1 TIMOTHI 1:17 - Lacid Common Language Bible

¹⁷ Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

1 TIMOTHI 1:17 교차 참조

1 KHOKHAM MHOOMYID: 29:11

Nang gi gyi: sheung: su:- yoem so' boo su:- phung" yoeb gyi: su:- khid su:- phung gyi: su: nghoid da:. Mougkhung: yo' myidjang tho' moo: jo, moo jo, gi nang seing: zi nghoid da:. Nang gi dangain" ziri vhoebkhang" nyid da" myhang: thang khokham nghoid da:.

NEHEMIA 9:5

Vhoo mo Levi byu yi nghoid da" Yeshua- Kadmiela- Bani- Hashabania- Sherebia- Hodia- Shebania- yo' Pethahia bang: gi noku coung" wa shid re" khe: yu shoug" bang: nghoid. Nyangnu" gi «To' yab lho: nanu" da" Aseing Mangsoo ri coung" byid: we'. Nyang: ri apyaid atoo: moo coung" ge'. Xangsu:- byu wigi coung" zi atham: nghoid loug we' Yugkhang" moo" gi nyang: da" phung gyi: myeing ri coung" byid: goo" baja"» ga: coung" ago".

COUNG" NGHEI 10:16

Aseing gi apyaid atoo: mo khokham" nghoid- gootu: phara joem ri no" mo, dangain" gi he: mougmyid mo byoug shang loo" wa.

COUNG" NGHEI 106:48

Israela da" Mangsoo hau: Aseing ri coung" nghei nyid we'. Nyang: ri akhid" mo zi pyaid moo: too: moo: ju" sho' coung" nghei nyid we'. Byu yugkhang" moo" Amen ein: tid nyid we'.

COUNG" NGHEI 145:13

Re" da" vhoeb khang khyoo: gi pyaid moo: too" moo: dageung: jo, lho: wigi apyaid atoo: mo khokham phoo nyang: nghoid bye:.

COUNG" NGHEI 41:13

Israela da" Mangsoo Aseing ri coung" nghei nyid we'. Akhid" mo wigi pyaid moo: too: moo coung" nghei nyid boem shang o". Amen Amen.

COUNG" NGHEI 45:1

Khokham pho, shid re" he: da" jikhoin" ri ngoo lhid" da" uri nga" nheigloem: ung: khoug: moo young" du da" dang: yo' byeung" jo. Gye" reung da" mougsoug" lhid" sara: phoo ci: da" mhug youg: yhang: ti" nga" da" yhoo: gi dang: zhoem tid wa zi jen" jen" nghoid nyid.

COUNG" NGHEI 45:6

Mangsoo nang ri byid: bye: da" mungdain: gi apyaid atoo: moo: dageung: teung jo, wa zi nghoid. Nang gi re" da" byumyu" yiri nyeung veung" da" tarha" yo' vhoebkhang" nyid wa zi nghoid wigi

COUNG" NGHEI 57:11

Mangsoo we"- mougkhung: moo: re" da" myhang: thang khyoo: ri toin" shed lho: myidjang goin" jang" moo re" da" phung" yoeb myho, nhoo: ri toin" shed nyid we' o".

COUNG" NGHEI 90:2

Boem joem ri aphain" so: too" shi" ziyo' mougmyid yoosoo" ri amyhu: too' shi" mo wigi nang gi pyaid mo too: mo Mangsoo nghoid.

YEREMIA 10:10

Nghoid loug we' Mangsoo we"- nang gi deingmain" da" Aseing nghoid da:. Nang gi kangso' dei da" Mangsoo nghoid wigi apyaid atoo: mo khokham nghoid da:. Nang nheig yoo lang" mougmyid noin" da:. Byumyu" yi re" nheig yo: khyoo: ri atho' zeing: kham: nghoid da:. (

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 4:37

Houg: lho: akhid" ngoo Nebukhadneza gi mougkhung: mo khokham ri coung"- phung" yoeb yo' ngi: shab byid: o". Nyang: koid zi ja: khang" moo" gi jo lho: tarha" deingmain" da:. Houg: lho: nghoid boin: bang: hang" ri we' nyang: yo" doin: khyo' pyam da» ga: tid.

DANIELA 7:14

Nyang: ri akhang" aya- ngi: shab khyoo: yo' khokham yoem: so' byid: to" zi nghoid yoomo mungdain: dangain" byumyu" yi myeing" cang: joeb bang: wigi nyang: ri dei byid: ago". Nya: da" amyeing" akhang" gi apyaid atoo: jo, jo, wigi nya: mungdain: gi khanham we' byo, thang loo" wa zi anghoid.

