1 SAMUELA 6:5 - Lacid Common Language Bible

⁵ Hougsu" nghoid yoomo byeing soolhoo: yo' nanu" da" mung" ri lhu: phyo' da" gyu, soolhoo: ri nanu" koid wigi Israela byumyu" yi da" Mangsoo ri phau" myang: khyo" wigi byid: ca" wa zi nghoid. Hougsu" nghoid ri za: nanu" ri we' nanu" da" yu phara" ri we' nanu" da" mung" ri we' nyang: dam byid: nyid jang mo theing byid: abe.

1 SAMUELA 6:5 교차 참조

1 KHOKHAM MHOOMYID: 16:28

Mougmyid gyab, goin" jang" mo byumyu" yi bain sho bang: we"- Aseing ri coung" nghei nyid ge'- nya: da" phung" yoeb yo' amyeing" yoem: so' ri coung" byid: nyid we'.

1 KHOKHAM MHOOMYID: 16:29

Phung bo da" Aseing myeing ri coung" we'. Xoin" alu ri nya: Noku Yhoem: Moo" khyoo: ci: ri" we'. Nyang: thu re" uri gyeung" shang: su: nyang: dayug ri khyeing" goeb pid we'.

COUNG" NGHEI 18:44

Tungbau byumyu" yigi nga" shidkhoin" moo: vhu' pid goeb pid to" ago". Nyangnu" gi nga" amyeing" shoug" gyoo: lang" cang lo" ago".

COUNG" NGHEI 32:4

Aseing we"- nang gi ngoo ri nyid" ri myen" ri yooboo dam kaid nyid. Zain' vang khoem" mo bid so, gi ngei" ri lhab' kyoug pyam yhang: ti" nga" yoem: so' we' bain sho' kyoug kain" loo" bye:.

COUNG" NGHEI 39:10

Ngoo ri: ashen" yhen nyid nang baid yoomo ngoo shid: lo" nyid bye:.

COUNG" NGHEI 66:3

Nang koid da" moo" zoo" joem gi khayhi' mau" pho" khyoo: nghoid lha". Nang ci: da" zoug: myeing" yoem: vhoo" gi yoem: so' gye" boo yoomo Re" gyivoo joem gi re" shid moo: gyoug nain" zoore dagoeb, jo, lo: boem.

THU' LO" MOUGSOUG" 12:12

Hau: myen ri Egutu mung" goin" khyoo: ngoo jang: sho' lo" wigi byu yi yo' gougnyhoug joem da" yuggi zoo: zooshid" yiri said pyam byid: wa zi nghoid. Egutu mo yu phara" dangain" zi riwe' dam byid: wa zi nghoid. Ngoo gi Aseing nghoid.

THU' LO" MOUGSOUG" 8:17

Houg: lang" Arun gi nya: lhamdung: yo' myidgung moo baid kaid ri Egutu mung" mo pheilhoug: dangain" pyoeb bue" lo" wigi byu yi dang moo we' gougnyhoug adang moo we' nghoeb pyam bye:.

THU' LO" MOUGSOUG" 8:24

Aseing gi gye" myo: da" mhoo' joem ri khokham pho da" khokham kho" yo' nya: gyizoug: yi yhoem: khyoo: nhang: kaid bye:. Egutu mung" dangain" gi hau: mhoo' joem wigi bain phyo' shoin' lo" nyid bye:.

THU' LO" MOUGSOUG" 8:5

Aseing gi Moshe ri «Arun ri re" lhamdung: ri gyid lang- gyid khyoo"- gyid thoem" dangain" adang moo yeung too" we' houg: lang" pooleig joem thu lo wigi Egutu mung" ri nghoeb pyam baja" ein: tid we» ga: bye:.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

ESAIA 42:12

Ve: da" mungdain: joem mo nyid bang: gi coung" nghei byid wigi Aseing ri phung" yoeb pang byid: boem baja".

YEREMIA 13:16

Moug: coid zi aci: ri" shi" ri boem joem moo nanu" khyid: vhu" athung" shi" ri Nyang: gi nanu" myid lang" nyid da" bidbang ri no, seing" kyid: akoid pyam shi" uri Nanu" da" Aseing Mangsoo ri ngi: shab byid: we'.

