1 SAMUELA 9:16 - Lacid Common Language Bible

¹⁶ «Nab yo nyid" he: da" ayo, koo: ri Benyamin akung: mo byu dayug ri re" jhang khyoo: ngoo nhang: kaid wa zi nghoid. Nyang: gi nga" Israela byumyu" yiri vhoebkhang" wa shid re" nyang: ri Main kaid xu: foid gyoin byid: ca" wa zi nghoid. Houg: yoomo nyang: gi nyangnu" ri Philisti byu yi lo, mo khyoid yu wa su: nghoid. Nga" byumyu" yi kham zo: nyid da" yau: khe" khyoo: ri ngoo myang bye: ziyo' bo pang" wa shid re" nyangnu" yoid ngau nyid ziri ngoo shoug" gyoo: bye:» ga: tid.

1 SAMUELA 9:16 교차 참조

1 SAMUELA 10:1

Hau: thang: ri Samuela gi zhainloin: xu: bo da" jhuang: daloem: yu wigi Sholu da" vhuloem moo foid gyoin: lho: nyang: ri boobug bug wigi Aseing gi nya: Israela byumyu" yiri vhoebkhang" wa shid re" mainkaid xu: foid shoin" byid: nyid zi nghoid. Nang gi nya: byumyu" yiri vhoebkhang" lho: nyangnu" da" gyivoo joem lo, mo we' nyangnu" ri lhoug zung" byid: ca" wa zi nghoid. Xo' wigi he: khyoo: gi Aseing nang ri khyen: yu lho: nya: byumyu" yiri vhoebkhang" wa shid re" nang ri ci: shug da" sagse: nghoid nyid.

COUNG" NGHEI 106:44

Nghoid loug we' nyangnu" mho' yoid uri Aseing gi shoug" gyoo: byid: ziyo' Nyangnu" da" myid myoo: ung: loug da" khyoo: ri nyang: gi boin: soo" byid: nyid.

COUNG" NGHEI 25:18

Ngoo kham' zo: nyid da" kyi" khyeug ziyo' kyi" khyeug dangain" ri myid boin: byid: lho: nga" yooboo dangain" ri khyoid pyam byid: we'.

1 SAMUELA 15:1

Samuela gi Sholu ri «Ngoo gi nya: byumyu" yi nghoid da" Israela khokham bui" wa shid re" nang ri mainkaid xu: foid gyoin: byid: we' ga: Aseing nhang: kaid su: nghoid. Myhang: thang Aseing citid ein: ziri akhid" tam" gyo: yu" we'.

1 SAMUELA 16:3

«Xoin" to' wa shid re" Yese ri we' shu" we' nang khasu" koid wa ziri ngoo tid kyoo" wa zi nghoid. Ngoo nang ri tid yug ri khokham aya tang: byid: wa shid re" mainkaid xu: foid shoin" byid: ca" wa zi nghoid» ga: tid kyo".

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

2 SAMUELA 3:18

Akhid" he: zigi nanu" da" shid re" akho: akhang" zeing nghoid da:. Aseing gi nga" byumyu" nghoid da" Israela byumyu" yiri Philisti byumyu" yi jang" mo we' gootu: nyangnu" da" gyivoo yi jang" mo we' khyoid yu wa shid re" nga" join David ri ngoo ci: wa ga: ziri boin: so" nyid ge'» ga: tid da:.

2 KHOKHAM 20:5

Aseing da" byumyu" yiri vhoeb yug- Hezekia jhang doem tau" yhe: lho: nyang: ri «Re" phoug" phyid" David da" Aseing: Mangsoo ngoo gi re" akyu" mho' dang: ri gyo: lho: re" ngoug byid ri myang byid: bye:. Ngoo nang ri gi byid: wa- soem" nyid" lang" nang Noku Yhoem: Moo" khyoo: yo" yhe: wa.

COUNG" NGHEI 102:1

O" Aseing we" nga" akyu" mho' dang: ri tam" gyoo: byid: we' pang" thoug byid: wa shid re" ngoo ngau yoid thui: ri tam" gyoo: byid: we'.

YEREMIA 32:8

Hau: thang: Aseing tid to" ziyo' dayhang" ti" Hanamela gi hau: khokham vang" khyoo: nga" jhang re" wigi yoothung" ri qei yu byid: wa shid re" tid da:. Houg: yoomo Aseing ngoo ri dang: gyeing" nyang: ji ziri ngoo si bye:.

1 SAMUELA 14:20

Hau: thang: nyang: yo' nya: byumyu" yi we' Philisti byumyu" yiri khaid zain: wa ga: meing: zain: jang: khyoo: cang do, lo" ri Philisti yi nyangnu" nyang: cang" nyang: amyhoo: asain" bue" nyid boem.

1 SAMUELA 14:23

Bethaven lid sho' khyoo: khyo" cang khaid bye:. Aseing we' Israela byumyu" yiri hau: nyid" ri khyoid yu bye: zi nghoid.

DANG: ZHOEM 16:9

Re" moo" zoo" joem ri nang kyam: too" nghoid loug we' Mangsoo gi hau: ziri khyoo: shed byid nyid.