1 SAMUELA 27:10 - Lacid Common Language Bible

¹⁰ «Akhid" nang khayoo: yhe: khaid zain: nyid la"» ga myid: lang" David gi nyang: ri «Yuda mung" mougpyi: shoid- Yeramela akung: yi da" mougmyid- Keni byumyu" yi nyid da" moug: ju" sho' yhe: khaid" zain: bye:» ga: tid.

1 SAMUELA 27:10 교차 참조

APOEM AYANG: 27:24

Nghoid loug we' nyang: gi «Nang Eso gyeing" nyang: nghoid rhe"» ga: doem myid:. Nyang: gi «Ngoo nghoid» ga: doem tid.

2 SAMUELA 17:20

Absalom da" moo" gyizoug: yi yhoem: khyoo: re" wigi myiyi: myhi' ri «Ahimaza yo' Yonathan khamoo nyid» ga: re" myid: bye:. Nyang: gi «Gyid lang thu: tab dab loo" khari" bye:» ga: tid. Byu yigi nya: tang: ri cang sho: nghoid loug we' amyang yoomo Yerusalem khyoo: doem tau" loo" bye:.

1 KHOKHAM MHOOMYID: 2:25

Hezron da" zooshid" yuggi zoo: Yeramela gi yuggi zoo: wim: yug yo" da:. Houg: bang: gi zooshid" Ram- Buna- Oren- Ozem- Ahiya bang: nghoid.

1 KHOKHAM MHOOMYID: 2:9

Hezron gi Yeramela- Ram yo' Khaleb ga: da" yuggi zoo: soem" yug yo" da:.

COUNG" NGHEI 119:163

Ngoo gi mhau, fain' khyoo: joem dangain" ziri ngheung" ziyo' nheig no nyid. Nghoid loug we' ngoo gi re" da" tarha" ri jheddab nyid.

COUNG" NGHEI 119:29

Shoid vhang: da" khyoo: moo: so" yhe: lo" jang" mo ngoo ri khyoo: shed yu byid: we' Re" da" ge lho, khyoo: moo: ngoo ri re" da" tarha" jhau" byid: we'.

DANG: ZHOEM 29:25

Subi" gooje, wigi nang ri ciga: goo" wa la"» ga: myid ci: khyoo: gi gyoug ci' ca" nyid. Nghoid loug we' Aseing ri loem khau: nyid nghoid rikoem gi nang gau: nyu: nyid wa nghoid.

GYUNG: SOO" 24:21

Nyang: myo, myang myang jang" moo Keni byumyu" yiri myang lho: he lapi: dang: ri tid bye:. «Nanu" nyid da" joyoo gi gau: goem jo, da" lug pyo' mo myhang: da" joyoo moo: koid to" da" ngho' soid yo' dayhang: ti" gau: goem nyid.

Ephesu 4:25

Houg: yoomo mhau' da" dang: ri atid nyid goo"- yug khang" moo" gi nyang: nya: da" loem" jeung" phung byu mang nhung" phoo ri deingmain" da" dang: za: da tid nyid goo" baja"- Khasu" wim gari ngoonu" dangain" bang: gi Khristu da" gung du: mo akung: ako'' joem za: nghoid nyid boem.

TARHA" AGYI 1:16

Moshe da" yug phoo Keni da" amyed ashen" yigi thab gam voomoo" Yerikho mo Yuda byumyu" yi yo' dage" Yuda mung" khoug: mo Arad mougpyi: shoid dain" pyoid yoo khyoo: cang yhe: lo" da:. Nyangnu" gi Amaleg byu yi phung: moo yhe: de: nyid boem.

TARHA" AGYI 4:11

Hau: ayo, moo Keni byu Hebera gi nya: Zoem" ri Kedesha yo' tab tab Zananim mo Shookhi" gam nam moo koid to" da:. Nyang: gi Moshe da" nya: khau: Hoba da" amyed ashen yi nghoid boem da" Keni byu gootu: yi yo' gang: lo" da:.

TARHA" AGYI 5:24

Gam ge thang da" myiyi: myhi' gi Yaela nghoid. Nyang: gi Keni byu Hebera da" yhoem: seing: myhi' nghoid da:. Nyang: gi zoem" joem khoug: moo nyid da" myiyi: yi tho' gam ge thang yug nghoid da:.

1 SAMUELA 15:6

Israela byumyu" yi Egutu mung" mo thu lo uri Keni byumyu" yi da" phoug" phyid" yi jheddab myid ci: shug too" yoomo nyangnu" ri tid poin" kaid nhang: zigi «Amaleg byumyu" yi yo' dage" nanu" ri ngoo ashau" said pyam baja"- nyangnu" jang" mo thu phang: lo" byug ge'» ga: tid nhang:. Hougsu" yoomo Keni byumyu" yi we' thu lo" byug bye:.

1 SAMUELA 21:2

David gi «khokham moo" zoo" yo' he: joyoo khyoo: ju" re" zi nghoid. Nyang: ngoo ri koid nhang: da" moo" zoo" hang" ri we' asi' nhang: ga" wigi pyeung: kaid da:. Akhid" nga" byu yiri koem gi tid go" to" da" joyoo moo: ngoo yo' shoug" goo" wa shid re" nyangnu" ri tid too" bye: zi nghoid.

1 SAMUELA 23:27

Hau: uri nyang:- lagyoo: dayug ju" lo wigi Sholu ri «Akhid" nyang: tau" loo we' Philisti byumyu" yi nyha" mung" khoug: khyoo: meing: zain: vang loo bye:» ga: tid da:.

1 SAMUELA 27:11

Gad voogung khyoo: lo" wigi nyang: yo' nya: byu yi gyeing" koid bye: khyoo: ri ayo" lo" tid khyoo" sho' David gi myiyi: yuggi dangain" ziri said pyam bye:. David gi Philisti moug: moo nyid ayo, dangain" moo hid: su' kyeing" koid bye:.

1 SAMUELA 29:8

David gi «Ngoo ce: noem shoid bye: lha" aseing we". Nang tid yhang: ti" ngoo nang ri xang: shi" dei byid: nyid" mo akhid" nyid" ju" sho' nga" adang moo: nang yooboo ciwe' amyang nghoid rigi nga" aseing yo' khokham nghoid da" nang yo' dage" re" gyivoo ri ngoo ciwim yoomo ayo" bo vang zain: wa lha"» ga: tid.

1 SAMUELA 30:29

yo' Rakhala voogung joem mo byumyu" yi jang" moo we' Yeramela akung bang: ri we' Keni byumyu" yiri we'