1 SAMUELA 3:1 - Lacid Common Language Bible

¹ Hau" bidnyid joem moo zooshang: Samuela gi Eli da" jhau" shid da" akhoug: moo Aseing ri dei dei byid: nyid ri Aseing jang" mo mungdang: we' athei" thu- nya: jang" mo we' ce" myo, myang we' athei" amyang wim nyid da:.

1 SAMUELA 3:1 교차 참조

COUNG" NGHEI 74:9

Ngoonu" da" gyeung" shang: alhoo: again' joem dangain" ajo, loo. Hau: joyoo moo: Lapi: dayug we' anyid lo: ziyo' khamyhang myang" sho' hid: yhang: ti" bue" jo, wa ziri hang" we' asi, loo.

DANG: ZHOEM 29:18

Mangso khyoo: shed zi ashau" yu da" mungdain: gi abyoo asain" bue" nyid Mangso da" tarha" ri cang su: gi gau yi nghei pyo: nyid.

ESAIA 13:12

Kangso' dei lho: nyid deing gyoo" bang: gi sheing: tho' je neing: loo" khari" wa.

EZEKIEL 7:26

Yau: khi" kyi" khyeug gi daja: thang: daja: cang lo wigi age da" lu dang: gi byeing abyid xo' loo: xo' ju" yau vang lo nyid wa. Nyangnu" gi nyangnu" da" ju" loo wa da" ayo, khyoo: ri myang ziri tid kyoo" wa shid re" lapi: yiri mho' loo goo" wa. Khainjung yigi byumyu" yiri jhau" shid wa ci ayoo" goo" wa. Byu zeing yigi phajhi" byid: wa ci: ayoo" goo" wa.

1 SAMUELA 2:11

Hau: thang: ri Elakana ri Rama voogung moo jo, da" nya: yhoem: khyoo: doem loo" nghoid loug we' zooshang: Samuela gi Shilo voogung moo nyhid: kho' wigi khainjung Eli da" lo, khoug: moo nyid lho: Aseing da" moo" zoo" ri zei: nyid da:.

1 SAMUELA 2:18

He: ayo, ri zooshang: zoo: Samuela gi gyeung" shang: da" zin: yung" pain" byikua" ri void ci: wigi Aseing ri dei byid: nyid da:.

1 SAMUELA 2:35

Ngoo ri loem" jeung" da" khainjung dayug ri ngoo khyen: yu wa nghoid. Ngoo nyang: ri zei: nhang: nau gu: dangain" ri zei: loo" wa zi nghoid. Ngoo khyen: to" da" khokham shidkhoin" moo pyaid goin" dei byid: nyid wa shid re" byumyu" akung: ri ngoo byid: wa zi nghoid.

1 SAMUELA 2:36

Kangso' dei deing nyid shi" da" re" akung: ako' mo hang" nghoid loug we' hau: khainjung jhang khyoo: yhe: wigi ngei yo' zoo: shug nya: jang" mo yhe: mho' ca" wa zi nghoid. Daja: ja: shoug" zoo: wa shid re" khainjung yi bo pang" baja" ga: akhang" mho' ca" wa zi nghoid.

1 SAMUELA 3:15

Samuela gi nab soin: ju" sho' yhoeb joyoo moo nyid nyid da:. Hau: thang: ri nyang: to' wigi Aseing da" yhoem: khoem" duang: ri phang kaid. Hau: nugyoo: gyo: da" dang: ri Eli ri tid kyoo" wa ziri nyang: gi gyoug nyid da:.

1 SAMUELA 3:21

Aseing gi Samuela jang" moo thu shug wigi dang: tid yu" bye: da" Shilo joyoo moo nya: gung nyang: doem thu shug nyid zi nghoid. Samuela gi dang: tid nyid uri Israela byumyu" yi dangain" bang: gi tam" gyo: nyid boem.