1 SAMUELA 18:6 - Lacid Common Language Bible

⁶ Akhid" David Goliad ri said pyam lho: gyizoo: yi yhoem: khyoo: doem phang: lo uri Israela voogung dangain" jang" mo myiyi: nu" yi Sholu ri tau yu wa ga: re" lo boem ago". Nyangnu" gi zeing baid mang" thung" teing baid wigi ngei ngei pyoo: pyoo: jikhoin" khoin" lho: go" nyid boem.

1 SAMUELA 18:6 교차 참조

TARHA" AGYI 11:34

Yebtha gi Mizpa yhoem: khyoo: tau" lo" uri nya: myiyi: zoo: gi nyang: ri tau' yu wa shid re" go" wigi jhu: khuang baid lho: thu re" nyid da:. Nyang: gi Yebtha da" zooti" myiyi: zoo: nghoid da:.

THU' LO" MOUGSOUG" 15:20

Arun da" nya: bi: lapi: myhi' Miriam gi nya: da" zeing yu da:. Myiyi: yi dangain" we' nya: thang: cang lho: zeing baid lho: go" nyid ago".

COUNG" NGHEI 68:25

Jikhoin" khoin" bang: gi shid khyoo: yhe: lo" wigi music phung: gi thang: moo: cang lho: agung moo: gi jhabceing baid da" zoomyi: yi cang nyid boem.

THU' LO" MOUGSOUG" 15:21

Miriam gi «Aseing ri jikhoin" khoin" wa. Ciwim gari nyang: gi phung" yoeb yo' oung: doid khyoo: ri yo" yu su: nghoid. Nyang: gi myang: joem yo' myang: jui: mo, ri panglai: khyoo: du" zei pyam bye:» ga: nyangnu" shid re" jikhoin" khoin" byid: da:.

1 SAMUELA 18:5

David gi Sholu wigi nyang: ri nhang: da" moo" zoo" dangain" oungdoid yoomo Sholu gi nyang: ri nya: gyidab mo gyizoug: koid nhang: to" da:. Hougsu" yoomo Sholu da" moo" voin bang: yo' byu yi dangain" gi yu" gau nyid boem.

2 SAMUELA 1:20

Hau: ziri Gad voogung yo' Askhelon voogung khyoo: cang afu" yen" goo". Philisti myhi' zeing yi agoug nhang: goo". Yu phara" no' bang: da" myiyi: zooshang: yiri abu: nhang: goo"

2 SAMUELA 6:5

David yo' Israela byumyu" yi dangain" gi Aseing ri coung" nghei khyo" wigi nyangnu" da" yoem: so' dangain" ziyo' go" lho: jikhoin" yo' coung" nghei nyid boem ago". Nyangnu" gi teing shi:- teing- zeing- khoolhang yo' jhabceing joem baid nyid boem ago".

COUNG" NGHEI 68:11

Aseing gi mungdang: tarha" ri byid: kaid ziyo' myi yi: yi myoo" sho' bang- hau: lu dang: ri voin, so" yen".

COUNG" NGHEI 149:3

Nya: myeing khyang" ri goo" nhoin' lho: coung" byid: ge'. Zeing baid mang" thoung wigi teing joem ri baid lho: wigi nyang: ri coung" byid: nyid we'.

ESAIA 30:32

Aseing wigi nyangnu" ri alheing: lheing: doem baid baid koid zigi nya: byumyu" yi zeing joem yo' teing joem ri baid myheing yhang: ti" nghoid loo goo" wa. Mangsoo nyang: wigi nyang: Asuri ri meing: zain: loo wa.