1 TIMOTHI 1:15 - Lacid Common Language Bible

¹⁵ Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

1 TIMOTHI 1:15 교차 참조

YOBA 42:6

Houg: lho: ngoo gi ngoo tid lid: loo bye: gu: dangain" gang mo myid: sho' wigi pheilhoug: yo' myimoeb boem" moo nheigloem: thid pyam bye:.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

MATHE 1:21

Nyang: gi yuggi zoo: khu: loo wa zi nghoid. Nang nya: myeing ri Yesu ein: myheing byid: ca" wa. Khasu" wim gari nya: da" Byumyu" ri nyang: nya: youg: noo yooboo mo khyoid' yu wa su: nyang: nghoid nyid».

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 18:11

(Byu da" nya: zoo: gi byug loo" mo, ri khyoid yu wa shid re" ju" re" zi nghoid.) ‹‹He: Jhoem: dang: gi Loem ge" da" lo, mo lhid" to" da" jhoem: mungdang: xoug" moo gi aboo.»

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

MATHE 9:13

«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.

MARKU 2:17

Hau: ziri Yesu shaug" gyoo: lang gi nyang: gi nyangnu" ri yang" zain mo, gi doctor aca" nghoid loug we' noo mo, gi ca" ago"- deungmain" mo, ri khi" wa shid re" ngoo re" zi anghoid. Yooboo yo" mo, ri khi: wa shid re" koem ngoo re" zi nghoid ga nyangnu" ri phoug tid..

LUKA 15:2

Hparishe yo" tarha" sara: yi gi He: yug gi subi" byu asoin: lo mo, ri kham: yu lho: nyangnu" yo" dage" zo: shug nyid boem nhung lha"» ga: gei sang: go" nyid boem.

LUKA 19:10

Byu nya: zoo: gi byug bye: mo, ri shoo: lho: khyoid yu wa shid' re" ju" ri" bye.

LUKA 5:32

Ngoo gi myonhoo: ngilang: yoo" mo nheigloem: thid wa shid' re" kho" kyoo" wa ein: jure" zi anghoid. Yooboo yoo" mo, ri khi: wa ein: dare" ga: tid.

YOHAN 1:12

Nghoidloug we' dayham" koem gi nyang ri lhoem: yu lho: loem" jeung" lo boem bye:- houg: su" nyang: ri loem" jeing" mo ri Mangso da" nya: zoo: yi yo" bue" loo wa akhang" byid: bye.

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

YOHAN 12:47

Nga" Mungdang: ri alhoem: yu su: ri ngoo gi dang: aphyed'- Mougmyid: byu yi ri dang: phyed' wa da" shid' re" ngoo gyoo" re" zi anghoid. Mougmyid byu yi ri khyoid yu wa shid' re" ngoo gyoo" re: lo zi danghoid.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

ACTS 11:1

Tungbau byumyu" yi we' Mangso mungdang: ri kham: yu boem bye. ga: da" khyoo: ri lagyoo: yi yo' Yuda meing: goin" jang" moo nyid da" loem" jeing" mo, gi shau" gyo: lo" boem bye.

ACTS 11:18

Nyangnu" gi hau: da" dang: ri shau" gyo: boem lang" gi Petru ri nyangnu" yooboo foin: nyid khyoo: zheung: theung: pyam' lho: Mangsoo ri coung" nghei byid: wigi Mangsoo gi tungbau byumyu" yi ri we' nheing loem: thed' lho: kang: yo" dei nyid wa khyoo: ri akhang" byid: too" bye: nhung- ga: tid nyid boem.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

Roma 11:14

Ngoo gi ngoonu" byumyu" yi ri no" zo: da" byu nheigloem: ri kaid' byid khyo" hau bang: khoug: mo dayham" gi khyoid' yu khyoo: yo" shau" yu boem wa.

Roma 5:6

ngoonu" gi nheig nhei: yoo ayoo" wim nyid da u" ri Khristu gi Mangsoo: khyen: to" ayo, akhyeing: moo akhyeing" ashoeb' mo da" shid' re" shid: kham bye.

1Korinthians 15:9

Khasu" wim gari- lagyoo: yi moo: nge thang su: ngoo nghoid. Mangso da" phung: ri shen" yhen bye: yoomo- lagyoo: ein: wa zi lang amoin: loo.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.

1 TIMOTHI 1:19

Hau: tho' moo gootu: nang moo loem" jeung" khyoo: yo' gyeungshang: da" boin: gyeing: se' nheigloem: bo jo, baja"- byu dayham" bang: gi houg: yhang: te"- gyeungshang: boin: soo" se' da" nheigloem: soozoo: wigi tid poin" tid kyeung ziri atam" gyo: boem yoomo nyangnu" da" loem" jeung" nheigloem: ri lhu: phyo' pyam' boem ago".

1 TIMOTHI 3:1

Phoung: da" vhu" jhung: bui" nhoug su: gi ge, thang da" moo" daloem: ri vho: ngei nyid su: nghoid- ga: wigi tid to" da" dang: gi deingmain" da" dang: dakhoin" nghoid nyid.

1 TIMOTHI 4:9

He: da" khyoo: gi deingmain" ziyo' gyeing" nyang: bain' sho' kham: yu lho loem" jeung" ge, da" deingmain" dang: nghoid.

1 TIMOTHI 6:13

Jo, moo jo, ri kangso' yo" kaid' byid: da" phoo Mangso shid' khoin" moo we' Pilaid' da" shid' khoin" moo we' nyang: loem" jeung da" khyoo: ri geing: geing: teing teing yhen: yu bye: da"Khristu da" shid' khoin" moo we' He: da" moozoo" yoovoin, ri voin, vu, wa shid mo ngoo nang ri amyeing" byid: kaid.

2 TIMOTHI 2:11

He: dang: khoin" gi deingmain" da" dang: nghoid. Nyhang" gi nyang: yo' dage" shid: lo" boem nghoid rigi ‹‹nyhang" gi nyang: yo' dage' doem, dei to'' lo" boem nghoid rigi nyhang" gi nyang: yo' dage" doem, dei to'' lo boem wa zi nghoid nyid.

TITU 3:8

He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

1YOHAN 3:5

Khristu gi xang: su: byu yi da" yooboo ri ced" shang: pyam' byid: wa shid re" thu' myhang re" da" khyoo: ri nanu" se' nyid gu nghoid- nyang: moo gi ce" yooboo daja: we' aboo.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.

1YOHAN 5:11

Hau: sagsi dang: koem gi he: zi nghoid- mangsoo gi ngoonu" ri athang agoin da" kangso' ribyid: bye: yoomo hau" kangso' da" apoem: ayang: gi nya: zoo: nyang: nghoid nyid.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 22:6

Hau: thang: ri moug: lagyoo: ngoori tid zigi " He: dang: joem gi deing byeung" ziyo' loem, ge" nyid. Hau: lho: nya: venyi lapi: yi ri kaid' byid: da" Aseing: Mangsoo gi ayo, khamyhang amyang" ri bue" loo wa da" khyoo:- nya: dei zoo: yi ri toin" shid' wa shid re" nya: da" moug: lagyoo: yi ri nhang: kaid' bye ga: wigi Yesu ngoori tid.

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.