1 TIMOTHI 1:7 - Lacid Common Language Bible

⁷ Nyang: nu" gi Mangso tarha" ri jhoug" byid: mo, bui: nau boem nghoid loug we' nyangnu" gi gye" jo, boin: lho: tid nyid da" dang: khoin" joem ri lang" gi nyangnu" ase' gyo: boem nghoid ago".

1 TIMOTHI 1:7 교차 참조

MATHE 15:14

Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

MATHE 21:27

Houg: su" nghoid yoomo nyangnu" gi «ngoonu" asi» ga: zheung: phougtu" ago". Houg: yoomo Yesu gi «ngoo koid da" moozoo" ri we' hang" da" akho akhang" khyo" koid ziri ngoo we' nanu" ri atid kyoo" wa» ga: tid.

LUKA 2:46

Nyang: gi Yuda sara: moo" yi yo" dage" zhoung: jo, lho: nyangnu" da" tarha" mungdang: ri tam" gyo: wigi nya: nu" yo' doem myed: phoid: go" nyid lang.

ACTS 15:1

Byu dayham" bang: gi Yuda mung" mo zi Antioki voo moo zheung: ju" re" boem lho-loem" jeing" bang: ri nyangnu" gi Moshe da" tarha" yo' dakhyoo" ti" shooyid' thang: yham" zi akoid boem nghoid rigi khyoid yu zi ayo" shau" ga- yhe: jhoug" byid: shed" lo" ago".

Roma 1:22

Nyanu" tid zi gi - nyang: nya: da" gung ri - phajhi" bo ga: myid boem: nghoid loug we' - ce: phajhi" we' abo mo nghoid boem.

GALATI 3:2

Hau: Mangso da"Venyi ri nanu" yo" yu bye: zigi toung: to" da" tarha" ri nanu" yo" cang pyeing yoomo nghoid go" la". Hougsu" anghoid lang" ngei bu: lu dang: ri shaug" gyoo: yoomo tam" gyo: lo jang" mo nghoid la". hau: khyoo: dakhaid za: ngoo nanu" da" nhoid, mo, shaug" gyoo: nau.

GALATI 3:5

Mangsoo gi hau: Venyi ri nanu" atho' moo gyoo" ri nhang: lho: wigi mau" pho" alhoo: again joem ri toin" shid byid: zigi hau: toung: to" da" tarha" ri cang pyeing yoomo nghoid la". Hougsu" anghoid lang" hau: ngei bu: lu dang: ri nanu" shau" gyo: lho: loem" jeung" yoomo bue" lo zi nghoid la".

GALATI 4:21

Toung: to" da" tarha" khoug: moo nyid noug bang: ri ngoo myid: yu" shi" ba'- nanu" gi hau: toung: to" da" tarha" moo amyeing" byid: to" da" khyoo: ri agyo: yu" goo" la".

1 TIMOTHI 6:4

Nya: gung ri nyang: nghoid boin: phau: khuang lho: wigi ci" asi su: nghoid. Nyang: gi dang: tid jang" moo ngei goo" wa shid re" myeing" myo: lho: byo, goo" wa shid re" age nheigloem: boo su: nghoid. Hau: tho' moo gootu: houg: su" koid yoomo noo" goo" zoo, go" da" khyoo:- phung kho' go" khyoo:- anoo: ayab, loo: ngeug byo, go" khyoo:- aphoug" amyang: loo: gei, yu" go" khyoo:- age da" aloem" atho: khyoo: ze thu' loo nhang: nyid.

2 TIMOTHI 3:7

Jhau" mho' khyoo: ri kham: yu wa shid re" kha: nham, we' vhongei yoem: kaid' nyid boem nghoid loug we' nyangnu" gi hau" deingmain" da" khyoo: ri se' jhang: jang" khyoo: kha: nham, we' ayo" ju" loo, lo: boem.

YAKU 3:1

Nga" da" mang nhung" yi we"- Sara koid mo, nanu" gi taraha" dang: phyed da" khyoo: byu gooje tho' moo je" shau" wa ziri se' nyid ge'. Houg: yoomo nanu" yug khang" moo" sara ade: koid nau nyid goo.

2PETRU 2:12

Nghoid loug we' he: da" byu yi gi kuang myheug yu lho:-said' pyam wa shid re" nyid yen" da" goug: nyhoug lam: joem yhang: ti"- nyangnu" lang" ase' da" khyoo: ri ung: khoug: nheugloem: yo' juang" yi rue" nyid moo" zei: ago". Nyangnu" gi kyang: da" goug: nyhoug lam" joem ri yhang: ti"- lhu: phyo' lhu: shoin' pyam zi shau" boem wa nghoid.