1 SAMUELA 3:11 - Lacid Common Language Bible

¹¹ Aseing nyang: ri «Danyid" nyid" ri gyoug dain pho" moo" zoo" ri Israela byumyu" khoug: moo ngoo koid wa. Houg: khyoo: ri shoug" gyoo: bang: dangain" mo, khyid: bug loo" sho' dain zi shoug" wa.

1 SAMUELA 3:11 교차 참조

2 KHOKHAM 21:12

Houg: yoomo Israela da" Aseing Mangsoo ngoo gi houg yhang: ti" yau: khe" kyi" khyeug ziri Yerusalem yo' Yuda mung" dang moo bui" nhang: loo wa. Hau: khyoo: ri shau" gyo: da" mo, yugkhang" moo"- mau" byug goo" wa.

YOBA 41:9

Main: jung: ri myang su: hang" nghoid loug we' voem" myid byug lo" wigi myidjang khyoo: leung gyoo" lo" ago".

ESAIA 28:19

Hau: zigi danab thang: danab xo' gi xo' gi nanu" ri baid lo wa. Nanu" gi myen" ri nyid" ri hau: ziri voin ca" goo" wa. Aseing mo ju" re" da" mungdang: aseig khoin" khang" moo" gi gyoug ci' ca" ja: aseig bui" nhang: loo wa.

ESAIA 29:14

Houg: lho: ngoo gi amyid to" da" ja: daloem: thang: daloem: wigi nyangnu" ri dain moug" nhang: wa. Phajhi" boo bang: ri koodoug: bui" loo" nhang: wa. Nyangnu" da" se' jhang: nheig bo: khyoo: dangain" gi ajain" bui" wa» ga: tid.

YEREMIA 19:3

Aseing gi tid fu" wa shid re" ngoo ri «Yuda khokham yi we"- Yerusalem voobyu yi we"- ngoo myhang: thang Aseing- Israela da" Mangsoo tid wa ziri tam" gyoo: ge'. Shau" gyoo: bang: yugkhang" moo" gyo: dain moug" byug sho' da" yau: khe" kyi" khyeug ziri he: joyoo moo ngoo bue" nhang: wa.

HABAKU 1:5

Hau: thang: ri Aseing nya: byumyu" yiri tid zigi «Nanu" da" ayam aqei: mo da" byumyu" yiri zung" yu" nyid we'. Nanu" yo" myang zigi moug" goo" wa nghoid. Nanu" gi hau: khyoo: shau" gyo: uri aloem" wa da" khyoo: daja: ja: ri ngoo koid shug" loo wa zi nghoid.

LUKA 21:26

Mougkhung: tho' mo yoem: vhoo" joem ri nyangnu" da" moozoo" mo khaid khyo' kaid zi shug yoomo myidjang: tho' moo bue" loo wa shid' gyoin noo gyoin ri myang yoomo byu yi gi gyoug dain coid leung lo" boem wa.

ACTS 13:41

Polu yo' Barnaba gi hau: tarha" jung mo thu' lo" nyid uri mung" byu yi gi nya: eig yug ri thang: Dougno: Bidnyid moo doem re" kho" kyoo" byid: wa shid mo mho' kaid ago".

1 SAMUELA 3:10

Aseing gi houg: moo re" yab kaid lho: shid mo yhang: ti" «Samuela- Samuela » ga: khe: nyid. Samuela gi «Tid we' Aseing we"- re" dei zoo: ngoo tam" gyo: nyid» ga: tid bye:.

1 SAMUELA 4:10

Philisti byumyu" yigi yoem: theung wigi xo' zain: loo" yoomo Israela byumyu" yiri oung: pyam bye:. Israela bang: we' nyangnu" da" yhoem: khyoo: phang: lo" abye: go". Houg: moo gye" said pyam yoomo Israela gyizoo: yigi soem" moin shid bye:.