1 SAMUELA 5:7 - Lacid Common Language Bible

⁷ Bue" loo bye: da" khyoo: ri nyangnu" myang lang" nyangnu" gi «Israela yi Mangsoo gi nyhang" ri we' nyha" da" yu phara" Dagon ri we' dam byid: nyid bye:. He: joyoo moo Dang: Theing Kuid: ri ngoonu" yo" too" loo: wa zi anghoid» ga: tid nyid ago".

1 SAMUELA 5:7 교차 참조

2 SAMUELA 6:9

Hau: thang: David we' Aseing ri gyoug ziyo' «Akhid" he: Dang: Theing Kuid: ri ngoo khasu" ci: loo" wa la"» ga: tid.

1 KHOKHAM MHOOMYID: 15:13

Ciwim gari: xang: shi" lheing: hau: ziri vu wa shid re" nanu" hougmoo: anyid boem yoomo we' nanu" nyang: we' noku eung: ziyo' dayhang: ti" anoku yoomo nyha" Aseing Mangsoo gi nyhang" ri yooboo dam byid: bye:» ga: tid da:.

THU' LO" MOUGSOUG" 10:7

Khokham da" gyizoug: yigi nyang: ri «He: byu yigi kha: myhang ju" sho' ngoonu" ri yau: khe" khyoo: byid: nyid shigoo" wa la". Nyangnu" Aseing Mangsoo ri yo" noku wa shid re" Israela yuggi yiri yhe: wa akhang" byid: kaid we'. Egutu mung" bain yoin" lo" ziri nang aboin: rhe"» ga: tid ago".

THU' LO" MOUGSOUG" 12:33

Egutu byumyu" yigi «Nanu" athu loo" nghoid rigi ngoonu" dangain" mo, shid: wa zi nghoid» ga: tid wigi byumyu" yi hau: mung" mo myab myab thu loo" wa shid re" jhoin" ago".

THU' LO" MOUGSOUG" 8:28

Khokham phoo gi «Nanu" vi: khyoo: ayhe: nghoid rigi ngoo nanu" ri nanu" da" Aseing Mangsoo ri yhe: noku xoin" to' wa shid re" dain" pyoid yoo khyoo: yhi: wa akhang" byid: wa. Nga" shid re" we' akyu" bo mho' byid we'» ga: tid.

THU' LO" MOUGSOUG" 8:8

Khokham gi Moshe yo' Arun ri khe: wigi «He: pooleig joem ri yu pyam wa shid re" Aseing ri akyu" mho' byid: ge'. houg: lang" re" byu yi yhe: wigi Aseing ri yo" noku wa shid re" ngoo nyangnu" ri nhang: kaid byid: wa» ga: tid da:.

THU' LO" MOUGSOUG" 9:28

Aseing jhang akyu" mho' byid: we'. Mouggoem: goem: ziyo' leigvoo khyo' zi he: gu: gi" bye:. Nanu" yhi: wa shid re" akhang" byid: bye: ein: ngoo dangsoo" byid:. Nanu" hid: moo khanham we' shoug" nyid loo: wa zi anghoid» ga: tid.

YEREMIA 46:25

Israela da" Mangsoo myhang: thang Aseing tid zigi «Ngoo gi Thebe yu phara" Amon ri Egutu yo' nya: yu phara" joem khokham yi yo' dage" yooboo doem byid: wa. Ngoo gi Egutu khokham ri yo' nyang: ri loem khau: nyid da" bang: dangain" ri shu" yu lho:

YEREMIA 48:7

«Moba we"- nang gi re" yoem: ri yo' re" jonu" ri loem khau: da:. Nghoid loug we' akhid" lang" nang ri oung: pyam zi shau" abye:. Re" da" yu phara" Khemosha gi nya: da" khokham nu" yi yo' khainjung yi yo' dage" pyoung" shu" lo" zi shoug" wa.

1 SAMUELA 4:8

Hid: yhang: te" da" yoem: so' gyi: da" yu phara" yi lo, mo ngoonu" ri hang" yo" khoid yu wa lha". Hau: yu phara" gi Egutu byumyu" yiri midcoo: doem: moo said toem" pyam bye: zi nghoid.

1 SAMUELA 5:6

Aseing gi Ashdod voobyu yiri gye" thain: da" dam byid: bye:. Nyang: gi nyangnu" ri we' nyangnu" da" ayam aqei: moo nyid da" byumyu" yiri we' shoo" pu' shoo" cab byeing myug nhang: khyo" wigi nyangnu" ri dam kaid bye:.

1 SAMUELA 5:8

Hougsu" nghoid yoomo nyangnu" gi lagyoo: yiri nhang: kaid wigi «Philisti khokham wim yug ri khe: zheung" to" lho: nyangnu" ri Israela byumyu" yi da" Mangso Dang: Theing Kuid: ri nyhang" khasu" koid wa lha"» ga: myid: go" nyid. Nyangnu" gi «Hau: ziri Gad voogung moo yhe: too" ge'» ga: tid kaid lang" nyangnu" we' hau: ziri Philisti yi da" voogung daloem: nghoid da" Gad voogung moo yhe: to" too" bye:.

1 SAMUELA 6:20

Hougsu" nghoid yoomo Bed Sheme voobyu yigi «Gyeung" shang: da" Aseing Mangso shidkhoin" moo hang" yo" yab jo, wa lha". Ngoonu" jang" mo nyang: ri khakhyoo: yo" nhang: kaid wa lha"» ga: wigi tid nyid boem ago".