1 SAMUELA 9:5 - Lacid Common Language Bible

⁵ Nya: tang: gi Zupha moug: khyoo: ju" yhe: lo" uri Sholu gi nya: dei zoo: ri «Nyha" tang: yhoem: khyoo: doem tau" loo" loo goo"- nga" phoo gi loo zei: joem tho' nyha" tang: ri seing" kho" nyid wam bye:» ga: tid.

1 SAMUELA 9:5 교차 참조

MATHE 6:25

«Houg: su" wigi ngoo nanu" ri tid da" zigi cizoo: wa cishau" wa dei nyid wa shid re" civoid wa khasu" koid: wa ein: gung du: shid re" myid amyoo: goo. Hau: kang: so' gi zoo: noem tho' moo gung du: gi byime tho' moo je phau" zi anghoid.

MATHE 6:28

«Hau: lho: byime shid re" ci: wim myid myo: nyid go" la". dain" yoo mo myi vhoeb' bain: joem khasu" youg gyi: lo ziri myed yu" ge'.

MATHE 6:34

Houg: yoomo nab, yo nyid" shid re" myid amyoo: goo"- nab, yo nyid" gi nya: shid re" kyi" khyeug wa zi nghoid. Khid" nyid" kyi" khyeug zigi khid" nyid" shid mo gi" bye.

LUKA 12:11

Subi" gi nanu" ri tarha" jung yi moo we' khokham" amyeing" ci: mo, da" shid' khoin" moo nghoid loug we' khe: shu" lo" da" uri khasu" tid wa zi ce: myid amyoo: goo.

LUKA 12:22

Hau: thang: ri Aseing Yesu gi nya: cangzoo: yi ri tid zigi Houg: su" yoomo nanu" gi Ce: noem se' zoo: wa lha". ein: kangso' shid' re" seing" akho" nyid goo. Ce: noem sevoid wa lha". ein: wigi gung du: shid' re" seing" akhoo" goo" ga: tid.

1 SAMUELA 1:1

Ephrim boem moug: Rama voogung moo Ephrim kung: mo Elakana ga: myheing da" byu dayug nyid. Nyang: gi Zupha akung: ako' mo Tohu ikoin deungkhu: yo" sen: da" Elihu nya: myid: Yeroham nya: zoo: nghoid nyid da:.

1 SAMUELA 10:2

Akhanyid" nang ngoo yo' gang: go" wigi yhe: lo" uri Benyamin moug: Zelza joyoo mo Rakhela da" loeb nam moo byu eig yug yo' nang shoug" goo" wa zi nghoid. Hau: tang: gi nang ri nang yhe: sho: da" loo zei: gi shoug" bye:- re" phoo gi loo zei: joem da" khyoo: ri myid amyoo: loo- re" khyoo: ri myid myo: nyid wigi nyang: gi ‹Nga" zoo: shid re" khasu" koid wa lha"› ga: damyid nyid khyoo: ri lhoem: tid kyoo" lang" goo" wa zi nghoid.