1 SAMUELA 27:1 - Lacid Common Language Bible

¹ David gi «Danyid" nyid" ri Sholu gi ngoo ri said pyam wa myang. Philisti byumyu" yi jhang khyoo: phang: vang rigi nga" shid re" je gi wa. Hau: thang: Sholu gi Israela mungdain moo ngoo ri sho: nyid zi theing: byug lang" gau: nyu: nyid wa zi nghoid» ga: nya: oungkhoug: moo: myid nyid da:.

1 SAMUELA 27:1 교차 참조

1 KHOKHAM 12:26

Nyang: gi nya: gung nyang: ri «Akhid" gi hid: joem yoomo nga" byumyu" yi Yerusalem khyoo: yhe: wigi houg mo Noku Yhoem: Moo" khoug: moo: Aseing ri xoin" yhe: to' nghoid rigi nyangnu" gi Yuda khokham Rehoboam jhang khyoo: nyangnu" myid lheing: loo" wa nghoid wigi ngoo ri said goo" wa zi nghoid» ga: myid nyid.

1 KHOKHAM 12:28

Hau: ziri bain myid thang: ri nyang: gi sheing: nuloo: soolhoo: eig du: ri koid wigi nya: byumyu" yiri «Nanu" Yerusalem khyoo: lo" wigi noku wa shid re" gye" ve: nyid da:. Israela byumyu" yi we"- nanu" ri Egutu mung" mo shu" thu lo da" nanu" yu phara" gi he: joem nghoid da» ga: tid.

1 KHOKHAM 19:3

Elia gi gyoug ziyo nya: kangso' shid re" phang: gau" yen" bye:. Nyang: gi nya: dei zoo: ri shu" ci: wigi Yuda mung mo Berasheba khyoo: yhe: loo" bye:. Houg moo: dei zoo: ri nyhid: too" kho' wigi

2 KHOKHAM MHOOMYID: 25:17

Yuda khokham Amazia yo' nya: phajhi" byid: bang: gi Israela ri gyi kaid ago". Hau: thang: nyang: gi Yehoahaza da" yuggi zoo:- Yehu da" myid: zoo: nghoid da" Israela khokham Yehoasha ri lagyoo: nhang: kaid wigi gyi khaid wa nyang: ri lhung: da:.

COUNG" NGHEI 116:11

Ngoo gyoug ci zi shoug" nyid yoomo loem ge" byu dayug we' anyid, ein: tid uri we' ngoo loem khau: nyid.

COUNG" NGHEI 55:7

Ngoo moug: vi: khyoo: dang: lo" wigi siyoo moo: nyid nyid, wa.

THU' LO" MOUGSOUG" 14:12

Hidsu" bui" wa ziri nyhang" athu loo shi" uri nang ri ngoonu" atid rhe". Ngoonu" nyang: kyeing" yhe: wigi Egutu byumyu" yi join koid nyid shi" wa ein: nang ri ngoonu" tid bye:. He: dain" pyoid yoo mo shid: wa tho' mo gi houg moo join koid zishe' daje ge nyid» ga: tid boem ago".

DANG: ZHOEM 13:12

Nheig byu jang: thang byoug ri nheigloem: ri khyau" pyam byid: zi shoug" nghoid loug we' nheig byu to" ziyo' dakhyoo" ti" bue" lo da uri nang ri gau yi da" nheigloem: yo' byeung" loo nhang:.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

GYUNG: SOO" 14:3

Aseing gi hau: moug: khyoo: ngoonu" ri ciwim yoomo shu" loo la". Ngoonu" gi meing: zain: pui" moo said pyam zi shau" wigi ngoonu" da" yhoem: seing: myhi' yi yo' zooshang: yigi myheig she: lo" zi shoug" goo" wa. Egutu mung" khyoo: doem tau" lo" ri je agi wa rhe"» ga: tid bye:.

MATHE 14:31

Houg: lang" Yesu gi nya: lo, ri Petru jhang myab myab yhoin" kaid lho: zei: wigi tid zigi «loem" jeung" da" yoem: neing: su: we" ciwim wigi loem gyam nyid lha"» ga: tid.

