1 SAMUELA 4:21 - Lacid Common Language Bible

²¹ Nyang: gi zoonu" myeing ri Ikhabo ga: myheing byid: bye:. Hau: zigi Mangso phung" yoeb Israela byumyu" yi jang" mo thu lo" byug bye: ein: da" dang: kang: ri yu zi nghoid. Hau: zigi Dang: Theing Kuid: ri lhoid yu phyug ziyo' nya: vang moo" yo' nya: yhoem: seing: phoo shid: lo" khyoo: ri dang: kang: tab yu zi nghoid.

1 SAMUELA 4:21 교차 참조

COUNG" NGHEI 106:20

Nyangnu" gi Mangso da" myonhoo: phung" yoeb ri vufu" zo: da" gougnyhoug soolhoo: yo' thid go" pyam bye:.

COUNG" NGHEI 26:8

O" Aseing we" re" phung" yoeb jo, da" yhoem: nang nyid da" yhoem: ri ngoo jheddab nyid.

COUNG" NGHEI 78:61

Nya: da" yoem zeing so, moo" yo' myonhoo: phung" yoeb da" alhoo: nyid nyid da- Dang: theing kuid: ri nya" gyivoo joem lhoid yu wa akhang" nyang: byid: pyam bye:.

COUNG" NGHEI 78:64

Khainjung yigi- athoug" akhyoug: leung byed suid" shoin: khyoo: moo shid: lo" byoug boem wigi Nyangnu" da" coung" moo" myhi' yiri koug shu: ngoug wa da" akhang" abyid.

YEREMIA 2:11

Gootu: kha: byumyu" yi we' Mangsoo gyeing" anghoid da" Nyangnu" yu phara" joem ri athed pyam yu" nghoid da:. Nghoid loug we' nga" byumyu" yigi nyangnu" ri ngi: shab byid lo da" Mangsoo ngoo ri Nyangnu" shid re" ci ayo" koid byid: da" yu phara" joem yo' thid go" pyam abye: go".

NGOUG JI: 2:1

Aseing gi nyang: nheig yo: wigi Ziun ri: ceig no, ziyo' nghoeb to". Nyang: gi mougkhung: mo gyi: sheung: reung: da" khyoo ri: byo, yoin" khyoo: bue" loo" nhang: bye:. Nyang: nheig joem: yo: lo da" bidnyid moo: nyang: gi nya: Noku Yhoem: Moo" rilang" she: pyam too" khari" bye:.

HOSEA 9:12

Nyangnu" zoo: khu: gyi: lo nghoid rilang" houg: bang: ri ngoo shu" yu pyam byid: lho: adei dayug ri we' ateing too" byid: loo wa. Ngoo gi he: byumyu" yiri she pyam too" khoo' lang" nyangnu" moo gyoug dain ja: joem bui" goo" wa» ga: tid da:.

1 SAMUELA 14:3

(Shilo voogung mo Aseing da" khainjung nghoid da" Eli myid: zoo: Phineha da" zoo: Ikhabo nya: mang: Ahitub da" nya: zoo: khainjung byikua" void ci: da" Ahiya we' bo nyid da:.) Yonathan thu lo" byug ziri hang" we' ase' kaid nghoid boem ago".

1 SAMUELA 2:34

Re" zoo: Hobni yo' Phineha tang: gi danyid" dam shid: lo" ri hau: zigi ngoo tid to" dang: dangain" ziyo' dakhyoo" ti" gyeing" nyang: bue" lo khyoo: nang ri ci: shug wa zi nghoid.

1 SAMUELA 3:12

Hau: bidnyid moo Eli da" Deungkhu: ri thougtheung wa shid re" tid kyug da" dangain" ziri koid shid" jang" mo bain da" ayo, moo ju" sho' ngoo ci: shug wa zi nghoid.

1 SAMUELA 4:11

Mangso Dang: Theing Kuid: ri we' lhoid yu lo" byug wigi Eli da" nya: zoo: tang: Hobni yo' Phineha ri we' said pyam zi shoug" bye:.

1 SAMUELA 4:22

Nyang: gi «Mangso da" Dang: Theing Kuid: lhoid yu phyug bye: yoomo Mangso da" phung" yoeb Israela byumyu" yi jang" mo thu lo" byug bye:» ga: tid.