1 SAMUELA 2:14 - Lacid Common Language Bible

¹⁴ Nyang: gi soem" khyoug: zu: yo' shoo" oug" moo thau" wigi yo" gu: ri khainjung jhang khyoo: yu loo" loo" koid nyid da:. Xoin" ngei" wa shid re" Shilo voogung khyoo: do, lo" da" Israela byumyu" yi dangain" ri hougsu" lhoem: lhung koid nyid boem.

1 SAMUELA 2:14 교차 참조

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

1 SAMUELA 2:29

Hougsu" nghoid yoomo nga" byumyu" jang" mo ngoo mho' da" xoin" yo' jhungshug joem ri ciyoomo myo, no, myid yo' yu" nyid go" lha". Eli we" nga" byumyu" yi ngoo ri byid: da" xoin" yo' jhungshug joem mo je ge da" gu: ri zo: xu: nhang: wigi re" zoo: yiri nga" tho mo ciyoomo phau" myang: nyid lha".

XOIN" NGEI" 7:34

Aseing gi gougnyhoug da" yanggang shoo" yo' lo, yo shoid boung sain: rigi gooki lid jhungshug khyo" Israela byumyu" yi jang" mo yu wigi khainjung yiri byid: to" da:. He: zigi ju" loo wa da" ayo, dangain" goin" moo: Israela byumyu" yi khainjung yiri byid: ca" da gu: nghoid da:.

MALAKHI 1:10

Yoem: moo" bo da" Aseing hid: su" ga: tid nyid «Nanu" gi nga" da" phoin: tho' moo akyu" abo da" myi: ri are" tab wa shid re" nanu" yugkhang" moo" gi nga" gyeung" shang: da" yhoem: khoem" ri myhid" byid: rigi gi wa zi nghoid. Ngoo gi nanu" ri yu" ngei wa khyoo" aboo- nanu" da" jhungshug ri we' ngoo avhoo:.

1 SAMUELA 2:13

byumyu" yi mo shoug" yu da" khainjung bang: yo' sen: da" gamboem joem ri we' cishu: anhang: boem nghoid ago". Hau: gungthid byu dayug yug gi nya: xoin" ngei" uri khainjung pho da" dei nhang: su: gi soem" khyoug: zu: ri ci: wigi ri" ri" koid nyid da" shoo" yhung shid" lo" uri

1 SAMUELA 2:15

Hau: lho: xu: ri xoin" anghe ngei" shi" uri khainjung pho da" dei zoo: re" wigi hau: xu: xoin" ngei" su: ri «Khainjung pho shid re" shoophoid phoid wa shid re" ngoo ri shoo" dajhi' byid: we'. Nyang: gi re" jang" moo jhoug too" bye: da" shoo" ri avhoo: ga: shoo" joem: kyeing" davho:» ga: re" tid.

MIKHA 3:3

Nanu" gi nga" byumyu" yiri zo: pyam bye: ago"- nanu" gi nyangnu" da" shooyid ri shid pyam byid: lho: shooyoug: ri khyau" pyam byid: boem ziyo' oug" moo yhung: loo wa shoo" ri yhang: ti" jab khyi' to" ago".