MARKU 4:40

Houg: lang" Yesu gi nya: cangzoo: yi ri nanu" ciwim wigi houg: yhi' yhi toung" gyoug go" la".- Nanu" gi akhid" ju" sho' loem" jeung" myid' aboo goo" rhe" ga: tid.

2~KORINTHU 7:5

Makedoni mung" khyoo: ngoonu" ju" yhe: uri lang" gi ngoonu" moo myenjham" khyoo: ci: ayo" yu boem nghoid da. Joyoo loem: khang" moo" moo yau khe" jam jau shid: gyoin noogyoin'- gootu: byu yo' myeng: myoo: yhoo: she: khyoo: bo. Ngoonu" nheigloem: khoug: moo myid myooung: loug khyoo: aja: ja: thoung" shau" boem.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.

1 SAMUELA 20:3

Nghoid loug we' David gi «nang ngoo ri khayhi' jheddab nyid ziri re" phoo nyeing" za: se' nyid yoomo nang moo ju" sho' anoo nhang: noug yoomo za: nyang: khasu" lheing: nyid ziri nang ri asi nhang: loo: za: nyang: myid phyed too" bye: zi nghoid. Ngoo gi shid: wa lo, mo dabyi koo: daca" lo: ein: kangso' Aseing moo: ngoo nang ri theung to" byid: zi nghoid.»

1 SAMUELA 22:5

Hau: thang: lapi: Gad gi David jhang re" wigi «hid moo: anyid nyid loo:. Yuda mung" khyoo: dalheing dam loo" we'» ga: tid da:. Houg: yoomo David we' thu' loo" khare" wigi Hered kyoem: khoug: khyoo: yhe: loo" khari" bye:.

1 SAMUELA 23:17

Nyang: ri tid nyid zigi «Gyug aca"- Nga" phoo Sholu nang ri pyi: yo" shoo: wa zi anghoid. Israela khokham nang bue" loo wa ziri we' ngoo we' re" vhoo: mo aya: ri shoug" kham: yu wa khyoo: ri nyang: nyeing" za: se' nyid da» ga: tid.

1 SAMUELA 25:30

Hau: Aseing gi nang ri dang: soo" khoin" byid: too" bye: ziyo' dayhang: ti" ge da" moo" zoo" dangain" zi bain koid lang" nang ri Israela khokham bui" nhang: wa zi nghoid yoomo

1 SAMUELA 26:19

Myhang: thang aseing we" ngoo tid wa ziri tam" gyo: yu" we'. Aseing gi nang ngoo ri thougtheung wa shid re" re" myid ri thid nhang: nghoid rigi nyang: ri ngei" da" xoin" gi nya: myid ri yo" thid nhang: wa zi nghoid. Nghoid loug we' byu joem wigi he: ziri koid nghoid rigi hau: Aseing nheing" zigi nyangnu" adang moo zang" baja". Nyangnu" gi ngoo ri Aseing mougmyid mo zi tungbau yu phara" ri za: yo" no' da" moug: khyoo: yhe: wa shid re" khaid nyid ago".

1 SAMUELA 29:2

Philisti khokham wim: yug gi nyangnu" da" gyizoo: dashoo:- gyizoo: dakhyeing" ga: kho' to" ziyo' dayhang: ti" jen re" nyid boem. David yo' nya: byu yigi thang: moo: khokham Akhisha yo' dage" cang re" nyid boem.

1 SAMUELA 29:3

Philisti gyizoug: yi nyangnu" ri myang lang" «He: da" Hebre byumyu" yi hid: moo: cire" koid nyid lha"» ga: myid:. Akhisha gi «He: yug gi Israela khokham Sholu da" zoug: David ga: su: nghoid. Nyang: ngoo yo' nyid zi dajhi myang" bye:. Nyang: nga" jang" moo ju" re" da: nyid" mo yooboo foin: pho" moo" zoo" ciwe' akoid nghoid da» ga: tid.