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MALAKHI 1:14

Nyang: gi nya: da" gougnyhoug kyung mo ‹Reung: thang da" gougnyhoug ngoo ri byid: wa› ga: dangsoo" to" lho: dam boo noo bo da" gougnyhoug said lho: xoin" ngei" byid: da" lhoid zoo: lhoid shug byu yigi nheing" khoin" zang" mo, nghoid. Khasu" wim gari ngoo gi ‹Khokham zeing nghoid nyid wigi ngoo rigi byumyu" yi bain sho' gyoug phoug" nyid boem» ga: wigi yoem: moo" bo da" Aseing Mangsoo gi tid nyid.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

Roma 1:20

He mougmyid ri Mangsoo: phain" to" da akhyeing: mo nyang: xangsu: byu yi gi - Aseing da" athang agoin myonhoo: phung" yoeb ri we' Aseing gi Mangsoo: agyeing" nyang nghoid da" khyoo: ri we' goolhoo: nyang: si bye: - nyangnu" gi hid te" da" Mangso: myonhoo: ngeilang: ri amyang yu" nghoid loug yo" se' boem. Hougsu" yo" se' da" khyoo: gi nyangnu" gi Mangsoo: phain" to" da" zi yoo joem ri myang yoomo nghoid. Houg: yoomo - houg: bang: gi nyangnu" nyang: shoid' vhang: da" youg: noo yooboo da shid' re" lhoid' pyoin' wa da" khyoo: aboo loo.

Roma 1:23

Ase' shid: da" Mangsoo: ri noku ca" nghoid loug - se' shid: lo" da byu nghoo: joem - myid: khyid: dab da goug: nyoug joem - hougsu" anghoid lang" do: yu: lo" se' da" goug: nyhoug yi ngho' joem da" soolhoo: joem ri no' ku" boem ago"

Roma 11:36

mangsoo: gi - jo, moo jo, ri phain" to" lho: hau: zi joem gi Mangsoo: khyo" wigi we' Mangso: shid' re" nghoid loug we' dageing: teing" jo boem. Mangsoo: gi apyaid' atoo: myonhoo: phung" yoeb doug bang nyid baja" o" Amen.

Roma 16:27

Dayug kyeing" nghoid lho: dangain" ri yo" myang se' da" Mangsoo: gi Aseing Yesu Khristu khyo" wigi apyaid' atoo: moo bug thu' sheing" jhu" da" myo nhoo: phung" yoeb dajo jo nyid baja" o" Amen.

Roma 2:10

Xang: shid" ri Yuda byumyu" yi houg yo" dakhyoo" ti" tungbau byumyu" dangain" mo yo' ge da" moo" zei: mo rigi - myonhoo: ngeilang: we' - myenjham" ngeipyo: khyoo: we' - kham: zoo: nhang: wa zi nghoid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

KOLOSE 1:15

Khristu gi myo, jed" ze ayo" myang da" Mangso ved, voin, su:- ngoonu" myo, jed" ze shau" myang da" phain" so: to" zi yoo dangain" da" atho' moo je" tho' xeig zoo: shid" nyang: nghoid bye.

HEBRE 11:27

Loem" jeung" ziyo' Moshe gi Khokham" phoo nheig yoo: wa ziri agyug loo: za: Egutu meing: mo thu lo" abye:- Nyang: gi myojid" yo' amyang da" Mangsoo ri myang yhang: ti" nyang- Egutu meing: khyoo: doem tau" loo" khyoo: ri ngeug pyam bye.

HEBRE 2:7

Nang gi nyang: ri - moug: lagyoo: yi tho' moo dajhi' khyo, lho: phain" too" bye. Nghoid loug we' myonhoo: phung" yoeb, bug thu sheing" jhu" zigi nya: tho' moo bidmug zhung" byid: bye.

1PETERU 5:11

Nya: jang" moo apyaid' atoo:- myonhoo: phung" yoeb, bug thu' seing" jhu" jo, baja" o" Amen.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

Pang Shug 17:14

Houg: bang: gi hau: yang nu" yo' meing: zain: goo" wa zi nghoid loug we' hau: yang nu" ginyang: khe: yu too" mo, khyen: yu too" mo, yo' nheigloem: zung" lho: nya: thang: cang mo yo' dage" houg: bang: ri oung: pyam wa zi nghoid. Khasu" wim gari nyang: gi Aseing: yi tho' mo Aseing: - Khokham" yi tho' mo khokham" nyang: nghoid nyid.

Pang Shug 19:1

Hau: thang: ri moug: khung: moug: di mo, byu phung: moo" zeing thui: yhang: te" ziri ngoo shau" gyo. Houg: bang: da" thui: gi " Mangsoo ri coung" byid: ge'. Ngoonu" da" Mangsoo gi khyoid yu da" khyoo:- myonhoo: Phung" yoeb, yo' yoem: so' yoo" su: nghoid.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".

Pang Shug 19:6

Hau" thang: rigibyu phung moo" zeung thui: yhang: te" zi gyid lung" gyo" myheung da" thui: yhang: te" zi moug: goin' myheung da" thui: yhang: te" ziri ngoo shau" gyo. "Nyang: nu" Mangsoo ri coung" nghei boem zigi Ngoo nu" da" yoem: moo" bo Aseing: Mangsoo gi Khokham" nghoid nyid.

Pang Shug 7:12

Amen Ngoonu' da" Mangsoo ri apyaid atoo: moo coung" nghei tu: to' nyid boem wa"- Mangsoo gi myonhoo: phung" yoeb, phajhi" juyhi: bug thu sheing" jhu"- myonhoo: ngeilang: phoug" tab ngi shab, byid: zi nya: da" jeju" ricoung" nghei nyid boem baja"- Amen, ga: nyho: coung" nyid boem.