1 TIMOTHI 1:5 - Lacid Common Language Bible

⁵ Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

1 TIMOTHI 1:5 교차 참조

COUNG" NGHEI 24:4

Asam" aved ge lho: nheigloem: phyu: wigi soolhoo: joem ri ano" ziyo' ajo da" dangsoo" abyid: su: yo" loo" wa zi nghoid.

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

YEREMIA 4:14

Yerusalem we" nang khyoid yu shoug" wa shid re" re" da" nheigloem: khoug: mo akhyeing" ziri cid" pyam we'. Nang gi khamyhang myang" sho' yooboo moo" ri xo' myid nyid wa la".

ZEPHANI 3:7

Hougsu" wim loo lang" nga" byumyu" yigi ngoo ri gyoug phau" lo boem wigi ngoo byid: to" da" tarha" ri phau" cang loo goo" wa. Nyangnu" ri ngoo jhau" byid: da" khyoo: joem ri we' khanham we' ato" myhid loo: goo" wa ein: ngoo lhoung myid nyid nghoid loug we' nyangnu" gi goonham' yo' dakhyoo" ti" age da" byunyid khyoo: moo danyid ago"» ga: tid.

MATHE 12:35

Ge da" byu gi nya: zi gi kaid to" da" boin" mo ge da" zi ri shau" thoid yu da:- akhyeing" ashoeb su: gi nya: da" akhyeing" ashoeb zi kaid to" da" boin" mo age zi za: dashau" thoid yu nyid.

MATHE 5:8

«Nheugloem: yung" mo, gi ngilho' boem wa. Khasu" wim gari nyanu" nyang: gi Mangsoo ri shau" myang boem wa.

ACTS 15:9

Mangsoo gi ngoonu" yo' Tungboug yi da" agyoo: moo gootu: akho' too" nghoid da- nyng: nu" we' loem" jeung" lo boem bye: yoomo Mangsoo gi nyangnu" da" yooboo dangain" ri we' khyoid pyam' byid: bye.

ACTS 23:1

Polu gi Yuda tarha" yabdo, goin" bang: ri yu" zhug to" lho: Nga" mang: nhung" Israela byumyu" yi we" - akhid" nyid" ju" sho' ngoo gi Mangso da" shid' khoin" moo nheigloem: gyeing: gyeing: za: kang: so' dei, lid loo bye- ga: tid.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

Roma 10:4

Houg: yoomo - Khristu gi tarha" pyaid ri thang loo" nhang: bye nghoid yoomo Aseing: ri loem" jeung" mo dangain" ri - nya: da" shid' khoin" moo deingbyeing" mo bue" loo wa da" akhang" ri Mangsoo: byid: bye.

Roma 12:9

Nanu" da" jheddab nheigloem: moo ayid void khyoo: dajhi' we' age boo.Nanu" gi anyhoin: athoung" da" khyoo: ri ngheing" lho: wigi ge' lho' da" khyoo: ri vho: ngei nyid ge'.

Roma 14:15

Gyeing" nyang: ga ri nang gi nanyang: zo: nyid da" zoo: noem yoomo mang: nhung" dayug yug nheigloem: byo loo" nhang: nghoid rigi - hau: yug ri nang ajhed' dab zi lo" eung: - hau youg shid' re" Khristu gi shid: kham: byid: too" bye yoomo zoo: noem daja ja: nanu" zoo: yoomo hau: yug da" akyu" ri aze" jhoem" pyam' byid.

Roma 9:1

Ngoo gi Khristu yo' nyid. Ngoo amhoug - main" da" dang: ri tid. Ngoo main: da" dang: ri da tid da" khyoo: gyeungshang: da" Venyi: vhoeb' khang" khyo" wigi nya: ung: jeung" nheigloem: gi thangcab nghoid.

1Korinthians 13:1

Ngoo gi byu da" dang: yo' mau lagyoo: yi da" dang- aja" ja: se' tid nghoid loug we'- jheddab nheigloem: abo rigi- baid' myheung da" mang" thui: yo' myeing tei" to" da" shab, sheing: yo' dadu nyid.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

TARHA" TID POIN" 10:12

«Akhid"- Israela byumyu" yi we"- nanu" Aseing Mangsoo nanu" mo ce: ja: mho' da: ein: ziri tam" gyoo: ge'. Aseing ri ngi: shab byid: lho: nyang: amyeing" byid: da" ja: dangain" ri koid nyid ge'. Nanu" emyed nheigloem: dangain" yo' Jheddab wigi dei byid: nyid ge'.

1 TIMOTHI 1:18

Nga" zoo: Timothi we"- lid loo bye: da" ayo, moo nang ri zhoo: gyi: kho" kyo" da" lapi: dang: joem yo' dakhyoo" ti"- voin, vu, kho" kyoo" wa da" amyeing" ri ab, byid: bye- goo" lhoo: yo" zain: oung: loo" wa shid' re" Hau" lapi: yi tid to" da" mungdang: joem ri gyizi, gyikhoo: ti" daci: yhoung nyid we'.

