1 SAMUELA 24:6 - Lacid Common Language Bible

⁶ Nyang: gi nya: byu yiri «Hau: Aseing khyen: too" bye: da" khokham- nga" Aseing ri noo nhang: da" cite" moo" zoo" mo nghoid nghoid hau: Aseing ngoo ri toem pyam byid: baja" o". Nyang: gi Aseing khyen: to" da" khokham nghoid nyid yoomo ngoo nyang: ri dajhi' we' yo" noo: nhang: wa zi anghoid» ga: tid bye:.

1 SAMUELA 24:6 교차 참조

2 SAMUELA 1:14

David gi nyang: ri «Aseing khyen: to" da" khokham ri nang voem" said zigi khasu" lha"» ga: myid:.

2 SAMUELA 24:10

Nghoid loug we' David gi byu zhayhen" ri bain koid: thang: ri nya: emyed moo akhyi" akhyoid bue" lo ziyo' nyang: gi Aseing ri «Ngoo gi he: moo" zoo" ri koid lho: gyoug pho" da" yooboo ri shoid bye:. Jeju" mo yooboo ri khyoid pyam byid: we'. Ngoo gi koodoug: moo" zoo" ri koid bye: nhung:» ga: tid.

1 KHOKHAM 21:3

Nabod gi «He: zabyid khyam: gi nga" phoug" phyid" byid: too" kho' da" mid danghoid. Ngoo he: ziri nang ri byid: wa akhang" Aseing toem' nyid da» ga: tid.

MATHE 5:44

Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

Roma 12:14

Nanu" ri pyi: sho: shen" yhen loo mo ri mainkaid dang: tid byid: ge'. Nghoidbye nyanu" ri atau" nheing" looza: mainkaid dang: da tid nyid ge'.

1THESALONI 5:15

Hang" ri nghoid loug-shoid' su: ri shoid khyo" latoo: aphug goo" goo"- nanu" nyang: cang" moo we' byu dangain" bang: shid' re" we' ge da" moo" zei: wa jang" moo nanu" da" nheigloem: moo khanham we' soin' jen" too" ge'.

1 SAMUELA 12:3

Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa» ga: tid.

1 SAMUELA 24:7

Hougsu" nghoid yoomo Sholu ri nyangnu" akhaid said wa khyoo: ri David gi nya: byu yiri se' gyoo: sho' tid kyoo" bye: zi nghoid. Sholu gi to' wigi lug khyung: mo thu' lo wigi doem xo' so" yhe: loo" bye:.