" byu yi tho' moo gi khasu" bue" loo wa lha".

YUDA 1:15

Byu yug khang" moo" ri we' Mangsoo ci: phyoug pyam da: dang: tid mo, ri we' yoobo dam kaid' wa shid re" ju" ri" wa zi nghoid.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".