1 SAMUELA 8:11 - Lacid Common Language Bible

¹¹ Samuela gi «He: zigi nanu" da" khokham nanu" ri khasu" koid wa ga: da" zi nghoid. Nyang: gi nanu" da" yuggi zoo: yiri gyizoo: koid nhang: wigi gootu: rigi myang: dab khyoo: vang nhang: wa zi nghoid. Hau: lho: dayham" rigi nya: da" gyi myang: rheing" shid moo tang" loo" nhang: wa zi nghoid.

1 SAMUELA 8:11 교차 참조

2 SAMUELA 15:1

Hau: thang: Absalom gi nya: shid re" gyi myang: rheing" da loem: yo' myang: joem ri soin' to" wigi shid moo so" wa shid re" byu wim: xi yug ri we' khyen: too" bye:.

1 KHOKHAM 1:5

Akhid" Absalom shid: thang: ri David yo' Hagid tang: da" zoo: Adoniya gi dei nyid shi" bang: mo gyi: thang su: nghoid. Nyang: gi gye young" su: nghoid da:. Nyang: gi khokham bue" loo wa ga: myid to" ziyo' cikoid nghoid loug we' David anheig yoo: nghoid da:. Nyang: gi nya: shid re" gyi myang: rheing" joem myang: joem shid moo soo" wa shid re" byu wim: xi: yug ri we' soin' to" nyid da:.

1 KHOKHAM 10:26

Sholumon gi gyi myang: rheing" 1,400 yo' gyi myang: 12,000 bo da" gyidab daloem: ri koid to" da:. Hau: joem mo dayham" ri Yerusalem moo to" to" wigi deing da" gu: ri gootu: voomoo" joem cang nyhid: to" da:.

1 KHOKHAM 12:10

Nyangnu" gi «Nang nyangnu" ri hidsu" ein: tid we' nga" lo, zoo: gam" thang: gi nga" pho da" phyid" doem: tho' je thu: da:.

1 KHOKHAM 12:4

«Re" phoo Sholumon gi ngoonu" ri anoug akhyoid koid wigi gye" lid: da" yoovoin ri ngoonu" ri foin: to" da:. Nang ngoonu" ri soem" da" yoovoin byid: wigi yug yoo tung" nyid nhang: nghoid rigi ngoonu" gi re" da" dang: zung" tam" gyo: da" mung" byu yi bui" wa nghoid» ga: tid.

1 KHOKHAM 14:27

Hau: gungthid khokham Rehoboam gi gyid: mid" yo' goo ri koid wigi khokham khoo" khoem" moo" duang: ri zung" da" moo" voin bang: ri ab byid: bye:.

1 KHOKHAM 18:46

Aseing da" yoem: so' Elia atho' moo ju" lo wigi nya: byimi ri nya: phyid" cu" yo' teing cu" lho: Yezrela khyoo: lo" da" dakhyoo: goin" Ahab da" shidkhoin" moo tang" loo" bye: da:.

1 SAMUELA 10:25

Samuela gi byumyu" yi ri khokham da" amyeing" khyo" koid ca" da" moo" zoo" ri tid phuid: kyo" wigi mougsoug" pug moo lhid" xoem" to" lho: gyeung" shang: da" joyoo moo voin: tang: shoung: too" bye:. Hau: thang: ri nyang: gi dangain" mo, ri yhoem: khyoo: loo" nhang: kaid bye:.

1 SAMUELA 14:52

Sholu nyang: kangso' dei gu: dangain" moo Philisti byumyu" yi yo' meing: gye" zain: goo" ca" zi nghoid. Hougsu" yoomo yoem: bo lho: seing" yang" bang: dangain" ri myang khang" moo" nya: gyizoo: phung: moo: myheig kaid yu yu koid nyid.

1 SAMUELA 22:7

Xo' wigi nyang: gi nya: zoug: yiri «Benyamin byumyu" yi we" tam" gyoo" ge' David gi nanu" dangain" mo, ri tung: yoo yoothung" khyam: joem yo' zabyid khyam: joem yo" byid: wa ein: jho: nyid go" la". Nya: gyidab moo zoug: aya: yo" byid: wa ein: myid jho: nyid go" la".

1 SAMUELA 8:9

Hougsu" nghoid yoomo nyangnu" da" dang: ri tam" gyoo: we'. Nghoid loug we' nyangnu" da" khokham gi nyangnu" ri khasu" koid loo wa ziri nyeing" za: phuid: kyo" wigi nyangnu" ri thain" thain: zid" nhang: we'» ga: tid bye:.