1 TIMOTHI 1:10 - Lacid Common Language Bible

¹⁰ Nheugloem: avoid agi bang:- myi: yi nyang: cang"- yuggi nyang: cang"- youg: shoo: goo" bang:- byu myheug yhoem" to" lho: ngei yo' doem khyoid yu nhang: bang:- mhau' lho: adeung amain" da" sagsi: kham, bang:- ce: ja" khyoo: moo we' hau: loem" jeung" da" khyoo: yo' azhung" goo' mo, shid re" koid to" da" tarha" nghoid nyid.

1 TIMOTHI 1:10 교차 참조

APOEM AYANG: 19:5

Nyangnu" gi Lod ri khe: thu yu lho: «Akhamyen re" yhoem: moo theing: da" yuggi eig yug gi khamoo: nyid lha". Nya: tang: ri ngoonu" jhang thu loo nhang: we"» ga: tid. Sodom mo yuggi yigi hau: tang: yo' gung shoo" zoem" nau nyid boem.

APOEM AYANG: 37:27

Nyang: ri he: da" Ishmaela byu phung: khyoo: oung" byid: kaid shang. Ngoonu" nyang: ri ce: dam tab anoo" loo- hau: tho' agoo"- nyang: gi nyha" suid" nyha" shoo" nyha" nhung" nyang: danghoid» ga: tid. Nya: mang: nhung" yi we' bo myid veing" wigi

APOEM AYANG: 40:15

Khasu" wim gari ngoo gi Hebre moug: mo atarha" khyo" re" oung" zoo: shoug" lho: Egutu moo re" ju" thang: ri we' ngoo gi thung: lung" moin: da" ci: yooboo we' ashoid zi za: thung: lung" nyid su: nghoid» ga: tid kyo".

THU' LO" MOUGSOUG" 20:7

Nga" myeing ri akhyeing" da" khyoo: moo yeing lho: aci: goo". Ciwim gari nga" myeing ri anghoid da" khyo" ci: su: hang" ri we' ngoo nanu" da" Aseing Mangsoo yooboo dam byid: wa.

THU' LO" MOUGSOUG" 21:16

Hang" nghoid loug we' byu ri khau" wigi ung" zoo: nghoid nghoid- join khyo" nyhid: too" nghoid nghoid- said pyam zi shoug" ca" da:.

HOSEA 10:4

Nyangnu" gi dang: soem: ji lho: ajo da" dangsoo" joem byid: ziyo' ce: akyu" abo da" myid veing" thang" cab to" ago". Tarha" da" zigi atarha" khyoo: bue" loo" bye:. Hau: joem gi yoo thung" moo: myoono, gam yo' dakhyoo" yug gyi: re" ago".

XOIN" NGEI" 18:22

Yuggi nyang: cang" gung shoo" azoem" goo". Mangsoo gi hau: ziri ngheing" nyid.

XOIN" NGEI" 20:13

Yuggi dayug gi gootu: yuggi yo' gung shoo" zoem" khau: nghoid rigi nya: tang: gi aco' ajhoid moo" ri koid abye: yoomo eig tang: goin" zi said pyam shau" wa zi nghoid. Nya: tang: shid: zigi nya: tang: moo yoovoin bo da:.

ZEKHARIA 5:4

Yoem: moo" bo da" Aseing gi hau: mougsoug" deing: ri nhang: kaid lang" gi khoug" mo, yugkhang" moo yhoem: yo' nga" myeing ri lang: lho: adeing amain" khyo" jham' tang: mo, yugkhang" moo" yhoem: khyoo: vang lo" lho: nyangnu" da" yhoem: joem ri byo, yoin" loo" nhang: pyam' wa nghoid» ga: tid.

ZEKHARIA 8:17

Nanu" nyang: cang" noo nhang: goo" wa khyo" phajhi" akhyoug" go". Jham' tang: lho: mhau' da" sagse: ri akham go". Ngoo gi mhau' zi adeingmain" zi pyi: sho: da" khyoo: yo' athoug" akhyoug: koid da" moo" ri ngheing" nyid» ga: tid.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

Roma 1:26

Houg: su" nghoid yoomo - Mangsoo: gi xangsu: byu yi ri - aco' ajhoid' da: nyam yo: aved avhu: da" khyoo: moo cang loo" wa shid' re" - she: pyam' too" bye. Myiyi: yi we" tarha" khyoo: khyo" gi anyid looza: myiyi: nyang: cang" zoem" go" lo" boem.

