1 SAMUELA 23:4 - Lacid Common Language Bible

⁴ Hougsu" nghoid yoomo David gi Aseing ri dalheing: doem myid: yu" ri Aseing gi nyang: ri «Philisti byumyu" ri yhe: said oung: wa da" akhang" ngoo nang ri byid: wa zi nghoid yoomo Kila voogung ri yhe: khaid zain: we'» ga: tid da:.

1 SAMUELA 23:4 교차 참조

2 SAMUELA 2:1

Hau: thang: ri David gi Aseing ri «Ngoo yhe: wigi Yuda voogung joem mo davoo moo yhe: vhoebkhang" wa lha"» ga: myid: da:. Aseing gi «Ge» ga: phug tid. David gi «Kha: voomoo"» ga: doem myid: Aseing gi «Hebron voomoo"» ga: tid.

2 SAMUELA 5:19

David gi Aseing ri «Ngoo Philisti byumyu" yiri meing: yhe: yo" zain: wa la". Nang ngoo ri oung: doid nhang: wa la"» ga: myid. Aseing gi «Nghoid bye: yhe: zain: we' ngoo nang ri oung: doid nhang: wa» ga: tid.

2 KHOKHAM 3:18

Elisha gi xo' lho: «Nghoid loug we' Aseing shid re" he: zigi gye" lei da" moo" nghoid da:. Nyang: gi nanu" ri Moba byu yi atho' moo oung: doid nhang: wa.

1 KHOKHAM MHOOMYID: 14:10

David gi Mangsoo ri «Philisti byumyu" yiri ngoo gyi yhe: zain: wa la". Nang ngoo ri ung: doid nhang: wa la".» ga: myid: da:. Aseing gi «Yhe: zain: we' Ngoo nang ri ung: doid nhang: wa» ga: phoug tid da:.

YOSHU 8:7

Houg: lang" nanu" gau" jo, jang" mo thu re" wigi voomoo" ri seing: yu ge'. Nanu" Aseing Mangsoo gi hau: voomoo" ri nanu" ri byid: wa.

TARHA" AGYI 6:39

Hau: thang: Gideon gi Mangsoo ri «Ngoo ri nheig ayoo- dang: dalheing: doem tid nhang: shi" we'. Jeju" mo soug" goug" yo' dalheing: doem jham" yu" nhang: shi" we'. He: lheing: gi soug" goug" ri hei' nhang: lho: myidgung ri jhu' nhang: we'» ga: tid da:.

TARHA" AGYI 7:7

Aseing gi Gideon ri ‹Ngoo gi nanu" ri khyoid yu lho: hau: gyid ri lo, yo' geig yu wigi yo, shug da" byu soem" shoo: yug yo' dage" Midian byu yiri oung: pyam wa akhang" ngoo nang ri byid: wa. Gootu: yugkhang" moo" ri yhoem: khyoo: tau" loo" goo" wa shid re" tid we'» ga: tid da:.

TARHA" AGYI 7:9

Hau: myen Aseing gi Gideon ri «To' lho: dab ri yhe: khaid zain: we'. Ngoo gi nang ri hau: adang moo oung: doid nhang: wa.

1 SAMUELA 10:22

nyangnu" gi Aseing ri «Hid: moo gootu: dayug yug nyid shi" anghoid rhe"» ga: myid: boem ago". Aseing gi «Sholu gi thei: jonu" boem da" nungthang moo gau" jo, da:» ga: tid.

1 SAMUELA 23:2

Hougsu" nghoid yoomo nyang: gi Aseing ri «Philisti byu yiri ngoo yhe: said wa la"» ga: myid: da:. Aseing gi «yhi: we' nyangnu" ri yhe: said wigi Kila voobyu yiri khyoid yu we'» ga: doem phoug tid bye:.

1 SAMUELA 23:3

Nghoid loug we' David da" byu yi gi nyang: ri «Ngoonu" he: Yuda mung" moo hid: yhi ca" nyid ri Kila voogung khyoo: yhe: wigi Philisti byumyu" yiri yhe: said shang ga: zigi je" soem" wa da" moo" zoo" nghoid nyid da» ga: tid ago".

1 SAMUELA 23:5

Hougsu" nghoid yoomo David yo' nya: byu yi Kila khyoo: yhe: wigi Philisti byumyu" yiri yhe: said bye: ziyo' nyangnu" myoo: sho' ri said pyam wigi nyangnu" da" gougnyhoug joem ri yu lo" boem bye: zi nghoid. Hougsu" wigi David gi hau: voogung ri khyoid yu bye:.

1 SAMUELA 28:6

Cikoid wa ziri Aseing jhang lo" myid: yu" bye:. Nghoid loug we' Aseing gi yhoebmo, moo we' Urim yo' Thumin koid jang" moo we' lapi: yi khyo" we' aphug tid nghoid da:.

1 SAMUELA 30:8

David gi Aseing ri «Hid: su" re" phyo' bang: thang: khyoo: ngoo cang wa lha". Ngoo nyangnu" ri cang myhi: wa la"» ga: myid:.