1 SAMUELA 19:6 - Lacid Common Language Bible

⁶ Yonathan tid da" dang: joem yoomo Sholu myid gyeing: lo wigi nyang: David ri asaid loo: ga: Aseing da" myeing moo: dang: theing koid too" bye: zi nghoid.

1 SAMUELA 19:6 교차 참조

YEREMIA 5:2

Nanu" gi Aseing ri noku ga: phau: tid fu" nghoid loug we' Nanu" tid ziyo' koid zigi azhung" nghoid ago".

COUNG" NGHEI 15:4

Nyang: gi Mangso she: pyam too" bang: ri bo co' nheug no lho: Aseing da" mungdang: tam" gyo: cang loo" mo, ri myonhoo: byid: phau" myang: se' nyid. Nyang: gi nya: da" akyu" khayhi' yoem" no gyo" loo" nghoid loug we' nyang: byid: to" dang: theing khoin" zung" su: nghoid.

1 SAMUELA 28:10

Hau: thang: Sholu gi deingbyeing" dangsoo" kham: yu lho: myiyi: myhi ri «He: zi koid yoomo nang ri dam kaid zi ashau" baja" kangso' Aseing jhang ngoo dangsoo" to" too" bye:» ga: tid.

1 SAMUELA 14:39

Nga" zoo: Yonathan nghoid loug we' yooboo koid shoid yug nghoid rigi said pyam zi shoug" wa ein: Israela byumyu" yiri oung: doid nhang: da" kangso' Aseing jang" moo ngoo dang: theing too" bye: zi nghoid» ga: tid. Nghoid loug we' hang" we ciwe' atid goo" nghoid da:.

1 SAMUELA 19:5

Nyang: gi nya: kangso' ri ab wigi Goliad ri said pyam bye: yoomo Israela byumyu" yiri Aseing gi oung: pui" zeing byid: bye: zi nghoid. Hau: khyoo: ri nang myang uri nang gau yi ung: pyo nyid bye: zi nghoid. Hougsu" nghoid ziyo' he: yooboo ci: ashoid- ce: yooboo we' adab su: David ri yooboo ayo" jang" moo ciwim yoomo nyang: ri said pyam nau nyid la"» ga: tid bye: da:.

1 SAMUELA 19:7

Hougsu" nghoid yoomo Yonathan gi David ri khe: yu wigi hau: khyoo: dangain" ziri tid kyoo" bye: zi nghoid. Hau: thang: Yonathan we' David ri Sholu jhang khyoo: shu" lo lho: shid ri koid yhang: ti" khokham ri dei byid: bye: da:.

DANG: ZHOEM 31:8

«Nyang: nya: myhen: shang: ayo" tid yu mo, shid re" bo tid byid: wa pang" thoug yu wa byu ayoo" mo, shid re" yoo" moin: da" akho, akhang" ri bo yu" nyheung byid: wa.