1 SAMUELA 18:5 - Lacid Common Language Bible

⁵ David gi Sholu wigi nyang: ri nhang: da" moo" zoo" dangain" oungdoid yoomo Sholu gi nyang: ri nya: gyidab mo gyizoug: koid nhang: to" da:. Hougsu" yoomo Sholu da" moo" voin bang: yo' byu yi dangain" gi yu" gau nyid boem.

1 SAMUELA 18:5 교차 참조

1 SAMUELA 18:30

Philisti gyi yi re" said nghoid loug we' gootu: Sholu da" gyizoo: yi tho' David gi je wigi oung: doid nyid bye: zi nghoid. Hougsu" nghoid yoomo David gi je myeing gyi: su: bue" loo bye: zi nghoid.

KOLOSE 4:5

Nanu" yo" yu da" amyeing" akhang" ri goolhoo: zoo: ci: yhoung: lho: aloem" ajeung" bang: yo' zoem" khau: uri-phajhi" bo nyid ge'.

Ephesu 5:17

Hougsu" nghoid yoomo akoo" afang: akoid nyid goo"- hau: Aseing: nang ri zei: nhang: nau da" khyoo: ri yoem: kaid' lho: phoid: sho: zei: so nyid ge'.

ACTS 7:10

Nghoid loug we' Mangsoo gi nyang: yo' dage" nghoid nyid yoomo nyang: ri yau: khe" jamjau dangain" jang" mo loid loo" nhang: bye. Mangsoo gi Yoseb ri Egu tu khokham" da" shid khoin" moo yu" jhed' yu" kang: da" nyid yab, khyoo: nyheing byid: ziyo' - lasi, phajhi" byid: wigi Egutu khokham" gi Yoseb ri Mungdain goin" da" atho' moo we' khokham" khoo" dangain" jang" moo we' - Vhoeb, khang" nhang: too" bye.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

1 SAMUELA 13:2

Sholu gi byu soem: khyeing" ri khe: zheing" yu wigi nyangnu" mo eig khyeing" rigi nyang: yo' dage" Mikmasha yo' Bethela boem moug: moo to" to" lho: dakhyeing" rigi nya: zoo: Yonathan yo' dage" Benyamin byumyu" yi da" moug" myid nghoid da" Gibea voogung khyo: nhang: kaid da:. Deing da" byu yi rigi nyangnu" nyang: yhoem: khyoo: Sholu nhang: kaid bye:.

APOEM AYANG: 39:23

Yoseb ri yoovoin foin: to" jang" mo thung: agyi phoo gi ci: we' abo ca" loo:. Aseing gi Yoseb yo' dage" nyid nyid yoomo nyang: zei: moozei: dangain" nyang: yo" zei oung: doid bye:.

1 SAMUELA 14:52

Sholu nyang: kangso' dei gu: dangain" moo Philisti byumyu" yi yo' meing: gye" zain: goo" ca" zi nghoid. Hougsu" yoomo yoem: bo lho: seing" yang" bang: dangain" ri myang khang" moo" nya: gyizoo: phung: moo: myheig kaid yu yu koid nyid.

1 SAMUELA 18:4

Nyang: gi nyang: void ci: da" byisheing: ri khyoid yu wigi hau: ziyo' dage" nyang: void ci: da" gyi byimi sham:- lid: yo' phyid" cu" joem ri David ri khyoid byid:.

1 SAMUELA 18:6

Akhid" David Goliad ri said pyam lho: gyizoo: yi yhoem: khyoo: doem phang: lo uri Israela voogung dangain" jang" mo myiyi: nu" yi Sholu ri tau yu wa ga: re" lo boem ago". Nyangnu" gi zeing baid mang" thung" teing baid wigi ngei ngei pyoo: pyoo: jikhoin" khoin" lho: go" nyid boem.

1 SAMUELA 18:16

Nghoid loug we' David gi oung: doid da" vhujhung: nghoid nyid yoomo Israela yo' Yuda byumyu" khang" moo" nyang: ri jheddab nyid boem.

2 SAMUELA 5:2

Lid loo" bye: da" ayo, Sholu ngoonu" da" khokham bue" nyid uri nghoid loug we' meing: zain: jang: moo Israela byumyu" yiri nang shu" vhu" shi: bye: zi nghoid ziyo' nang we' Aseing byumyu" yiri vhu" she: wigi nyangnu" ri vhoebkhang" wa shid re" Aseing nang ri dang: soo" byid: bye: zi nghoid» ga: tid ago".

COUNG" NGHEI 101:2

Nga" asam" aved, moo shoid vhang: khyoo: ci: we' aboo wa nghoid nang gi nga" jang" moo kha: yo, ri ju" ri" wa ein: lha". Ngoo gi ngoo nya: yhoem: khoug moo younglho' khyo" kangso' dei lho:

1 SAMUELA 3:19

Samuela we' apyaid gyi: loo nyid uri Aseing gi nyang: yo' dage" nghoid nyid. Samuela ri Mangsoo tid da" mungdang: dangain" zi joeb byeung" lo da:.

2 SAMUELA 5:10

Myhang: thang da" Aseing Mangsoo gi nyang: yo' dage" nghoid nyid yoomo nyang: gi ayo, loem: khang" moo" moo je" gyi: sheung: lo nyid.

2 KHOKHAM MHOOMYID: 17:3

Yehoshaphad gi nya: phoo da" apyaid xang: shi" du mo khooshid: ri cang ziyo' Bala ri ano' yoomo Aseing gi nyang: ri mainkaid byid: da:.