1 SAMUELA 5:10 - Lacid Common Language Bible

¹⁰ Hougsu" nghoid yoomo nyangnu" gi gootu: Philisti voogung nghoid da" Ekron voogung khyoo: hau: Dang: Theing Kuid: ri byid: kaid ago". Nghoid loug we' Kuid: gi houg: moo ju" lo" da" uri byumyu" yigi «Ngoonu" ri said pyam wa ga: Israela byumyu" yi da" Mangso Dang: Theing Kuid: ri nyangnu" hid: khyoo: ci: ri goo" nhung:» ga: yoid ngau nyid ago".

1 SAMUELA 5:10 교차 참조

2 SAMUELA 7:9

Nang so" yen" da" joyoo khang" moo" ngoo nang yo' dage" nyid nyid nang oung: doid wa shid re" re" gyivoo yi dangain" ri ngoo khaid zain: pyam byid: bye:. Mougmyid gyab goin" jang" moo nyid da" gyi: thang vhujhung: yi dangain" bang: yhang: ti" ngoo nang ri myeing gyi: nhang: wa zi nghoid.

2 KHOKHAM 1:2

Israela khokham Ahazia gi Samari mo nya: khokham kho" yhoemkhung: tho' moo jo, da" gyam" tho' mo byid gyo" wigi xoo: sho' dam dab da:. Houg: yoomo nyang: gi nyang: gi wa agi wa ein: ziri si' wa shid re" Ekron voomoo" mo Philisti yi da" yu phara" nghoid da" Balazebu ri yhe: myid: wa shid re" lagyoo: dayham" ri nhang: kaid da:.

1 KHOKHAM MHOOMYID: 7:21

Zabad- Shuthela bang: nghoid da:. Ephrim gi Shuthela mo jain" lho: Ezera yo' Elead ga: da" yuggi zoo: gootu: eig yug yo" ashi". Hau: eig yug gi moug: seing: Gad byu yi seing: da" gougnyhoug joem ri khau" wa soin' uri said pyam shau" da:.

AMO 1:8

Ngoo gi Ashdod voomoo" yo' Ashkelon voo mo vhoeb khang" bang: ri yu pyam wa nghoid. Ekron voomoo" ri we' ngoo yooboo dam byid: wa. Hau: lho: deung jo, shi" da" Philisti byumyu" yi dangain" gi shid: lo" boem wa nghoid» ga: tid.

AMO 6:2

Nanu" gi Khalna voomoo" khyoo: yhe: lho: yu" yu" we'. Houg: lho: Hamad voomoo" khyoo: xo' yhi: we'. Philisti mung" mo Gad voomoo" ri yhe: yu" we'. Hau: voomoo" joem gi Yuda mung" yo' Israela mung" tho' moo je ge la". Nyangnu" mung" gi nanu" mung" tho' moo je gyi: la".

YOSHU 13:3

Mougpyi: shoid Avim mougmyid dangain" (Egutu mung" mougkyoo" Shihora gyid zoo: lang mo zi mougzhung: shoid Ekron mougkyoo" ju sho' gi Khanan byumyu" yi da" mung" ga: myid to" boem da:. Gaza- Ashdod- Ashkelon- Gad- Ekron moo: nyid boem da" Philisti khokham yi bo bo ago".)

YOSHU 15:11

Mougkyoo" gi Ekron mougzhung: bouggung khyoo: ju"- Shikeron shoid khyoo: lheing: lo"- Bala boem ri lid phyed wigi Yamnia khyoo: ju" da:. Hau: zigi Meing: gung panglai: moo: lo" thang da:.

YOSHU 15:45

Hougmoo: Ekron yo' voogung joem yo' voozoo: joem.

TARHA" AGYI 1:18

Aseing Yuda kung: yiri pang" thoug byid: wigi nyangnu" gi boem moug: ri yo" seing: yu ago". Nghoid loug we' nyangnu" Gaza- Ashkelon- Ekron yo' lheing khoem mo mougmyid joem rigi ayo" khaid oung: pyam nghoid ago". Gyid yam cang nyid boem da" byumyu" yigi joto' gyi myang: rheing" yo" boem wigi Yuda byu yigi nyangnu" ri ayo" khaid thu pyam nghoid da:.

1 SAMUELA 17:52

Israela byumyu" yi yo' Yuda byumyu" yigi yoid nyho: wigi nyangnu" thang: khyoo: Gad yo' Ekron voogung khyam: khoem" ju" sho' dakhyoo: goin" cang khaid boem ago". Philisti byumyu" yi dam dab bang: we' Sharim mo zi Gad yo' Ekron ju" sho' dakhyoo: moo" goin" leung jo, boem ago".

1 SAMUELA 5:11

Hougsu" nghoid yoomo nyangnu" gi Philisti khokham yiri doem zheung: khe: yu wigi «Israela byumyu" yi da" Dang: Theing Kuid: ri nya: joyoo xoug" moo lo" doem too" byid: loo shang. Houg: lang" nyhang" ri we' nyha" da" ikoin deungkhu: byu yiri we' hau: ziyo' yo" said pyam wa zi anghoid» ga: tid nyid boem ago". Mangsoo gi nyangnu" ri gye" thain: da" dam kaid nyid yoomo voogung goin" dain ci' nyid ago".

1 SAMUELA 5:9

Nghoid loug we' hau: Kuid: houg: moo ju" jo, thang: ri Aseing gi hau: voogung moo we' gyoug dain' pho" noo phyoo" ri byid: bye:. Hau: voogung moo nyid da" byu nge zoo: gyi: zoo: dangain" ri shoo" pu' shoo" cab bui" nhang: da" byeing no dam ri kaid byid: bye:.

1 SAMUELA 6:1

Aseing da" Dang: Theing Kuid: gi Philisti moug moo lhammoo" nyhed khyab jo, thang: ri