1 SAMUELA 20:8 - Lacid Common Language Bible

⁸ Je" ju" mo ngoo ri bo myid byid: shi" la o". Nang ngoo ri byid: bye: da" deungbyeung" da" dang: theing khoin" ri koid pyeing nyid we' o". Nghoid loug we' ngoo yooboo yoo" su: nghoid rigi nang nyang: ngoo ri said pyam we'. Ngoo ri said pyam wa zi da nghoid rigi ciwim yoomo re" phoo jhang khyoo: shu" loo" ca" wa la"» ga: doem phoug tid.

1 SAMUELA 20:8 교차 참조

APOEM AYANG: 24:49

Akhid"- nang gi nga" yhoem: seing: ri jeju" koid lho: gyoo: byid: nau nghoid rigi ge bui" wa ein: tid we'. Age bui" lang" we' age bui" ein: tid we'. Houg: lang" ngoo ci: xo' zei: wa ziri yo" si' wa nghoid» ga: tid.

APOEM AYANG: 47:29

Nya: shid: yo, gi jhang bye: yoomo nya: zoo: Yoseb ri khe: yu lho: «Re" lo, nga" tang" bau" agyo: moo kaid lho: nang gi ngoo ri Egutu mung" moo anyhoeb wa ein: jham' tang: we'.

2 SAMUELA 14:32

Absalom gi «Ngoo nang ri re" khi: nhang: ri nang aloo yoomo nghoid. Ngoo nang ri khokham jhang yhe: nhang: lho: nya: jhang nga" shid re" hid: su" ein: yhe: tid we'. Ngoo Geshura voomoo" mo hid: khyoo: cikoid thu lo lha". Ngoo hau: voogung moo nyid zigi nga" shid re" je ge nyid da» ga: tid. Absalom gi xo' lho: «Ngoo khokham ri yo" myang wa shid re" nang ri koid nhang: nau ziyo' nga" jang yooboo bo nghoid ri nyang: ngoo ri said pyam baja"» ga: tid.

1 KHOKHAM MHOOMYID: 12:17

David gi nyangnu" ri yhe: shau" wigi «Nanu" ngoo ri pang" thoug wa bidnoem khyo" re" nghoid rigi hid: moo: nanu" ri tau yu da:. Ngoonu" yo' xo, tei" goo" shang. Nghoid loug we' nanu" ngoo ri gyivoo yi lo, khyoo: ab byid: wa soin' boem nghoid rigi nanu" ri ngoo dam atab sho' nghoid loug we' ngoonu" da" phoug" phyid" yi da" Mangsoo gi hau: ziri se' wigi nanu" ri yooboo dam byid: wa» ga: tid.

COUNG" NGHEI 116:11

Ngoo gyoug ci zi shoug" nyid yoomo loem ge" byu dayug we' anyid, ein: tid uri we' ngoo loem khau: nyid.

DANG: ZHOEM 3:3

Loem, ge" ziyo' jhug zoug da" nheigloem: ri khanham we' ashe: pyam. Hau: ziri re" da" leung zeung: moo" void ci: wigi re" da" nheigloem: khoug: moo: lhed" too" we'.

ACTS 25:11

Ngoo gi tarha" shoid lho: shid: moin: da" yooboo yoo" su: nghoid rigi loid byoin wa shid re" ngoo amho, wa nghoid loug we' nanu" ngoori yooboo foin: nyid da" khyoo: gi adeung amain" khyoo: nghoid ziri nyangnu" da" lo, khyoo: ngoori hang" we' ayo" ab, byid: nghoid ago". Ngoori khosen" pho, da" shid' khoin" khyoo: lhai: to' kaid wa ziri ngoo mho' nau,- ga: tid.

YOSHU 2:14

Hau: yuggi eig yug nyang: ri «Ngoonu" tid ziyo' dakhyo" ngoonu" akoid nghoid rigi Aseing gi ngoonu" kangso' ri yu pyam baja" o". Ngoonu" cikoid bye: khyoo: ri nang hang" ri we' atid kyoo" wa nghoid rigi he: mungdain: ri Aseing gi ngoonu" ri byid: uri nanu" ri ngoonu" nyeing za: koid wa ein: ngoonu" nang ri dang soo" byid: wa» ga: tid da:.

YOSHU 22:22

«Myhang: thang zigi Mangsoo nghoid. Nyang: gi Aseing nghoid da:. Myhang: thang zigi Mangsoo nghoid. Nyang: gi Aseing nghoid da:. Nyang: hau: ziri ciwim koid lid lo ziri nyang: se'. Houg: lho: ngoonu" we' nanu" ri si' nhang: nau da:. Ngoonu" gyi koid wigi Aseing ri loem khau myid abo nghoid rigi ngoonu" ri adei anyid nhang: loo: goo".

RUTHA 1:8

Naomi gi dumoo" eig yug ri «Nga" dumoo" tang: we" re" eig yug da" re" myhi' re" phoo bang: jhang khyoo: doem loo" ge'. Re" eig yug gi shid: loo" su: eig yug ri we' ngoo ri we' zei: zhoo" loo bye: ziyo' dakhyoo" ti" Aseing gi re" eig yug ri mainkaid byid: baja" o".

1 SAMUELA 18:1

Sholu yo' David dang: bain doem go" thang: ri Sholu da" nya: zoo: Yonathan gi David ri gye" nheig dab wigi nya: gung yo' dayhang: ti" re" jheddab yu bye:.

1 SAMUELA 18:3

Yonathan gi David ri gye" jheddab yoomo nyang: yo' dapyaid datoo: byencang" koid wa shid re" dang: theing too" bye:.

1 SAMUELA 20:16

Nyha" eig tang: agyoo: moo to" to" da" dang: theing gi dageing: teing jo, shi" baja" o". Hau: dang: theing byo, lo" nghoid rigi Aseing nang ri dam byid: baja" o"» ga: tid da:.

1 SAMUELA 20:9

Yonathan gi «houg yhang te" zi myid nyang: amyid shoid nyid. Nga" phoo nang ri said wa shid re" myid phyed to" ziri ngoo gyeing" nyang: se' nghoid rigi nang ri atid kyoo" loo: nyid wa rhe"» ga: doem phoug tid da:.

1 SAMUELA 23:18

Nya: eig tang: gi dayug yo' dayug byencang" bue" nyid wa shid re" deingbyeing" da" dangsoo" to" too" bye: da:. David gi Horesha moo nyid kho' lho: Yonathan gi yhoem: khyoo: loo" khare" bye: da:.