1 SAMUELA 20:9 - Lacid Common Language Bible

⁹ Yonathan gi «houg yhang te" zi myid nyang: amyid shoid nyid. Nga" phoo nang ri said wa shid re" myid phyed to" ziri ngoo gyeing" nyang: se' nghoid rigi nang ri atid kyoo" loo: nyid wa rhe"» ga: doem phoug tid da:.

1 SAMUELA 20:9 교차 참조

1 SAMUELA 19:2

Nyang: gi David ri «nga" phoo gi nang ri said wa shid re" soin' nyid zi nghoid. Jeju" mo nab kyoo' nang zid" lho: nyid we'. Goug: da" joyoo dakhyi' khyi' moo gau" wigi nyid nyid we'.

1 SAMUELA 19:3

Nang gau" jo, da" pa: cang nga" phoo da" anam moo yhe: yab jo, wigi re" da" khyoo: ri ngoo tid kyoo" wa zi nghoid. Ngoo daja: ja: shoug" se' nghoid rigi nang ri ngoo doem si' nhang: wa zi nghoid» ga: tid kyoo"

1 SAMUELA 20:10

Hau: thang: David gi «Re" phoo nang ri nheig yo: ziyo' phoug tid lo nghoid rigi ngoo se' sho' hang" re" tid kyoo" wa la"» ga: doem myid: bye:.

1 SAMUELA 20:38

Hougmoo: kyeing" ayab jo,- myab tang" we'» ga: nyho: tid. Houg: lang" zooshang: gi myoo: koid: ci: wigi nya: yhoem: seing: jhang khyoo: doem tau" loo bye:.

1 SAMUELA 20:42

Hau: thang: Yonathan gi David ri «Mangsoo gi nang yo' dage" nghoid baja" o". Hau: Aseing gi nang yo' ngoo ri we' re" akung: ako'' yiri we' nga" akung: ako'' yiri we' nyha" tang: agyoo: moo to" too" bye: da" deingbyeing" dang: theing ri apyaid atoo: geing: teing nyid nhang: wigi gyeing" nyang: deingbyeing" loo nhang: baja" o"» ga: tid bye:. Hau: thang: David thu' loo" khare" lho: Yonathan we' voogung khyoo: doem tau" loo" bye:.

1 SAMUELA 20:8

Je" ju" mo ngoo ri bo myid byid: shi" la o". Nang ngoo ri byid: bye: da" deungbyeung" da" dang: theing khoin" ri koid pyeing nyid we' o". Nghoid loug we' ngoo yooboo yoo" su: nghoid rigi nang nyang: ngoo ri said pyam we'. Ngoo ri said pyam wa zi da nghoid rigi ciwim yoomo re" phoo jhang khyoo: shu" loo" ca" wa la"» ga: doem phoug tid.