1 TIMOTHI 1:19

Hau: tho' moo gootu: nang moo loem" jeung" khyoo: yo' gyeungshang: da" boin: gyeing: se' nheigloem: bo jo, baja"- byu dayham" bang: gi houg: yhang: te"- gyeungshang: boin: soo" se' da" nheigloem: soozoo: wigi tid poin" tid kyeung ziri atam" gyo: boem yoomo nyangnu" da" loem" jeung" nheigloem: ri lhu: phyo' pyam' boem ago".

1 TIMOTHI 3:9

Hougsu" toin" shid too" bye: da" loem: jeung" khyo: da" deingmain" khyoo: ri gyeungshang: da" nheigloem: yo' lhoem: kham: yu yu lho: loem" jeung" loem, khau: nyid mo, nghoid ca" boem.

2 TIMOTHI 1:3

Nga" phoug" phyid" yi koid yhang: ti" gyeungshang: da" e" myed yo' ngoo loemkhau: nyid da" Mangsoo ri ngoo coung" byid: nyid ngoo gi nyid" ri myen" ri akyu' mho' da" jang" moo nang ri ajang" daboin: so" nyid ziyo' Mangso jeju" ri boin: coung" nyid.

2 TIMOTHI 1:5

Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

TITU 1:15

Nyang: tu: nyang: hougsu" gyeungshang: nyid bye: bang: shid re" zi jo, moo jo, gi young" shang: jo. Nghoid loug we' nyang: tu: nyang: agyeing" ashang: mo, yo' Aseing: yesu ri aloem" jeing" bang: shid re" koem gi ce" ja: we' agyeing" ashang: zi nghoid nyid. Khasu" wim ga: ri nyangnu" da" myid soin: khyoo: yo' nheigloem: ung: khoug: gi anyhoin: athoung" zi zheung: nghoid nyid boem.

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

HEBRE 13:18

Ngoonu" shid re" anoo: ayab, loo: akyu" mho' nyid ge'. ngoonu" gi ngoonu" nya: da' phug soo" lheig myid yu" e" myed gi gyeing" gyeungshang: shang: nghoid da" khyoo: ri loem" jeung" nyid boem. Khasu" wim gari ngoonu" gi ayo, loem: khang" moo" moo deingmain" da" moo" zei: nau nheigloem: bo nyid boem.

HEBRE 9:14

Khristu da" suid" gi hau: tho' mo je" wigi yo" ced" yung" ced" lho, byid: zi anghoid goo" la". Khristu gi hau: apyaid' atoo: mo venyi yo' nya: da" gung du: ri ce" noo abo da" xoin" khyo" wigi Mangsoo ri ngei" byid: pyam bye. Dadei nyid da" Mangsoo ri ngoonu" yo" noku coung" nghei sho' Khristu da" suid" gi ngoonu" da" nheigloem: e" myed ri akyu" abo da" noku loem, khau: khyoo: moo cang lo" jang" mo yo" ced" yung" ced" shang: yu byid: bye.

YAKU 4:8

Mangso jhang yu: tain" ri" ge'. houg: lang" Mangsoo we' nanu" jhang khyoo: yu: tain" loo wa yooboo yoo" bang: we" nanu" da" lo, ri cid" pyam' ge' nheigloem: eigkoo, boo mo, we"- nanu" da" nheigloem: ri cid" shang: pyam ge'.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.

1PETERU 3:21

He: da" khyoo: gi nanu" ri akhid" khyoid yu to" da" Babtisma kham da" khyoo: ri tu, to" alhoo: nghoid- hau: Babtisma kham da" khyoo: gi gung du: mo aco' ajhoid khyoo: ri ced" pyam' khyo" anghoid loo: za: gyeungshang: da" nheigloem: yo' Mangsoo yo' dang: theung thang" cab, zain: go" to" da" khyoo: nghoid- hau: khyoo: gi nanu" ri Aseing Yesu shid: da" jang" mo doem dei to'' lo da" yoem: khyo" wigi hau: Babtisma kham, khyoo: gi nanu" ri khyoid yu bye.

1PETERU 4:8

Je" wigi nyang: cang" nyang:- gyeung" da" jheddab myid' yo' jheddab go" nyid ge, khasu" wim ga: ri jheddab da" nheigloem: gi yooboo myoo" sho' ri yo" nghoeb, pyam byid.

2PETRU 1:7

Tarha" phau" cang jang" moo mang: nhung" ri jheddab zi mang: nhung" ri jheddab tho' moo" - athang agoin zi dakaid loung: nyid ge'.

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.

1YOHAN 3:23

Nyang: ngoonu" ri byid: to" da" amyeing" tarha" khyoo: gi ngoonu" gi nya: zoo: Yesu Khristu ri loem" jeung" wigi Khristu gi ngoonu" ri byid: to" da" amyeing" tarha" yo' dakhyoo" ti"- nyang: cang" nyang: jheddab goo" ca" khyoo: nghoid.

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.