1 TIMOTHI 1:3 - Lacid Common Language Bible

³ Ngoo Makedoni mung" khyoo: yhe: lo" uri nang ri ngoo pyeung: too" kho' ziyo' dakhyoo" ti"- Ephesu voogung moo nang ri xo' nyid nhang: noug shi"- hau: khyi, mo byu dayham" shoid da" loem" jeung" khyoo: ri jhoug" byid: nyid boem. Hau: khyoo: ri nang gi toem, pyam' lho: noo: nhang: ca.

1 TIMOTHI 1:3 교차 참조

ACTS 18:19

Nyang: nu" gi Ephesu voogung moo zheung: ju" yhi: lang" Polu gi Priskila yo' Akula eig yug ri hau: voogung moo nyhed: too" kho. Hau: tang: moo nyang: gi Yuda tarha" jung khyoo: yhe: lho: Yuda byumyu" yi yo' dang: tid shi, go" nyid.

ACTS 18:21

Mangsoo myed vho: da" khyoo: nghoid rigi nanu" jang" moo doem ri" shi" wa ga: nyangnu" ri tid. Hau: thang: ri Polu gi Ephesu voogung mo lhid' gu: lho: to' yhe: loo" bye.

Roma 15:26

Khasu" wim lha" ga: ri - Makedoni mung" yo' Greed' mung" phung: byu yi gi - Yerusalem boomoo" moo zheing: nyid sho" jhen: da" Mangso: phung: byu yi ri Alu: jhung: shug yhe: di" byid: wa myid phyed' to" zi nghoid.

Roma 16:17

Mang: nhung" yi we" nanu" shau" jhau" yu da: tid poin" tid khyeing" mungdang: ri nung phug pyam' lho: subi" ri aveing" goo" nhang: da" zi - khyoo vhang: shu" vhang: loo" mo ri zid" nyid ge'. Houg: bang: ri jhang" pyam' ge'.

2~KORINTHU 11:4

Khasu" wim gari nanu" jang" moo byu dayug yug ju" re" wigi ngoonu" akho" kyo" yu" da" gootu: Yesu dayug da" khyoo: kho" kyo" da" uri nanu" gi goug goug yi yi loem: kham: yu ago". Hau: lho: nanu" gi ngoonu" jang" mo, yo" kham: yu bye: da" Venyi yo' ngeibu: ludang: ri to" pyam lho: adu go" da" Venyi yo' ngeibu: ludang: ri lhoem: kham: yu nyid goo" nhung: lha".

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

PHILIPI 2:24

Hau: tho' moo gootu: khamyhang ade: myang" ri ngoo nya: gung nyang: we' nanu" jang" moo ju" ri" wa nghoid ein:-hau: Aseing: moo myid loem nyid.

1 TIMOTHI 4:11

He: da" amyeing" mungdang: yo' jhoug" myeing" jhoug" thui: ri nyangnu" ri dajhoug" byid: nyid we'.

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

1 TIMOTHI 5:7

Nyang: nu" ri hang" wigi we' yooboo foin: jang: ajo, baja"- hid: tid to" dang: yo' nyangnu" ri tid poin" tid kyeung" nyid we'.

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

1 TIMOTHI 6:3

Hang" nghoid loug we' adu go" khyo" atoug" khyo" shoid vhang: khyoo: ri jhoug" byid: nyid su: gi ngoonu" Aseing: Yeesu Khristu da" deingmain" joeb, byeung" da" mungdang: joem yo' ngoonu" loem" jeung" da" khyoo: jhoug" byid: ziri abo cang soo" loo za:

2 TIMOTHI 1:18

Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

2 Yohan 1:7

Yesu Khristu gi byu gung shoo" void ci: lho: ju" re" ziri;- ngeug pyam' da" mhau' yen" mo, byu myoo" sho' mougmyid' gyab, goem: sho' moo thu' lo" boem bye- houg: yhang: te" da' byu yi gi;- mhau' yen" mo, yo' Antikhristu

Pang Shug 2:14

Nghoid loug we' nanu" moo yooboo foin: jang: dajhi' bo- Khasu" wim gari Israela byumyu" ri soolhoo: ri teing: byid: da" zoo: noem ri zoo: wa ziyo' avoid avhu: ein: da" youg: shoo: goo" wa shid re" Bala, ri jhoug" byid: balam: da" jhoug" myeing" moo bo cang loo" bang: nanu" moo dayham" bo nyid ago".

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.