1 SAMUELA 15:12 - Lacid Common Language Bible

¹² Thang: nab kyoo' nab soin: no' mo Sholu ri shoo: wa ga: nyang: thu loo" khari" bye:. Sholu gi Khamela voogung khyoo: ju" wigi hau: joyoo moo nya: shid re" laxoem" dung" zeing daloem: koid to" lho: Gilgala khyoo: yhe: loo" khari" bye: ga: ziri Samuela shoug" gyoo: bye:.

1 SAMUELA 15:12 교차 참조

APOEM AYANG: 21:14

Thang: nab soin: no' re Abraham gi Hagara ri zoo: noem dayham" yo' gyid byeung" sho' bo da" shooyid thung: daloem: ri byid: kaid. Nyang: gi hau: zoo: noem joem ri Hagara nung" khung: moo ki" byid: lho: nyang: ri zoo: shug yo' dage" thu loo" nhang: bye:. Hagara gi thu loo" khare" lho: Berasheba dain" pyoid khoug: cang so" lheing: yen" bye:.

2 SAMUELA 18:18

Absalom gi nya: kangso' dei da" ayo, moo nya: myeing xo' wa shid re" yuggi zoo: ayoo" yoomo nyang: nya: shid re" khokham lang: gyoin: moo laxoem" zeing koid too" bye:. Hougsu" yoomo hau: ziri nya: myeing myheing to" wigi akhid" nyid" ju" sho' Absalom laxoem" ga: se' nyid boem.

1 KHOKHAM 18:42

Ahab zoo: noem lo" zo: nyid ayo, ri Elia gi Kharmela boem gung khyoo: do, lo" wigi houg moo nya: vhuloem ri poid lug gyoo: moo: kaid lho: myidjang khyoo: goeb pid bye:.

2 KHOKHAM MHOOMYID: 26:10

Nyang: gi dain" pa: moo we' gyidab pyuzung joem koid wigi gyid teing thoem" myoo: sho' we' du: to" da:. Ciwim gari nyang: gi bidvang shoid boem khyid: moo yo' dain" pa: joem moo gougnyhoug phung: myo: sho' yoo" yoomo nghoid da:. Nyang: gi yoo koid ziri myid boo su: nghoid yoomo boem moug: cang zabyid khyam: koid goo" wa yo' myidxu: ge da" mougmyid moo yoo koid zoo: goo" wa shid re" mung" byu yiri yoem: byid: da:.

YOSHU 15:55

Maon- Kharmela- Zipha- Yuta

1 SAMUELA 13:12

Philisti byu yi he: ngoo nyid da" Gilgala khyoo: re" khaid zain: wa ziyo' Aseing da" myonhoo: yo' anghoid rigi ngoo age oung: ein: myid pyam yoomo nga" myid kham zo: ziyo' ngoo xoin" ngei" pyam bye: zi nghoid» ga: tid.

1 SAMUELA 13:15

Samuela we' Gilgala mo thu wigi nya: gyung: khyoo: doem xo' so" lo" da:. Sholu gi nya: gyizoo: yi jhang yhe: yu" ri deing shi" da" bang: we' nya: thang: khyoo: cang lo boem ago". Nyangnu" gi Gilgala mo zi Benyamin byumyu" yi mougmyid nghoid da" Gibea voogung khyoo: yhe: lo" boem bye:. Sholu nya: gyizoo: yiri nghab yu" ri byu khyug shoo: koo: danghoid lo da:.

1 SAMUELA 17:20

David gi thang nab kyoo' no' mo to' wigi yang joem ri yang zung" bang: dayug yug jhang ab too" kho lho: Yese nyang: ri tid to" ziyo' dayhang: ti" zoo: shug yu ci: kho' wigi thu' loo" bye:. Israela byumyu" yi meing: zain: pa: khyoo: thu' yhe: wigi gyi zain: zeug nyhoo: go" nyid da" uri dab khyoo: David ju" lo" abye:.

1 SAMUELA 25:2

Houg: moo: Kharmela voogung ayam mo mougmyid ri seing: da" Maon voogung mo Nabala ga: myheing da" Khaleb da" akung: ako'' mo dayug nyid nyid da:. Nyang: gi gye" yoo" zoo: yoo" shug su: nghoid ziyo' nyang: gi yang soem: khyeing" coidbaid da khyeing" ri seing: too" su: nghoid nyid da:. Nya: yhoem: seing: myhi' Abigela gi yung" ziyo' phajhi" si' su: nghoid. Nghoid loug we' nyang: gi cen" ziyo' nheigloem: thain: su: nghoid da:. Nabala gi Kharmela voogung moo yang moug" yham" nyid ri

1 SAMUELA 7:12

Hau: thang: ri Samuela gi lugzeing daloem: ri koid: yu wigi Mizpa yo' Shen agyoo: moo zhug to" lho: «Aseing gi ngoonu" ri dakhyoo: moo" goin" jang" moo pang" thoug bye:» ga: tid lho: nyang: gi hau: ziri «Pang" thug lugzeing» ga: myeing myheing byid: bye:.