1 SAMUELA 18:8 - Lacid Common Language Bible

⁸ Hau: ziri Sholu agyo: vhoo: yoomo nyang: gi gye" nheigloem: yoin lo. Nyang: gi «David shid re" gi moin su: su: nghoid loug we' nga" shid re" gi khyeing" su: za: tid wigi jikhoin" khoin" zigi nyangnu" gi nyang: ri thang: lheing: da" khokham koid nhang: wa zi nghoid» ga: tid bye:.

1 SAMUELA 18:8 교차 참조

APOEM AYANG: 37:11

Yoseb da" mang: nhung" yigi nyang: ri no" zo nyid. Nghoid loug we' nya: phoo gi hau: khyoo: dangain" ri soin: zhung" yu" nyid.

APOEM AYANG: 37:8

«Nang gi khokham zoug: ludaid koid lho: ngoonu" tho' moo vhoeb nyid wa ein: soin' nyid lha"» ga: nya: mang: bang: myid:. Houg: yoomo nyangnu" gi nya: yhoebmo, gang mo we' nyangnu" da" khyoo: ri khyang" shid gang mo we' nyang: ri je je ngheing" bye:.

1 KHOKHAM 2:22

Khokham phoo gi «Abishaga ri byid: wa shid re" nang ciwim yoomo ngoo ri re" tid lha". Nang ngoo ri hougsu" tid zigi nyang: ri khokham zhungtang ab byid: ziyo' dayhang: ti" nghoid nyid. Hau: tho' ago" nyang: gi nga" mang: we' nghoid nyid. Khainjung Abiatha yo' Yoab tang we' nya: shoid khyoo: nghoid nyid da:» ga: tid.

ESTHA 3:5

Haman gi nyang: ri Modekhai poid thug thoug lho: agoeb pid ziri shoug" gyoo: lang" nheig joem: yo: lo da:.

DANG: ZHOEM 13:10

Nheigloem: myhang: lho: nghoid boin: da" khyoo: gi kyi" khyeug khyoo: mo lid lho: ce" noem we' yo" ze" bue" khyoo: ajo. Phajhi" jhau" byid: su: gi phajhi" je" si' su: nghoid.

DANG: ZHOEM 27:4

Nheig yo: nyid da" khyoo: gi lam: ziyo' byo, yoin" loo" nhang: da" khyoo: nghoid, Nghoid loug we' no" zo khyoo: yo' age tu, goo.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

GYUNG: SOO" 11:1

Byumyu" yigi nyangnu" da" yau: khi" yo' sen: wigi Aseing ri khyang" shed shid" lo da:. Nyangnu" da" hau: dang: ri Aseing shoug" gyoo: lang" nyang: nheig yo: wigi byumyu" yi adang moo: myi: nhang: kaid byid: da:. Hau: myi: gi nyangnu" phung: moo: nge" wigi dab dathang: byo, yoin" byug bye:.

GYUNG: SOO" 22:34

Balam gi «Ngoo yooboo shoid bye:. Ngoo ri lhoem: toem' pyam wa shid re" khyoogung moo: nang yab jo, ziri ngoo asi'. Nghoid loug we' akhid" ngoo yhe: lo" khyoo: ajoo ein: nang myid jho: nghoid rigi ngoo yhoem: khyoo: doem tau" loo" wa» ga: tid.

YAKU 4:5

Jhoem: mungdang: moo Ngoonu" da" akhoug: moo Mangsoo kaid byid: to" da" Venyi gi-gye" thain: da" vho: ngei nheigloem: yo' byeung" jo, ga: wigi tid to" da" zigi agoin: danghoid ein: amyid nyid goo.

1 SAMUELA 13:14

Nghoid loug we' akhid" gi nang yo" vhoeb khang" loo: wa zi anghoid. Nang nya: da" dang: ri atam" gyoo: yoomo Aseing gi nyang: yu" vho: da" byu ri sho: wigi nya: byumyu" yiri vhoebkhang" nhang: wa zi nghoid» ga: tid bye:.

1 SAMUELA 15:28

Samuela gi nyang: ri «Akhanyid" Aseing gi Israela mung" ri re" jang" mo lang: ceig yu wigi re" tho' je ge da" byu dayug ri byid: pyam bye: zi nghoid.

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.

1 SAMUELA 18:9

Hau nyid" mo zi David ri yu" zo ziyo' aloem" byug khari" loo: nghoid da:.

1 SAMUELA 19:1

Sholu gi David ri said wa khyoo: ri nyang: soin' nyid ziri nya: zoo: Yonathan yo' nya: moo" voin bang: dangain" ri tid kyoo" bye: zi nghoid. Nghoid loug we' Yonathan gi David ri gye" jheddab yoomo

1 SAMUELA 20:31

David dadei nyid cang cang gi: he: mung" dain moo nang khokham khanham we' ashau" koid wa ein: ziri nang ashau" myid rhe". Akhid" hid: khyoo: yhe: shu" loo we' nyang: ri said pyam wa zi nghoid» ga: tid.