1 SAMUELA 8:9 - Lacid Common Language Bible

⁹ Hougsu" nghoid yoomo nyangnu" da" dang: ri tam" gyoo: we'. Nghoid loug we' nyangnu" da" khokham gi nyangnu" ri khasu" koid loo wa ziri nyeing" za: phuid: kyo" wigi nyangnu" ri thain" thain: zid" nhang: we'» ga: tid bye:.

1 SAMUELA 8:9 교차 참조

YEREMIA 11:7

Ngoo gi nyangnu" da" phoug" phyid" yiri Egutu mo shu" thu lo uri ngoo ri phau" cang goo" wa shid re" nyangnu" ri zug zug tid poin" bye:. Houg: lho: ngoo gi hau: byu yiri akhid" nyid" ju" sho' xo' tid poin" loo bye:.

EZEKIEL 3:18

Ngoo gi akhyeing" da" byu dayug yug shid: wa zi tid fu" nghoid loug we' nya: kangso' yo" khyoid yu wa shid re" nya: khyoo: joem ri thid pyam wa nyang: ri nang atid poin" loo: za: yooboo gung dayug khyo" nyang: shid: lo" nghoid rigi nyang: shid: da" moo" ngoo nang ri yoovoin yu nhang: wa.

EZEKIEL 46:18

Vhoeb khang" nyid da" khokham nu" gi byumyu" yi da" jonu" ri nyangnu" lo, mo age yu pyam byid: wa. Nya: zoo: yiri nyang: kho' gam byid: da" kha: mougmyid nghoid loug we' nyang: ri byid: to" da" mougmyid mo nghoid ca" da:. Houg: lang" nyang: gi nga" byumyu" yi da" mougmyid ri lhoid yu pyam da" khyo" nyangnu" ri adoin: zeug zoo: loo wa.

1 SAMUELA 10:25

Samuela gi byumyu" yi ri khokham da" amyeing" khyo" koid ca" da" moo" zoo" ri tid phuid: kyo" wigi mougsoug" pug moo lhid" xoem" to" lho: gyeung" shang: da" joyoo moo voin: tang: shoung: too" bye:. Hau: thang: ri nyang: gi dangain" mo, ri yhoem: khyoo: loo" nhang: kaid bye:.

1 SAMUELA 12:1

Hau: thang: ri Samuela gi Israela byumyu" yiri «Nanu" ngoo ri mho' gu: dangain" koid byid: bye:. Nanu" ri vhoebkhang" wa shid re" khokham dayug we' ngoo nanu" ri byid: bye:.

1 SAMUELA 14:52

Sholu nyang: kangso' dei gu: dangain" moo Philisti byumyu" yi yo' meing: gye" zain: goo" ca" zi nghoid. Hougsu" yoomo yoem: bo lho: seing" yang" bang: dangain" ri myang khang" moo" nya: gyizoo: phung: moo: myheig kaid yu yu koid nyid.

1 SAMUELA 2:13

byumyu" yi mo shoug" yu da" khainjung bang: yo' sen: da" gamboem joem ri we' cishu: anhang: boem nghoid ago". Hau: gungthid byu dayug yug gi nya: xoin" ngei" uri khainjung pho da" dei nhang: su: gi soem" khyoug: zu: ri ci: wigi ri" ri" koid nyid da" shoo" yhung shid" lo" uri

1 SAMUELA 8:8

Ngoo gi nyangnu" ri Egutu mung" mo shu" thu lo nyid" mo wigi nyangnu" gi nga" jang" mo lheung: thu lo" byug boem lho: gootu: da" yu phara" joem ri loem khau: noku lo" byug boem bye:. Ngoo ri nyangnu" khanham we' hougsu" koid nyid yhang: ti" akhid" nang ri we' hougsu" koid nyid boem abye: go".