YEREMIA 3:13

Nang yooboo yoo" bye: ein: ziyo' re" Aseing Mangsoo ri nang thougtheung gyi koid bye: ein: ziri za: kham: yu we'. Nyoug yung" da" seiggam yoeb khang" moo" moo tungbau yu phara" joem ri re" jheddab myid byid: pyam bye: ein: ziyo' nang gi nga" amyeing" dang: joem ri atam" gyoo: ein: ziri yooboo yhen: yu we'. Ngoo Aseing tid too" bye:.

YOELA 2:25

Jhenkhyeug phung: joem wigi nanu" da" shivoo: zoo: joem ri zo: pyam byid: da" zain nyid khoug: moo nanu" mo byug yoin" lo" gu: ri ngoo doem tau" byid: wa nghoid. Nanu" ri thougtheung gyi zain: da" he" gyiphung: ri nanu" jhang khyoo: nhang: kaid su: gi ngoo nghoid.

YONA 3:9

Mangsoo gi nya: myid ri thid pyam abe. Nyang: nheig yo: nyid khyoo: ri theing: pyam shi" abe. Houg: lang" ngoonu" gi ashid: loo wa nghoid.

MALAKHI 2:2

Nanu" nga" da" mungdang: ri tam" gyo: lho: nanu" gi ce" noem koid jang" moo we' ngoo ri phau" myang: nyid ca"- hougsu" anghoid rigi ngoo nanu" ri nheung" wa nghoid. Nga" tarha" ri nanu" goolhoo: acang boem yoomo gyeing" gyeing" nyang: akhid" ngoo nanu" ri nheing" wa bye:.

YOHAN 9:24

Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.

YOSHU 7:19

Yoshu gi nyang: ri «Nga" zoo: we"- Israela byumyu" yi da" Aseing Mangso shidkhoin" he: joyoo moo jo da" khyoo: ri tid wigi yen: yu we'. Nang cikoid bye: ziri akhid" ngoo ri ateing too" loo: tid kyoo" we'. Ngoo ri hau: khyoo: ri azau" too"» ga: tid.

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.

Pang Shug 14:7

Hau" mou: lagyoo: gi Mangsoo dang: phyed wa da" bidnyid ju" loo bye: yoomo Mangsoo ri gyoug phau" lho: nya: da" gyi: myhang: reung: thang khyoo: re" coung" byid: ge'. moug: khung: yo' myidjang: ri we' panglai yo' gyid zoo: lang yi we' phain" so: to" Aseing: ri phau" myang: vhu" pid' ped' nyid ge'. ga: thui: moo" zeing yo' nyho: tid nyid.

Pang Shug 16:9

Nyang: nu" gi thain: da" myiso' yo' ngi" yoomo hau: shid: gyoin, amyeing" byid: su: Mangsoo ri damyeung nheung" nyid aloo: go. Nghoid loug we' nyangnu" da" yooboo yoomo houg: yhi' gyeung" da" shen" yhen jamjau shau" nyid boem nghoid loug we' nheigloem: athed' lo boem ziyo' Nya: da" gyi: myhang: khyoo: ri acoung" anghei' byid: nghoid ago".

1 SAMUELA 5:11

Hougsu" nghoid yoomo nyangnu" gi Philisti khokham yiri doem zheung: khe: yu wigi «Israela byumyu" yi da" Dang: Theing Kuid: ri nya: joyoo xoug" moo lo" doem too" byid: loo shang. Houg: lang" nyhang" ri we' nyha" da" ikoin deungkhu: byu yiri we' hau: ziyo' yo" said pyam wa zi anghoid» ga: tid nyid boem ago". Mangsoo gi nyangnu" ri gye" thain: da" dam kaid nyid yoomo voogung goin" dain ci' nyid ago".

1 SAMUELA 5:9

Nghoid loug we' hau: Kuid: houg: moo ju" jo, thang: ri Aseing gi hau: voogung moo we' gyoug dain' pho" noo phyoo" ri byid: bye:. Hau: voogung moo nyid da" byu nge zoo: gyi: zoo: dangain" ri shoo" pu' shoo" cab bui" nhang: da" byeing no dam ri kaid byid: bye:.

1 SAMUELA 6:8

Aseing da" Dang: Theing Kuid: ri yu lho: rheing" dang moo ke" wigi hau: ayam mo kuid: daloem: moo nanu" da" yooboo shid re" byid: jhungshug ein: da" nyang: ri foin: kaid sheing: yo' koid da" soolhoo: joem ri kaid too" wa zi nghoid. Rheing" ri nya: khyoo: khyo" wigi so" shid" nhang: lho: nyang: kyeing" za: so" loo" nhang: wa zi nghoid.