1 SAMUELA 19:1 - Lacid Common Language Bible

¹ Sholu gi David ri said wa khyoo: ri nyang: soin' nyid ziri nya: zoo: Yonathan yo' nya: moo" voin bang: dangain" ri tid kyoo" bye: zi nghoid. Nghoid loug we' Yonathan gi David ri gye" jheddab yoomo

1 SAMUELA 19:1 교차 참조

APOEM AYANG: 37:18

Nyangnu" gi nyang: ri vi: mo myang wigi nyang: gi nyangnu" jhang aju" shi" ri nyangnu" gi nyang: ri said pyam wa shid re" sham: go" boem.

2 SAMUELA 4:8

Nya: tang: gi Hebron voomoo" moo khokham koid nyid da" David ri hau: vhuloem lo" byid: wigi nyang: ri «he: zigi nang ri said wa ga: soin' nyid da" re" gyivoo Sholu da" nya: zoo: Ishboshed da" vhuloem nghoid. Sholu yo' nya: akung: ako' yiri latoo: phug wa shid re" Aseing gi akhid" nyid" nang aseing: khokham ri akhang" byid: bye:» ga: tid da:.

1 SAMUELA 18:1

Sholu yo' David dang: bain doem go" thang: ri Sholu da" nya: zoo: Yonathan gi David ri gye" nheig dab wigi nya: gung yo' dayhang: ti" re" jheddab yu bye:.

1 SAMUELA 18:25

Sholu gi David ri «Khokham re" jang" mo vhoo: nau gu: dangain" zigi nya: gyivoo yiri latoo: yo" phug byid: sho' said wigi shid: byug bye: da" Philisti byumyu" yi da" shooyid thang: dashoo: ri phoug" soin: byid: wa» ga: tid kyoo" wa shid re" nyangnu" ri amyeing" byid: kaid bye:. (Hau: zi we' Philisti byumyu" yi da" lo, moo: David ri said pyam nhang: wa shid re" Sholu khoug lheing: lheing: da" khyoo: nghoid da:.)

1 SAMUELA 18:3

Yonathan gi David ri gye" jheddab yoomo nyang: yo' dapyaid datoo: byencang" koid wa shid re" dang: theing too" bye:.

1 SAMUELA 18:8

Hau: ziri Sholu agyo: vhoo: yoomo nyang: gi gye" nheigloem: yoin lo. Nyang: gi «David shid re" gi moin su: su: nghoid loug we' nga" shid re" gi khyeing" su: za: tid wigi jikhoin" khoin" zigi nyangnu" gi nyang: ri thang: lheing: da" khokham koid nhang: wa zi nghoid» ga: tid bye:.

1 SAMUELA 18:9

Hau nyid" mo zi David ri yu" zo ziyo' aloem" byug khari" loo: nghoid da:.

1 SAMUELA 19:2

Nyang: gi David ri «nga" phoo gi nang ri said wa shid re" soin' nyid zi nghoid. Jeju" mo nab kyoo' nang zid" lho: nyid we'. Goug: da" joyoo dakhyi' khyi' moo gau" wigi nyid nyid we'.

1 SAMUELA 20:1

Akhid" David gi Rama meing: Nayud voogung mo phang: thu' lo" wigi Yonathan ri «ce: noem koid shoid bye: la". Re" phoo ngoo ri said pyam noug sho' nyang: ri ngoo ce: noem koid shoid bye: la"» ga: myid: da:.

1 SAMUELA 20:19

Sang: phe: nyid" tho' mo jain" lang" nang anyid ziri yo" si' wa zi nghoid. Hougsu" yoomo nang ajang" yhe: gau" nyid da" joyoo khyoo: yhe: lho: hougmoo: jo, da" lugboem zung nungthang moo yhe: gau" nyid we'.