1 SAMUELA 6:4 - Lacid Common Language Bible

⁴ Byumyu" yigi nyang: ri «Ngoonu" ce" noem jhungshug foin: wa lha"» ga: myid:. Nyangnu" gi «Sheing: yo' koid da" shoo" pu' shoo" cab lhoo: wim: loem:- sheing: gyu, wim: du: hau: joem mo daloem: loem: gi Philisti khokham dangain" bang: shid re" nghoid wa zi nghoid. Nanu" dangain" yo' khokham wim yug da" atho' moo nhang: kaid da" vhu" thung" yoem" gi daja: za: danghoid nyid da:.

1 SAMUELA 6:4 교차 참조

THU' LO" MOUGSOUG" 12:35

Israela byumyu" yigi Moshe tid to" ziyo' dakhyoo" ti" bain koid wigi Egutu byumyu" yi jang" mo sheing: we' ngei we' byimi we' mho' yu ago".

YOSHU 13:3

Mougpyi: shoid Avim mougmyid dangain" (Egutu mung" mougkyoo" Shihora gyid zoo: lang mo zi mougzhung: shoid Ekron mougkyoo" ju sho' gi Khanan byumyu" yi da" mung" ga: myid to" boem da:. Gaza- Ashdod- Ashkelon- Gad- Ekron moo: nyid boem da" Philisti khokham yi bo bo ago".)

TARHA" AGYI 14:19

Aseing da" yoem: so' gi nyeigdain tung" nyang: ri yoem: kaid byid: lho: nyang: gi Ashkelon khyoo: gyoo" yhe: wigi houg: mo byu soem" xi: yug ri yhe: said pyam lho: nyangnu" byimi ri yhe: khyoid yu da:. Houg: lho: houg: bang: byimi ri nya: qei" shoem' ri yo" phuid: bang: ri byid: da:. Hau: thang: nyang: gi yhoem: khyoo: tau" lo" da:. Hougsu" bue" da" khyoo: ri nheig joem: yo: da:.

TARHA" AGYI 3:3

Hau: mungdain: moo nyid deing jo, da" bang: gi Philisti voomoo" wim: loem:- Khanan byu yi dangain"- Sidon byu yi yo' Bala Hermon boem mo Hamad boem gyoo: moo ju" sho' nyid boem da" Lebanon boem mo Hivi byu yi nghoid ago".

1 SAMUELA 5:12

Ashid: shi" bang: we' shoo" pu' shoo" cab bue" byeing myug boem wigi nyangnu" gi bo pang" wa shid re" nyangnu" da" yu phara" ri yoid ngau nyid boem.

1 SAMUELA 5:6

Aseing gi Ashdod voobyu yiri gye" thain: da" dam byid: bye:. Nyang: gi nyangnu" ri we' nyangnu" da" ayam aqei: moo nyid da" byumyu" yiri we' shoo" pu' shoo" cab byeing myug nhang: khyo" wigi nyangnu" ri dam kaid bye:.

1 SAMUELA 5:9

Nghoid loug we' hau: Kuid: houg: moo ju" jo, thang: ri Aseing gi hau: voogung moo we' gyoug dain' pho" noo phyoo" ri byid: bye:. Hau: voogung moo nyid da" byu nge zoo: gyi: zoo: dangain" ri shoo" pu' shoo" cab bui" nhang: da" byeing no dam ri kaid byid: bye:.

1 SAMUELA 6:5

Hougsu" nghoid yoomo byeing soolhoo: yo' nanu" da" mung" ri lhu: phyo' da" gyu, soolhoo: ri nanu" koid wigi Israela byumyu" yi da" Mangsoo ri phau" myang: khyo" wigi byid: ca" wa zi nghoid. Hougsu" nghoid ri za: nanu" ri we' nanu" da" yu phara" ri we' nanu" da" mung" ri we' nyang: dam byid: nyid jang mo theing byid: abe.

1 SAMUELA 6:8

Aseing da" Dang: Theing Kuid: ri yu lho: rheing" dang moo ke" wigi hau: ayam mo kuid: daloem: moo nanu" da" yooboo shid re" byid: jhungshug ein: da" nyang: ri foin: kaid sheing: yo' koid da" soolhoo: joem ri kaid too" wa zi nghoid. Rheing" ri nya: khyoo: khyo" wigi so" shid" nhang: lho: nyang: kyeing" za: so" loo" nhang: wa zi nghoid.