TARHA" TID POIN" 24:7

«Israela nyang: cang" dayug yug myheig yu wigi nya: join koid anghoid lang" join khyo" oung" zo: pyam su: hang" ri nghoid loug we' said pyam ca" da:. Hid su" khyo" wigi nanu" gi he: akhyeing" ashoeb ziri yu pyam ca" da:.

1 TIMOTHI 4:6

He: jhau" mho' da" dang: khoin" joem yo' dakhyoo" ti"- Khristain mang: nhung" yi ri nang tid poin" tid kyeung" nyid nghoid rigi nang gi nanyang: lhoem: kham: yu to" da" loem" jeung" da" khyoo: ri we' deingmain" da" jhoug" myeing" jhoug" thui: ri we' nya: gung du: ri goin, coung: da" Khristu ge, da" dei zoo: bue" nyid wa zi nghoid.

1 TIMOTHI 6:3

Hang" nghoid loug we' adu go" khyo" atoug" khyo" shoid vhang: khyoo: ri jhoug" byid: nyid su: gi ngoonu" Aseing: Yeesu Khristu da" deingmain" joeb, byeung" da" mungdang: joem yo' ngoonu" loem" jeung" da" khyoo: jhoug" byid: ziri abo cang soo" loo za:

2 TIMOTHI 1:13

Ngoo gi nang ri jhoug" byid: bye: deingmain" da" mungdang: ri nang cang loo" wa da" akhyoo: avoid bui" nhang: wigi geing" geing: zei: ci: lho: Yesu Khristu yo' dadeing: daloem: za: koid wigi kangso' dei nyid khyoo: moo loem" jeung" ziyo' jheddab da" nheigloem: ri geing: geing: dazei: ci: we'.

2 TIMOTHI 4:3

Byu yi gi hau" deingmain" ziyo' ca yoo abo da" jhoug" myeing" jhoug" thui: ri atam" gyo: boem wigi nyang: tu: nya: nheigloem: aco' ajhoid khyoo: moo za: te: cang lo" boem ziyo' nyangnu" da" nheigloem: moo yo: phoin: loo" sho' nyang: tam" gyoo: nau da" se' jhoug" byid: da" sara: yi je" je, myo: lo boem sho' khyu: zheung" yu da" ayo, gi ju" loo wa zi nghoid.

TITU 1:9

Nyang: gi phung: mo jhoug" myeing" jhoug" thui: ri yo' myid coem, veung" da" loem, gi su:- hau: mungdang ri geing: geing: zei: ci: su: nghoid ca" nyid. Houg lang" nyang: gi hau: deingmain" da" jhau" mho' khyoo: yo' byu yi ri yoem: byid: yo" lang: zheung" yu- hau: mungdang yo' azhung" to" da" ngeug se: juang" yi mo, da" shoid vhang: lo" da" khyoo: ri yo" toin" shid' wa zi nghoid.

HEBRE 13:4

Lo, xo' khyoo: rigi byu dangain" mo, phau" myang: coung" nghei byid: nyid boem yoomo yhoem: seing: phoo yhoem: seing: myhi' gi dayug yo' dayug- zed" lhed' nyid boem ca"- Mangsoo gi akyang" byo, yoin" lho: myi: lhoid' lang lhoid bang: ri Tarha" dang: phyed loo wa zi nghoid.

YUDA 1:7

Sodom voo yo' Gomora voo eig loem: ri we' hau: eig vo da" ayam, aqei: moo jo, da" voogung joem ri we' myid; boin: yu" ge'. Hau: voo mo voobyu mung" byu yi koem gi akhang: tid da" moug: lagyoo: yi yhang: ti"- youg: shoo: go" lho: yug gi nyang: cang" we' aved, avhu; da" moo" ri koid nyid boem. nyangnu" gi apyaid' atoo: dadab nyid da" mi myi: khyoem, moo-yoobo dam ri shau" kham' zo: boem khyoo:- byu dangain" mo, ri bang bang nyang: zid" lhid' nhang: kaid.

Pang Shug 18:13

Seig cang" phyeig - zooxoin" moo kaid' da" nam, pyo: zi aja: ja:- moo" ra:- lo" bain- zabyid yhid: yo' xu: joem- sung: soo: phei" yo' sung: soo: cen:- Nukyung yang kyung myang: kyung yo' myang: rheing" joem- join yi yo' byu yi da" kangso lang" bo boem ago".

Pang Shug 21:27

Nghoid loug we' anyhoin: athoung" khyoo:- asho' ashid: da" moo" zei: mo, mhoug zoo: fain" zoo: bang: hang" we' hau: voogung khyoo: khanham we' yo" vang loo" goo" wa zi anghoid. Yang nu" da" kang: so' mougsoug" pug moo myeing boo mo, za: date: yo" vang loo" wa nghoid.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".